சினிமா

எந்திரன் : சாதனை மேல் சாதனை

2010-08-20T09:36:00.000-07:00

எந்திரன் படத்தின் தெலுங்கு உ‌ரிமையை 30 கோடிக்கு வாங்கியதாக ஒருவர் பேட்டியளித்ததும், இருவர் போலி பத்திரங்களைப் பயன்படுத்தி இந்த விற்பனையை நடத்தியதும் இரண்டு நாட்கள் முன்பு தெ‌ரிய வந்தது.

இதையடுத்து எல்லோர் மனதிலும் எழுந்த கேள்வி எந்திரனின் தெலுங்குப் பதிப்பு எத்தனை கோடிக்கு விலை போகும்?

இறுதியாக கிடைத்த தகவலின்படி 33 கோடிக்கு எந்திரன் தெலுங்கு உ‌ரிமை வாங்கப்பட்டுள்ளதாம். ஒரு மொழிமாற்றுப் படம் இத்தனை பெரிய தொகைக்கு விலை போனது இந்தியாவில் இதுவே முதல்முறை.

எந்திரனின் கன்னட உ‌ரிமை 9.5 கோடிக்கு விற்பனையானதாக மற்றொரு செய்தி தெ‌ரிவிக்கிறது. இது கன்னட மெகா படங்களின் பட்ஜெட்டுக்கு சமமான தொகை.
சாதனைகள் மேலும் தொடரும் என உறுதியாகச் சொல்லலாம்.

மைசூரில் நடனப் பள்ளி துவங்குகிறார் பிரபுதேவா

2010-08-20T09:32:00.000-07:00

கர்நாடக மாநிலம் மைசூரில் நடனப் பள்ளியைத் துவங்கவுள்ளார் நடிகரும், டான்ஸ் மாஸ்டரும், இயக்குநருமான பிரபுதேவா.

டான்ஸ் மாஸ்டராக இருந்த பிரபு தேவா இந்து படத்தின் மூலம் திடீரென நடிகர் ஆனார். நடனத்தில் காட்டிய கவனம் மாறி, நடிப்பில் மும்முரமாகிவிட்டார். நடிப்பு சான்ஸ் குறைந்தபோது, திடீரென டைரக்டர் ஆகிவிட்டார்.

தெலுங்கிலும், தமிழிலும் ஹிட் படங்களைக் கொடுத்தார்.
இப்போது அடுத்த கட்டமாக சர்வதேச நடன பள்ளி தொடங்கும் முயற்சியில் ரகசியமாக இறங்கி உள்ளாராம். இதனால் பெரும்பகுதி கவனத்தை இந்த பள்ளிக்கூடத்தின் மேல் செலுத்த ஆரம்பித்திருக்கிறாராம்.

மைசூரில்தான் இந்த பள்ளியை அவர் தொடங்க உள்ளார். வெளிநாடுகளில் இதன் கிளைகளை தொடங்க அவர் திட்டமிட்டுள்ளார். துபாயில் உள்ள நயன்தாராவின் அண்ணனும் பிரபு தேவாவின் இந்த புரொஜெக்ட்டில் அவருக்கு உதவியாக உள்ளாராம். மைசூர்தான் பிரபுதேவாவுக்கு சொந்த ஊர் என்பது குறிப்பிடத்தக்கது.

இணையதளத்தில் பாஸ்போர்ட் : அதிர்ச்சியில் ஐஸ்வர்யா

2010-06-24T23:02:00.000-07:00

பிரபல பாலிவுட் நடிகை ஐஸ்வர்யா ராயின் பாஸ்போர்ட்டை சிலர் ஸ்கேன் செய்து இணையதளத்தில் பரவவிட்டுள்ளனர். இதில் அவரது பிறந்த நாள், எந்தெந்த நாடுகளுக்குப் போனார் உள்ளிட்ட சில விவரங்கள் வெளியாகியுள்ளனர்.

இதைக் கண்டு அதிர்ச்சியடைந்துள்ளார் ஐஸ்வர்யா ராய்.
தனது பாஸ்போர்ட்டை வெளியாட்களிடம் எப்போதும் கொடுக்கமாட்டாராம் ஐஸ்வர்யா. ஆனால் இப்போது எப்படி வெளியானது என்று புரியாமல் குழம்பியுள்ளார். பாஸ்போர்ட்டில் தனது பெயரை ஐஸ்வர்யா என்று குறிப்பிட்டுள்ளார். பிறந்த தேதி 1.11.1973 என்று உள்ளது. இதன் மூலம் ஐஸ்வர்யா ராய்க்கு 37 வயது என்பது உறுதியாகியுள்ளது.

திருமணத்துக்கு முன்பே இந்த பாஸ்போர்ட்டை எடுத்துள்ளார். இதை இண்டர்நெட்டில் வெளியிட்டது யார் என்று விசாரணை நடக்கிறது. போலீசுக்கும் இந்த பிரச்சினை ஒரு புகாராகத் தந்துள்ளனர்.

இந்த விஷயத்தில் திரைப்பட தயாரிப்பு நிறுவனங்கள் மீதுதான் ஐஸ்வர்யா ராய்க்கு சந்தேகம் ஏற்பட்டுள்ளதாம். வெளிநாட்டு படப்பிடிப்பு களுக்கு செல்லும்போது விசா பெறும் நடைமுறக்காக பாஸ்போர்ட்டை படப்பிடிப்பு குழுவினர் வாங்கிச் செல்வது உண்டு. அப்போது யாரோ இதனை ஸ்கேன் செய்து இண்டர்நெட்டில் வெளியிட்டிருக்கலாம் என்ற கோணத்தில் விசாரணை நடக்கிறது.

போலீசார் இதுகுறித்து தீவிர விசாரணை நடத்தி வருகிறார்கள். இதற்கு முன்பு இது போன்று முக்கிய பிரமுகரின் பாஸ்போர்ட் இண்டர்நெட்டில் வெளியான சம்பவங்கள் நடந்ததில்லை என்பது குறிப்பிடத்தக்கது. இதுவே முதல்முறை என்பது குறிப்பிடத்தக்கது.

சிரிக்க வைத்த கார்த்தி!

2010-06-24T23:00:00.001-07:00

சூர்யாவிடம் இல்லாத பல விஷயங்கள் இருக்கிறது அவரது இளவல் கார்த்தியிடம்! பொய்யில்லாத சிரிப்பு, புரட்டில்லாத பேச்சு என்று அந்த 'வெரிகுட் விஷயங்களை' அடுக்கிக் கொண்டே போகலாம்.

நேற்று நடந்த 'நான் மகான் அல்ல' பிரஸ்மீட்டில் கூட கார்த்தியின் இயல்பான பேச்சில் ஒரு சினேகிதனின் மென்மை!

'மௌன ராகம் படத்தில் கார்த்திக் சார் பண்ணியது மாதிரி ஒரு கேரக்டர் இது என்று பெரும்பாலான இயக்குனர்கள் சொல்லுவாங்க. ஆனால் அந்த இடத்தை இதுவரைக்கும் யாரும் நிரப்பியதா தெரியல. இந்த படத்தில் நீங்க அந்த மௌன ராகம் கார்த்திக்கை பார்க்கலாம். இன்னம் 25 வருஷம் கழிச்சு அவரு தான் நடிச்ச படங்களை திரும்ப நினைச்சு பார்த்தார்னா அதில கட்டாயம் இந்த படமும் இருக்கும்' என்று பெரிய முன்னோட்டம் கொடுத்துவிட்டு அமர்ந்தார் நான் மகான் அல்ல படத்தின் இயக்குனர் சுசீந்திரன். இவர் சொன்ன இன்னொரு தகவல் ரொம்ப முக்கியமானது. 'பருத்தி வீரன் படத்திற்கு பிறகு கார்த்தி நடித்த ஆயிரத்தில் ஒருவனிலும், பையாவிலும் கொஞ்சமாவது பருத்தி வீரன் சாயல் இருக்கும்னு சொல்வாங்க. இந்த படத்தில் அந்த சுவடே சுத்தமா இருக்காது. ரொம்ப மெனக்கட்டு நடிச்சிருக்கார்' என்றார்.

தனது அழகான மென் சிரிப்போடு பேச ஆரம்பித்தார் கார்த்தி. பருத்தி வீரன்ல 90 சதவீதம் அமீர் சார் இருந்தார்னா, அதில பத்து சதவீதமாவது நான் இருந்திருக்க மாட்டேனா? எனக்குன்னு இருக்கிற குணமும் அதில வெளிப்பட்டிருக்கும் இல்லையா? அதுதான் அடுத்தடுத்த படத்தில் வருதுன்னு நினைக்கிறேன். ஆனால் நான் மகான் அல்ல படத்தில் டோட்டலா வேறு மாதிரி கார்த்தியை பார்க்கலாம். வெண்ணிலா கபடிக்குழு பார்த்தவுடன் நான் பிரமிச்சு போனேன். அந்த படத்தில் நிறைய சைலண்ட் ஷாட்ஸ் இருந்திச்சு.

சைலண்ட்டை திரையில் ரசிக்கிற மாதிரி சொல்றது ரொம்ப கஷ்டம். அதை சரியா செஞ்சிருந்தாரு சுசீந்திரன். நாங்க கூப்பிட்டு கதையை கேட்டோம். முதல் ஆஃப் சொல்லும்போதே என்னை விழுந்து விழுந்து சிரிக்க வச்சார். இந்த படம் ரொம்ப அற்புதமா வந்திருக்கு என்றவரிடம், நான் மகான் அல்ல என்று பேரு வச்சிருக்கீங்க. ஏதும் வில்லங்கமான சீன் இருக்கா என்றொரு கேள்வி பறந்தது கூட்டத்திலிருந்து.

நான் மகான் அல்லன்னுதானே சார் வச்சுருக்கோம். நான் மன்மதன் அல்லன்னு வைக்கலையே என்றார் கார்த்தி. பின்னாலேயே பறந்து வந்த இன்னொரு கேள்வி அந்த அரங்கத்தையே சிரிக்கவும் சிந்திக்கவும் வைத்தது.
இப்பல்லாம் மகான்கள்தானே மன்மதன்கள் ஆகுறாங்க

கமல் ஜோடியாக சம்பளம் குறைப்பா? : திரிஷா பதில்

2010-06-24T22:56:00.001-07:00

திரிஷா இந்தியில் அக்ஷய் குமார் ஜோடியாக நடித்த காட்டா மீட்டா படம் ரிலீசுக்கு தயாராகிறது. தற்போது கமலுடன் “மன்மதன் அம்பு” படத்தில் நடித்துக் கொண்டிருக்கிறார்.

இந்திப்படத்தில் நடிக்கவும் கமலுடன் நடிக்கவும் சம்பளத்தை குறைத்திருப்பதாக செய்திகள் வந்துள்ளன. இது பற்றி திரிஷாவிடம் கேட்ட போது அவர் கூறியதாவது:-

நான் சம்பளத்தை குறைத்ததாக வெளியாகும் செய்திகள் வெறும் புரளிதான் காட்டா மீட்டா படத்தை பிரியதர்ஷன் இயக்குகிறார். அவர் எனது குரு. அவர் கேட்டுக்கொண்டதால் அப்படத்தில் நடித்தேன். கமலுடன் நடிக்கவும் சம்பளம் குறைக்கவில்லை. பணத்தை நான் பொருடபாக நினைக்க வில்லை. கதை தான் முக்கியம்.

காட்டா மீட்டா படத்தில் நேர்மையான நகரசபை கமிஷனராக வருகிறேன். அக்ஷய்குமார் ரோடு காண்டிராக்டராக நடிக்கிறார். அவருக்கும் எனக்கும் கல்லூரியில் படிக்கும் போது காதல் மலரும் பிறகு சில சூழ்நிலைகளால் அது முறிந்து போகும். எங்கள் இருவருக்குமான பிரச்சினைகளே கதை. அருமையான கதை ரொம்ப ஈடுபாட்டுடன் நடித்தேன்.

மன்மதன் அம்பு படத்தில் கமல் ஜோடியானதன் மூலம் என் கனவு நிறைவேறியது. கமலுடன் தசாவதாரம், மர்மயோகி படங்களில் நடிக்கும் வாய்ப்புகளை இழந்துள்ளேன். மன்மதன் அம்பு படத்தில் கண்டிப்பாக நான் நடிக்க வேண்டும் என்று விரும்பினார். அது நடந்து இருக்கிறது.

விண்ணைத் தாண்டி வருவாயா படத்தில் “என் ஜெஸ்ஸி கேரக்டர் சிறப்பாக அமைந்தது. இப்படத்தை இந்தியில் “ரீமேக் செய்ய இயக்குனர் கவுதம் ஏற்பாடு கள் செய்கிறார். இந்திப்படத்திலும் என்னை நடிக்க கேட்டுள்ளனர் என்றார் திரிஷா

ரூ.100 கோடி நஷ்டம் : அதிர்ச்சியில் ரிலையன்ஸ்…!

2010-06-24T22:54:00.001-07:00

கைட்ஸ், ராவணன் என அடுத்தடுத்து இரு பெரிய படங்களின் வீழ்ச்சி, ரிலையன்ஸ் நிறுவனத்துக்கு ரூ 100 கோடி நஷ்டத்தை ஏற்படுத்தியுள்ளது.

ரிலையன்ஸ் பிக் பிக்சர்ஸ் நிச்சயம் இவ்வளவு பெரிய அடியை எதிர்ப்பார்த்திருக்காது என்பதுதான் பாலிவுட் முழுக்க பேசப்படும் விஷயமாக உள்ளது. ஹ்ரித்திக் ரோஷன் நடித்த கைட்ஸ் படம் பெரும் எதிர்ப்பார்ப்புக்கிடையே வெளியானது. ஆரம்பத்தில் ரூ 54 கோடிக்கு இந்தப் படத்தின் சாட்டிலைட் உரிமையை விற்கப் பேசி வந்தது ரிலையன்ஸ்.

ஆனால் படம் குறித்த எதிர்மறை செய்திகள் பரவியதும் ரூ 40 கோடி மட்டுமே கிடைத்தது. கைட்ஸ் மூலம் ஏற்பட்ட நஷ்டம் ரூ 60 கோடி எனக் கூறப்படுகிறது.

பிக் பிக்ஸர்ஸ் அடுத்து மெட்ராஸ் டாக்கீஸுடன் கூட்டாக மூன்று மொழிகளில் தயாரித்துள்ள ராவணன் பெரும் நஷ்டத்தை ஏற்படுத்தியுள்ளது. இதன் தயாரிப்புச் செலவு ரூ 100 கோடி என்று கணக்கு காட்டியுள்ளனர்.

மூன்று மொழிகளிலும் சேர்த்து ராவணன் வசூல் ரூ 53 கோடி என அதிகாரப்பூர்வமற்ற தகவல்கள் தெரிவிக்கின்றன. குறைந்தது ரூ 40 கோடி வரை நஷ்டம் வர வாய்ப்புள்ளதாகக் கூறப்படுகிறது. இந்த பெரும் நஷ்டங்கள் மூலம் அதிர்ச்சியடைந்துள்ள ரிலையன்ஸ் பிக் பிக்சர்ஸ், தனது அடுத்தடுத்த படத் தயாரிப்புகளை தள்ளிப் போட்டுள்ளதாக பாக்ஸ் ஆபீஸ் இந்தியா எக்ஸிகியூடிவ் எடிட்டர் வஸீர் தெரிவித்துள்ளார்.

சூர்யாவுக்கு அல்வா கொடுக்கும் கார்த்தி!

2010-06-24T22:52:00.000-07:00

கோலிவுட்டில் அதிக எண்ணிகையில் உதவி இயக்குனர்கள் வைத்திருக்கும் நான்கு இயக்குனர்கள் ஹரி, கே.எஸ்.ரவிகுமார், கௌதம் வாசுதேவ் மேனன், மிஷ்கின்.

இந்த நான்கு பேருமே கதைகளை சிறப்பாக உருவாக்க உதவி இயக்குனர்களை சாறு பிழிந்து கொள்வதில் கில்லாடிகள். அதேபோல வாங்கும் வேலைக்கு வஞ்சகம் இல்லாமல் உதவி இயக்குனர்களுக்கு கைநிறைய சம்பளம் கொடுப்பதில் இந்த நான்கு பேரையும் அடித்துக் கொள்ள முடியாது என்கிறார்கள்.

இந்த நான்கு இயக்குனர்களும் உதவி இயக்குனர்களை மூன்று குழுவாகப் பிரித்து கதை விவாதத்துக்கு ஒரு குழு, படப்பிடிப்பு தளத்து ஒரு குழு, படத்தின் முன் தயாரிப்பு பின் தயாரிப்புக்கு ஒரு குழு என்று வேலை வாங்கி வருவதாகச் சொல்கிறார்கள். இப்போது ஹரியின் கதை விவாத உதவி இயக்குனர்கள் குழு ஒரு கதையை மிகவும் சீரியஸ்ஸாக விவாதித்துகொண்டிருகிறார்களாம்.

அந்தக்கதை டிக்காபியோ நடித்த கேச் மீ. இஃப் யூ கேன் என்ற ஹாலிவுட் படத்தின் கதைக்கருவை மட்டும் எடுத்துக்கொண்டு அதை அப்படியே சூரியா-கார்த்தி இருவருக்கும் டைலர் மேடாக பிட் பண்ண கடுமையாக உழைத்து வருவதாக இயக்குனர் ஹரியின் அலுவலக வட்டாரத்தில் இருந்து நமக்கு தகவல் கிடைக்கிறது.

ஹைடெக் திருட்டு தொழில் செய்யும் இளைஞனாக கார்த்தியும் அவரை டிரேஸ் செய்து பிடித்து பிறகு தப்பவைக்கும் சிபிஐ போலீஸாக சூரியாவும் நடிக்க இருப்பதாக தகவல் கிடைக்கிறது. சிங்கம் வெற்றியைத் தொடர்ந்து இந்தப் படத்தை சன் பிக்ஸர் தயாரிக்க இருப்பதாகவும் உறுதியான தகவல் கிடைக்கிறது. மேலும் தற்போது தனுஷ் நடிக்கும் ஆக்‌ஷன் படத்தை இயக்க இருக்கும் ஹரி.

அந்தப் படத்தை முடித்ததும் சூரியா கார்த்தி இணையும் படத்தை இயக்க இருப்பதாக தகவல் வருகிறது. ஆனால் கார்த்தி குறிப்பிட்டது போல ஹரி படத்தில் அவர் வில்லன் இல்லை என்கிறார்கள் உதவி இயக்குனர் வட்டாரத்தில். எப்படியோ கார்த்தி விளையாட்டாகச் சொன்னது நிஜமாகிவிட்டது!

விஜய் 37வது பிறந்த நாள் : கல்வி உதவி வழங்கி கொண்டாட்டம்

2010-06-24T22:50:00.000-07:00

இன்று தனது 37வது பிறந்த நாளைக் கொண்டாடினார் விஜய். ஆண்டுதோறும் தனது பிறந்தநாளில் சமூக பணிகள் செய்ய வேண்டும்.

நகரம் முதல் குக்கிராமம் வரை மக்கள் சேவையில் தங்களை ஈடுபடுத்திக் கொள்ளவேண்டும் என்று தன் ரசிகர்களுக்குக் கூறி வரும் விஜய், ஏராளமான ஏழைகளுக்கு இன்று தன் கையால் உதவிகள் வழங்கினார்.
குறிப்பாக ஏழை மாணவர்களுக்கு அதிக கல்வி உதவிகளை அவர் வழங்கினார்.

பிறந்தநாளையொட்டி இன்று சில நிகழ்ச்சிகளில் பங்கேற்றார் விஜய். காலை 9 மணிக்கு பாலவாக்கம் திருமண மண்டபத்தில் நடைபெற்ற ரத்ததான முகாமில் விஜய் முன்னிலையில் ரசிகர்கள் நூறு பேர் ரத்ததானம் வழங்கினர்.

காலை 9.30 மணிக்கு திருவான்மியூர் தியாகராஜர் தியேட்டர் எதிரிலுள்ள முத்துலட்சுமி மருத்துவமனையில் பிறந்த அனைத்துக் குழந்தைகளுக்கும் தங்கமோதிரம் அணிவித்தார்.

காலை 10 மணிக்கு கோடம்பாக்கம் அம்பேத்கார் சிலை அருகே ஊள்ள நகராட்சி மருத்துவமனையில் பிறந்த குழந்தைகளுக்கும் தங்கமோதிரம் அணிவித்தார்.

காலை 11 மணிக்கு சாலிகிராமம் ஷோபா திருமண மண்டபத்தில் அனாதை இல்லத்திற்கு சீருடைகள் வழங்கினார்.

ப்ளஸ் டூ தேர்வில் அதிக மதிப்பெண் பெற்ற ஏழை மாணவருக்கு பி.ஈ.வரை படிப்பதற்கான அனைத்து உதவிகளையும் அவர் ஏற்றுக் கொண்டார்.
கம்ப்யூட்டர் கல்வியில் தேர்ச்சி பெற்ற 37 மாணவ மாணவிகளுக்கு சான்றிதழ்கள் வழங்கினார். உறுப்பு தானம் வழங்கிய 37 பேருக்கு சான்றிதழ்களும், 37 மாணவ மாணவியருக்கு கல்வி உதவித் தொகையும் வழங்கினார்.

விஜய் தலைமை நற்பணி இயக்க அலுவலக வாசலில் நடந்த அன்னதானம், மதியம் 12 மணிக்கு சாலிகிராமம் காவேரி பள்ளியில் நடந்த அன்னதானம், மதியம் 12.30 மணிக்கு சின்மயா நகர் முதியோர் இல்லத்தில் நடந்த அன்னதானம் போன்றவற்றிலும் பங்கேற்றார் விஜய்.

சென்னை மாநகரில் ஈரத்ததானம் வழங்கிய 370 பேருக்கும் நற்பணிகள் செய்த 40 பேருக்கும் சான்றிதழ், புகைப்படங்களை இன்று மாலை 6 மணிக்கு ஷோபா மண்டபத்தில் வழங்குகிறார் விஜய்.

இதேபோன்ற நற்பணி நிகழ்ச்சிகள் இன்று தமிழகம் முழுவதும் நடைபெற்றன.
பிறந்தநாள் விழா ஏற்பாடுகளை இயக்குநர் எஸ்.ஏ.சந்திரசேகரன், தலைமை விஜய் நற்பணி இயக்க தலைவர் சி.ஜெயசீலன், துணைத் தலைவர் ராஜேந்திரன், செயலாளர் ரவிராஜா, துணைச்செயலாளர் ஐ.சி.குமார், மக்கள் தொடர்பாளர் பி.டி.செல்வக்குமார் ஆகியோர் செய்திருந்தனர்.

சூர்யாவின் ‘ஏழாம் அறிவு’

2010-06-24T22:48:00.001-07:00

சிங்கம்’ வெற்றியைத் தொடர்ந்து ஆக்ரோஷமாக களம் இறங்கும் சூர்யாவின் அடுத்த படம் ‘ஏழாம் அறிவு’.

சமீபகாலமாக ஒன்றிரண்டு மசாலா படங்களில் நடித்து பெரும் வெற்றியையும் தேடிக் கொண்ட சூர்யா ஏழாம் அறிவில் கதாநாயகனாக நடிக்கிறார்.

உதயநிதி ஸ்டாலின் தயாரிக்கும் இந்தப் படத்தை இயக்குகிறார் ஏ.ஆர். முருகதாஸ். இசையமைக்கிறார் ஹரிஸ் ஜெயராஜ். படப்பிடிப்புடன் ஆரம்பமாகிவிட்டது ‘ஏழாம் அறிவு’. சூர்யா ஏ.ஆர்.முருகதாஸ் இணைவதால் இப்போதே இந்தப் படத்திற்கு எதிர்பார்ப்பு கிளம்பியுள்ளது.

சென்னையில் குடியேறிய அனுஷ்கா!

2010-06-24T22:43:00.002-07:00

வேட்டைக்காரன் விரக்தியில் ஆழ்த்தியதால் வருத்தத்தில் இருந்த அனுஷ்கா சிங்கம் ஹிட்டாகியுள்ளதால், தனது மார்க்கெட் ஹீ்ட்டாகும் என்ற நம்பிக்கையுடன் சென்னையில் ஒரு பங்களாவைப் பிடித்து ஜாகையை சென்னைக்கு மாற்றி விட்டார்.
ரெண்டு என்ற தமிழ்ப் படம் மூலம் நடிக்க வந்த அனுஷ்கா அதன் பின்னர் தெலுங்குக்கு தாவினார். அங்கு ஹிட் படங்களில் நடித்து வந்த அவர் அருந்ததி படம் மூலம் சூப்பர் ஹிட் நாயகியானார்.

இந்த நிலையில் அவரைப் பிடித்து தமிழுக்கு மீண்டும் கொண்டு வந்தனர். விஜய்க்கு ஜோடியாக வேட்டைக்காரனில் நடிக்க வைத்தனர். விஜய்யுடன் ஜோடியாக நடிப்பதால் தனக்கு தமிழில் மீண்டும் மார்க்கெட் கிடைக்கும், தமிழிலும் முன்னணிக்கு வந்து விடலாம் என்ற நம்பிக்கையில் இருந்தார்.
ஆனால் துரதிர்ஷ்டவசமாக வேட்டைக்காரன் படுத்து விட்டதால் அப்செட் ஆனார். ஆனால் தற்போது சிங்கம் வந்து அவரைக் காப்பாற்றியுள்ளது.

சிங்கம் படம் ஹிட்டாகியுள்ளதால் அனுஷ்காவும் குஷியாகியுள்ளார். ராசியில்லாத நடிகை என்று தன்னை முத்திரை குத்திவிடாமல் காப்பாற்றிய படம் என்பதால் சிங்கத்தின் வெற்றி அவருக்கு சந்தோஷத்தைக் கொடுத்துள்ளது.

இதையடுத்து தன்னைத் தேடி நிறைய தமிழ்ப் பட வாய்ப்புகள் வரும் என்ற நம்பிக்கையில் சென்னையில் ஒரு பங்களாவை வாடகைக்குப் பிடித்து இங்கு இடம் மாறியுள்ளார்.

இனி தான் சென்னையில்தான் தங்கி இருக்கப் போவதாகவும் தகவலை பரப்பியுள்ளாராம்.

எனவே அனுஷ்காவைப் புக் செய்ய நினைக்கும் இயக்குநர்களும், தயாரிப்பாளர்களும் ஹைதராபாத் போய் கஷ்டப்பட வேண்டியதில்லை.

உதவி இயக்குநர்களுக்கு நிலம் வாங்கிக் கொடுத்த இயக்குநர்

2010-06-24T22:43:00.001-07:00

இயக்குநர் ஹரியின் படங்களில் வரும் ஹீரோக்கள் எல்லோருமே கொஞ்சம் தாராள குணம் படைத்தவர்களாகவே இருப்பார்கள். தனது படத்தின் ஹீரோக்களைப் போலவே தாமும் தாராள குணம் படைத்தவர்தான் என்பதை நிரூபித்திருக்கிறார் இயக்குநர் ஹரி.

உதவி இயக்குநர்களுக்கு சம்பளம் கொடுக்கவே யோசிக்கிற இயக்குநர்களுக்கு மத்தியில், தனது உதவி மற்றும் இணை இயக்குநர்கள் ஒவ்வொருவருக்கும் ஒரு கிரவுண்ட் நிலம் வீதமாக வாங்கிக் கொடுத்திருக்கிறார் இவர்.
சென்னை புறநகர் பகுதியில் வாங்கியிருக்கும் இந்த இடத்தை உதவி இயக்குநர்கள் பெயரிலேயே பதிவு செய்து பத்திரத்தையும் கையில் கொடுத்திருக்கிறார்

பாடிக் கொண்டே இருப்பேன் : பாடகி சுவி

2010-06-24T22:39:00.000-07:00

இவரது குரல் நம் அனைவருக்கும் அறிமுகம் ஆனது தான். பீமா ஜூவல்லர்ஸ், சரவணா ஸ்டோர்ஸ், அருண் ஐஸ்க்ரீம், பவர் சோப்,அடையார் ஆனந்தபவன் போன்று எத்தனை எத்தனை விளம்பரங்களில் இவரது குரல் ஒலித்துக் கொண்டிருக்கிறது.

எண்ணற்ற விளம்பரங்களில் கேட்டுக் கேட்டு செவியில் விழுந்து பலரது இதயம் நுழைந்து இக்குரலுக்கு சொந்தக்காரர் சுவி.

இவரது காந்தக் குரல் விளம்பரங்களில் மட்டுமல்ல திரைப்படங்களிலும் பிரபலம். இப்போது உலகெங்கும் ஒலித்துக் கொண்டிருக்கின்றன மணிரத்னத்தின் 'ராவணன்' படப் பாடல்கள். அப்படத்தில் வரும் 'கொடாக்கரி' பாடலைப் பாடியிருப்பவர் சுவிதான்.

இதற்கு முன் 'சரோஜா' வில் 'கோடானு கோடி', ஏகனில் 'யாஹோ', 'அலிபாபா'வில் நெஞ்சில் ஆத்தாடி,'லாடமி'ல் 'மக்கா', ' ஐந்தாம் படை'யில் 'ஷோக்கு சுந்திரி', கஜினியில் லாட்டூ..., சர்வமில் 'ஆதவன்', வாமனனில்' லக்கி ஸ்டார், 'மாசிலா மணி' யில் 'ஒடி ஒடி விளையாடு', பேராண்மையில் துப்பாக்கிப் பெண்ணே', நான் அவனில்லை -2ல் பாக உன்னாரா போன்ற பிரபல தமிழ்ப்பட பாடல்களில் ஒலித்த குரல் சுவியினுடையது தான்..
தமிழ் தவிர, தெலுங்கு, மலையாளம், கன்னடம், இந்தி என்று மொழிகளில் பாடி வருகிறார்.

மலையாளத்தில் 'பை த பீப்பிள்' படத்தில் எல்லாப் பாடல்களைப் பாடியதுடன் இசைக் கலைஞராகவே படத்தில் தோன்றி நடித்துள்ளார். சுவியின் சாரீரம் மட்டுமல்ல சரீர வாரும் அழகானது தான் என்று பாராட்டப் பட்டார்.
இன்று பிரபலமாகி பலரது காதுகளுக்குள் கவரி வீசும் கந்தர்வக் குரல்காரர் சுவி. இவர் பாட ஆரம்பித்த முன் கதை தெரியுமா?

இவர் குரல் முதன் முதலில் தேர்வானது ஏதோ அதிர்ஷ்டத்தாலோ குலுக்கல் முறையிலோ அல்ல. முழுக்க முழுக்க தகுதியின் அடிப்படையிலானது.
சுவி சென்னை எத்திராஜ் கல்லூரியில் படித்துக் கொண்டிருந்த காலகட்டம்.

எஸ்.எஸ். மியூசிக் நிறுவனம் ஒரு குரல் தேர்வு நடத்தியது. அது தேர்வல்ல குரல் வேட்டை என்றே சொல்ல வேண்டும். ஒரு ரியாலிட்டி ஷோ மூலம் ஜீவனுள்ள குரல்களை பல வடிக்கட்டில் வைத்து கடைசியில் ஜமக்காளத்தில் வடிக்கட்டி தேர்வு செய்தது. கலந்து கொண்ட 5000 பேரில் 5 பேர் தேர்வு செய்ய வேண்டும் என்றால் சுலபமானதல்ல அல்லவா? அவ்வளவு சோதனைக்களுக்கும் பிறகு ஐவர் தேர்வு செய்யப்பட்டனர். அவர்களில் ஒருவர் தான் சுவி. ஐயாயிரத்திற்கு ஐவர். இந்தக் கணக்குப்படி பார்த்தால் சுவி 'ஆயிரத்தில் ஒருவர்' என்று கூறலாம். அத்தேர்வில் இறுதி சுற்றில் சுவியுடன் வெற்றி பெற்ற பிற நால்வர் பென்னி தயாள், அனித்தா நாயர், பார்கவி பிள்ளை, அர்ஜுன் சகி ஆகியோர்.

இப்படி தன் 17 வது வயதிலேயே ஆயிரத்தில் ஒருவராக அற்புதக் குரல் வளத்துக்காக தேர்வு செய்யப்பட்டவ்ர் சுவி. இவ்வாறு தேர்வானவர்கள் ' S5' என்று அழைக்கப்பட்டனர்.

அவர்கள் இணைந்து ஒர் ஆல்பத்தில் பாடினர் பெயர். 'இசை' அதில் சுவி 'மலரே' பாடலைப் பாடினர். ப்ரவீன் மணி இசையமைத்தார். சோனி BMG நிறுவனம் வெளியிட்டது. இதை ஆஸ்கார் புகழ் ஏ.ஆர்.ரகுமான் வெளியிட்டார். இது நடந்தது 2005 இன்றும் பாடிக் கொண்டுதான் இருக்கிறார்.

முதலில் ஆல்பத்தில் பாடிய சுவி, திரையில் பாடப் புகுந்து ஏ.ஆர். ரகுமான், இளையராஜா, ஹாரிஸ் ஜெயராஜ், யுவன் சங்கர் ராஜா, வித்யா சாகர் போன்ற பிரபலங்களின் இசையிலும் பாடிவிட்டார்.

இசைக் கலைஞர்கள் டோனி பிராக்ஸ்டன், கிறிஸ்டினா அகிலேரா, ஸ்டிங், மைக்கேல் ஜாக்சன், சங்கர் மகாதேவன் போன்றோரின் பாணிகள் சுவியைக் கவர்ந்தவையாம்.

'ராவணன்' படத்தில் பாடலில் மட்டுமல்ல உலக அழகி ஐஸ்வர்யா ராய் தோன்றும் காட்சிகளின் பின்னணியில் ஒலிக்கும் 'தீம் மியூசிக்' கில் ஒலிப்பதும் சுவியின் குரல்தான்.

பின்னணியில் பாடுவது மட்டுமல்ல மேடையில் தோன்றிப் பாடுவது -ஆடுவது- பாடிக் கொண்டே ஆடுவது சுவிக்குக் கை வந்த கலை, மைக்கேல் ஜாக்சனுக்கு சென்னையில் நடந்த இசை சமர்ப்பண அஞ்சலி நிகழ்ச்சியில் சுவி ஆங்கிலப் பாடலைப்பாடி ஆடி அசத்தினார்.

தமிழ், தெலுங்கு, மலையாளம், கன்னடம், இந்தி மொழிகளில் பாடும் சுவி ஆங்கிலத்தில் பாடவும் பாடும் பாடலை எழுதவும் தெரிந்தவர். ப்ரவீன் மணி இசையில் இப்போது உருவாகி வரும் ஆல்பத்தில் வரும் ஆங்கிலப்பாடலை எழுதியிருப்பது சுவிதான். இந்த ஆல்பம், தமிழ், ஆங்கிலம் மொழிகளில் உருவாகி வருகிறது.

பாடிக் கொண்டே இருப்பதே தன் லட்சியம் என் கிற சுவி தனி இசைக்குழு உருவாக்கி தலைமையேற்று இசை நிகழ்ச்சிகள் நடத்த வேண்டும் என்பது தான் கனவு என்கிறார்.

சுவியின் இசைக்கனவுகள் இனிதே மெய்ப்பட வாழ்த்துவோம்.

ராவணனால் குழப்பமடைந்த அமிதாப்பச்சன்

2010-06-24T22:37:00.000-07:00

தமிழிலும், இந்தியிலும் ஒரே நேரத்தில் எடுக்கப்பட்டு, கடந்த 18-ந் தேதி உலகமெங்கும் வெளியிடப்பட்டுள்ள படம் ராவணன்.
தமிழில் விக்ரம் ஏற்றுள்ள வீரா பாத்திரத்தை இந்தியில் அமிதாப்பச்சனின் மகன் அபிஷேக் பச்சன் ஏற்றுள்ளார்.

ஐஸ்வர்யா ராய் தான் இந்தி, தமிழ் என இரண்டிலும் கதாநாயகி.
ராவணன் குறித்து ஒரு இணைய தளத்தில் அமிதாப்பச்சன் கருத்து தெரிவித்துள்ளார். இந்த படம் ஆச்சரியத்தில் மூழ்க வைக்கிறது. இந்தப் படத்தை பார்த்தது ஒரு அற்புதமான அனுபவம். மணிரத்னம் இந்திய சினிமாவுக்கு கிடைத்துள்ள மிகப்பெரிய சொத்து. காட்சிகளில் அவரது அணுகுமுறை, அவரது மனம், அவரது அறிவு, பல்வேறு கதைக்களங்களை வெளிக்கொண்டு வருவதில் அவரது கெட்டிக்காரத்தனம் தனித்துவம்மிக்கது.

அவர் தொடர்ந்து தனது மிகப்பெரும் ஆற்றலை நமது சினிமாவுக்கு வழங்கிக் கொண்டிருக்க வேண்டும். அவரது படைப்புகளால் நாம் தொடர்ந்து உற்சாகம் அடைவோம். இவ்வாறு அவர் கூறி உள்ளார். இப்படி ராவணன் படத்தைப் பார்த்த பிரமிப்பில் அதைப் பாராட்டியுள்ள அமிதாப்பச்சன், படத்தின் குறையையும் சுட்டிக்காட்டத் தவறவில்லை.

இதுபற்றி அமிதாப்பச்சன் குறிப்பிடுகையில், ராவணன் (இந்திப்படம்) மோசமாக எடிட் செய்யப்பட்டுள்ளது. எடிட்டிங் செய்யப்பட்டபோது படத்தின் முக்கியக் காட்சிகள் வெட்டி எறியப்பட்டுள்ளதால் அபிஷேக்கின் கதாபாத்திரமான வீரா எப்போதும் குழப்பமாகவே காட்சி அளிக்கிறது என தெரிவித்துள்ளார்.

புதிதாக பட்டம் வென்ற 'புரட்சி நாயகி' ஸ்னேகா

2010-06-24T22:36:00.000-07:00

நடிகர்களுக்கு பட்டப் பெயர் சூட்டுவதில் இயக்குநர்களுக்கும் ரசிகர்களுக்கும் அலாதி ஆர்வம். பட்டப் பெயர்கள் இல்லாத நடிகர்களை கோலிவுட்டில் விரல் விட்டு எண்ணிவிடலாம்.

அந்த வகையில் இப்போது நடிகை ஸ்னேகாவுக்கு புதிதாக `புரட்சி நாயகி` என பட்டப் பெயர் சூட்டியுள்ளனர். பவானி ஐ.பி.எஸ். படத்திலிருந்து இனி `புரட்சி நாயகி` ஸ்னேகா என்றே அழைக்கப்படுவாராம்.

நடிகைகளில் முன்னாள் முதல்வர் ஜெயலலிதா மட்டுமே `புரட்சித் தலைவி` என்று அழைக்கப்பட்டார். அவருக்குப் பிறகு புரட்சி என்ற அடைமொழியை ஸ்னேகாவுக்கு சூட்டியுள்ளனர்.

விஜயசாந்தி நடித்த வைஜெயந்தி ஐ.பி.எஸ். படம்தான் இப்போது பவானி ஐ.பி.எஸ்.ஸாக தயாராகிறது. இந்தப் படத்தில் விஜயசாந்தி நடித்த பிறகுதான் அரசியலில் குதித்தார். ஸ்னேகாவுக்கும் அப்படி ஏதும் எண்ணமிருக்குமோ?
இது பற்றி அவரிடம் நிருபர்கள் கேட்டபோது, "எனக்கு `புன்னகை இளவரசி` பட்டம் சூட்டியது ரசிகர்கள்தான். அவர்கள் மனது புண்படக் கூடாது என்று ஏற்றேன். இந்தப் படத்தில் எனது கேரக்டருக்காக `புரட்சி நாயகி` என்று பெயர் வைத்துள்ளார்கள். ரசிகர்களுக்கு சந்தோஷம் என்றால் எனக்கு இதில் ஆட்சேபணையில்லை. இப்படி பட்டப் பெயர் வைத்ததால் அரசியலுக்கு வருவீர்களா என்று பலரும் கேட்கிறார்கள். நான் கண்டிப்பாக அரசியலுக்கு வரமாட்டேன்.

பவானி படத்தில், ஆக்ஷன் வேடத்தில் நடிக்க இயக்குநர் கிச்சா அழைத்தார். ஆக்ஷன் கேரக்டரில் நடிக்க முடியுமா? என சந்தேகம் எழுந்தது. கிச்சா உறுதியாக இருந்ததால் வேறு வழியின்றி நடித்தேன்.

பிறகு போலீஸ் உடையில் எனது படங்களை பார்த்த பிறகு நம்பிக்கை வந்தது. ஸ்டண்ட் மாஸ்டர் தளபதி தினேஷ் அளித்த பயிற்சியும் என்னை முழுமையாக அதில் ஈடுபட்டு நடிக்க வைத்தது. ஆக்ஷன் வேடத்திலும், குடும்ப பாங்கான வேடங்களிலும் தொடர்ந்து நடிப்பேன்” என்றார்.

சிறந்த தந்தையராக அமிதாப் – ரஜினி தேர்வு!

2010-06-24T22:34:00.000-07:00

தென்னிந்திய திரையுலகில் சிறந்த தந்தை ரஜினிகாந்த் என பிரபல திருமண இணைய தளம் தேர்வு செய்துள்ளது.

நேற்று ஞாயிற்றுக்கிழமை உலக தந்தையர் தினம் கொண்டாடப்பட்டது. இந்த தினத்தை முன்னிட்டு ஷாதி டாட்காம் இணையதளம் கருத்து கணிப்பு ஒன்றை நடத்தியது. My Daddy Strongest என்ற தலைப்பில் நடத்தப்பட்ட இந்த கணிப்பு, பிள்ளைகளின் மனதைப் புரிந்து கொண்டு அன்பு செலுத்துவது, அவர்களின் சுதந்திரத்தை அனுமதிப்பது என்ற காரணிகளின் அடிப்படையில் நடத்தப்பட்டது.

பாலிவுட், தென்னிந்திய சினிமா என தனித்தனியாகவே கருத்துக் கணிப்புகள் நடத்தப்பட்டன. வாக்களித்த ஆண், பெண் இருபாலருமே, தந்தைகள் மிகுந்த புரிந்து கொள்ளலுடன் இருக்க வேண்டும் என்று தெரிவித்திருந்தனர்.

இதில் பாலிவுட்டின் சிறந்த தந்தை யார் என்ற கேள்வி கேட்கப்பட்டது.
இதில் சுமார் 85 ஆயிரம் பேர் கலந்துகொண்டு வாக்களித்தனர். இவர்களில் 60.6 சதவீதத்தினர் அமிதாப்புக்கு ஆதரவாக கருத்து தெரிவித்துள்ளனர்.
ரிஷிகபூர் (13.9), தர்மேந்திரா(9.5), அனில் கபூர் (9.4) ஆகியோர் அடுத்தடுத்த இடங்களைப் பெற்றுள்ளனர்.

தென்னிந்திய திரையுலகில் நடிகர் ரஜினிகாந்த் சிறந்த தந்தையாக தேர்வு செய்யப்பட்டார்.

வாக்களித்தவர்களில் 42 சதவீதத்தினர் அவருக்கு ஆதரவாக கருத்து தெரிவித்திருந்தனர்.

அமிதாப்புக்கு அபிஷேக் பச்சன் என்ற மகனும், ஸ்வேதா நந்தா என்ற மகளும் உள்ளனர். ரஜினிக்கு ஐஸ்வர்யா, சவுந்தர்யா என இரு மகள்கள் உள்ளனர்.
இந்த கருத்துக் கணிப்பு குறித்து அந்த இணையதளத்தின் வர்த்தக தலைவர் கவுரவ் ரக்ஷித் கூறுகையில், “இந்திய இளைஞர்களின் மனநிலையைப் பிரதிபலிக்கும் ஒரு கணிப்பாக இதனைப் பார்க்கிறோம். காலங்கள் என்னதான் மாறினாலும், தலைமுறைகள் தாண்டினாலும், ஒரு நல்ல தந்தைக்கான தகுதிகள் என்னவாக இருக்க வேண்டும் என்பதில் மட்டும் எந்த மாறுதலும் இல்லை” என்றார்.

சிம்பு ஜோடி தமன்னா

2010-06-24T22:32:00.000-07:00

கே.வி.ஆனந்தின் கோ படத்திலிலிருந்து சிம்பு விலகியதற்கு தமன்னாவை ஹீரோவாகப் போடாததும் ஒரு காரணம் என்று சில பத்தி‌ரிகைகள் எழுதின.

இந்த குற்றச்சாற்றை சிம்பு மறுத்தார்.

தமன்னாவை சிம்பு ஹீரோயினாகப் போடச் சொன்னது உண்மையோ பொய்யோ... சிம்புவின் சீக்ரெட் ஆசை விரைவில் நிறைவேறப் போகிறது.
லிங்குசாமியின் இயக்கத்தில் சிம்பு நடிக்கும் பெய‌ரிடப்படாதப் படத்துக்கு தமன்னாவை ஹீரோயினாக ஒப்பந்தம் செய்துள்ளனர். இந்தப் படம் ஒரே நேரத்தில் தமிழ், தெலுங்கு இரு மொழிகளில் வெளியாகிறது. தமிழில் சிம்பு ஹீரோ. தெலுங்கில் மகேஷ்பாபு.

தமிழில் தமன்னா ஹீரோயின். தெலுங்கில்? இன்னும் முடிவு செய்யவில்லையாம்.

ராவணன் : ஒரே நாளில் ரூ.20 கோடி வசூல்!

2010-06-24T22:30:00.000-07:00

மணிரத்தினம் இயக்கத்தில் விக்ரம், ஐஸ்வர்யா ராய், அபிஷேக் பச்சன், கார்த்திக் உள்ளிட்டோர் நடித்துள்ள ராவணன் படம் முதல் நாளில் ரூ.20 கோடியை உலக அளவில் வசூலித்துள்ளதாக ரிலையன்ஸ் பிக் பிக்சர்ஸ் நிறுவனம் தெரிவித்துள்ளது.

இந்தியில் அபிஷேக் பச்சனை நாயகனாகக் கொண்டும் தமிழில் விக்ரமை நாயகனாகக் கொண்டும் மற்றும் தெலுங்கிலும் இப்படம் தயாரிக்கப்பட்டுள்ளது.

படத்தின் முக்கிய கேரக்டர்களில் விக்ரம், அபிஷேக், ஐஸ்வர்யா ராய், கார்த்திக் தவிர பிருத்விராஜ், பிரபு, பிரியா மணி, ரஞ்சிதா, முன்னா உள்ளிட்டோர் நடித்துள்ளனர்.

வெள்ளிக்கிழமையன்று தமிழ், தெலுங்கு , இந்தி ஆகிய மூன்று மொழிகளிலும் ஒரே நாளில் இப்படம் திரைக்கு வந்துள்ளது. உலகம் முழுவதும் 2200 தியேட்டர்களில் இப்படத்தை ரிலையன்ஸ் பிக் பிக்சர்ஸ் நிறுவனம் தயாரித்து வெளியிட்டுள்ளது.

இப்படத்தின் முதல் நாள் வசூல் ரூ.20 கோடி என ரிலையன்ஸ் நிறுவனம் தற்போது தெரிவித்துள்ளது.

7 வயது இளையவருடன் மனீஷாவுக்கு திருமணம்

2010-06-24T22:26:00.000-07:00

தன்னை விட 7 வயது குறைந்த தொழிலதிபரை கணவனாகக் கைப்பிடித்தார் மனீஷா கொய்ராலா.

இன்று சனிக்கிழமை நேபாளத் தலைநகர் காட்மாண்டுவுக்கு அருகில் உள்ள கோகர்னக் காட் வனத்தில் மனீஷாவுக்கும் தொழிலதிபர் சாம்ராட்டுக்கும் திருமணம் நடந்தது.

நேபாள இந்து வழக்கப்படி மூன்று நாட்கள் திருமணம் நடப்பது வழக்கம். அதன்படி இன்று இரண்டாம் நாள். நாளையும் திருமண சடங்குகள் நடக்கின்றன.

அடுத்த வாரம் திருமண வரவேற்பு நடக்கிறது. இதில் பாலிவுட் பிரபலங்கள் கலந்து கொள்வார்கள் என எதிர்பார்க்கப்படுகிறது. இந்த திருமணத்திற்கு பாலிவுட் பிரபலங்கள் யாரும் பங்கேற்கவில்லை என்பது குறிப்பிடத்தக்கது
தன்னைவிட 7 வயது குறைவான இளைஞரை மனீஷா திருமணம் செய்து குறித்து அவரிடம் கருத்து கேட்டனர் சில தொலைக்காட்சி நிருபர்கள். அதற்கு அவர் இதுபற்றி எதுவும் கூற முடியாது என்றும், எங்கள் மனம் விரும்பி நடந்த இந்த திருமணம் குறித்து ஏதும் கூற வேண்டிய அவசியமில்லை என்றும் கூறிவிட்டார்.

மனீஷாவை அடைவது என் பாக்கியம் என்று கூறியுள்ளார் மணமகன் சாம்ராட் தகாலோ.

த்ரிஷாவின் ரகசியம்

2010-05-27T21:21:00.000-07:00

எப்போதும் தன் உடலை கச்சிதமாக வைத்துக் கொள்ள விரும்புவார் த்ரிஷா. முதல் படத்தில் பார்த்த அதே போலவே உடம்பை வைத்துக் கொண்டிருக்கிறார்.

உணவு கட்டுப்பாட்டையும் கடைப்பிடித்து வருகிறார்.

தற்போது மேலும் உடம்புக்கு மெருகூட்ட யோகாசனம் செய்து வருகிறார். எந்த வேலையாக இருந்தாலும் அரை மணி நேரமாவது யோகா செய்து விடுவார். அப்போதுதான் உடலும், மனமும் நன்றாக நிறைவாக இருக்கிறதாம். இதற்காக ஒரு யோகா, மாஸ்டரை தேர்வு செய்து, பயிற்சி செய்து வருகிறார்.

படப்பிடிப்புக்காக வெளியூர் சென்றாலும், மாஸ்டரை அழைத்துக் கொண்டுதான் செல்கிறார். அதெல்லாம் சரிதான். மாஸ்டருக்கான செலவை தயாரிப்பாளர் தலையில் கட்டாமல் இருந்தால் ஓகே.

ராவணனின் 550 கோடி வசூல் டார்கெட்!

2010-05-27T21:19:00.000-07:00

ராவணன் உலகளவில் பெரிய எதிர்பார்ப்பை கிளப்பி விட்டிருக்கிறது. 350 கோடி ரூபாய்க்கு உலகளவில் பிஸினஸ் ஆகியுள்ளது.

550 கோடி ரூபாய் வரை இப்படம் வசூல் செய்யும் என பேசப்படுகிறது.
அமெரிக்காவில் உள்ள அனைத்து திரையரங்கிலும் ராவணன் படத்தை திரையிட திட்டமிட்டிருக்கிறார்கள். ராவணன் ரீலிஸ் நாளில் எல்லா தியேட்டர்களிலும் ராணவன் மட்டுமே திரையிடப்பட இருக்கிறது.

ஐங்கரன் இன்டர்‌நேஷனல் நிறுவனம் லண்டனில் தன்வசம் உள்ள தியேட்டர்கள் அனைத்தையும் ராவணனுக்காக கொடுத்துள்ளதுடன், எந்த நிபந்தனைகளும் விதிக்கவில்லை என்பது ஹைலைட்.

இயக்குனர் மணிரத்னத்தின் சரித்திரத்திலேயே அவர் இயக்கிய படங்களில் பட ரிலீசுக்கு பின் கதை உள்ளிட்ட எந்தவித உரிமையும் அவருக்கு கிடையாது என அக்ரிமெண்ட் போடப்பட்டுள்ளதும் இதுவே முதல் முறையாகும்.

மொத்த உரிமையும் ரிலையன்சுக்கும், சோனி நிறுவனத்திற்கும் மட்டுமேவாம். மணிரத்னர், ஏ.ஆர்.ரஹ்மான், விக்ரம், அபிஷேக் பச்சன், ஐஸ்வர்யா ராய், ரசூல் பூக்குட்டி என ராவணன் சம்பந்தப்பட்ட அனைவரும் உலக மார்க்கெட் உடையவர்கள் என்பதுதான் ராவணனுக்கு இத்தனை எதிர்பார்ப்பும், ஏகபோக விற்பனையும் கிடைக்க காரணமாய் இருந்திருக்கிறது.

பாபுசிவன் இயக்கத்தில் அர்ஜுன்

2010-05-27T21:18:00.001-07:00

விஜய் நடித்த ‘வேட்டைக்காரன்’ படத்தை இயக்கியவர் பாபுசிவன். அவர் இயக்கத்தில் உருவாகும் படத்தில் நடிக்க உள்ளார் அர்ஜுன்.

‘வந்தே மாதரம்’, ‘மாசி’, ‘மெய் காண்’, ‘வல்லக்கோட்டை’ படங்களில் நடித்து வருகிறார்.

அர்ஜுன். பாபுசிவன் இயக்கத்தில் நடிக்க அவர் கால்ஷீட் ஒதுக்கிய பிறகே இப்படம் குறித்து வெளியே அறிவிக்க உள்ளனர்

ஸ்ருதி தந்த டென்ஷன்

2010-05-27T21:16:00.000-07:00

இருமலின் வேகம் 100 கி.மீ என்று பிட் எழுதும் துணுக்கு எழுத்தாளர்கள் கூட, முருகதாஸ் இருமினால் 10 கி.மீ வேகம்தான் என்று ஜர்க் அடிப்பார்கள். அந்தளவுக்கு 'மிதவாதி' நம்ம முருகதாஸ்.

அப்படிப்பட்டவரே இந்த படம் ஹாலிவுட்ல கூட பேசப்படும். அவங்களே நாம இப்படி ஒரு சப்ஜெக்ட்டை எப்படிறா யோசிக்காம விட்டோம்னு திகைப்பாங்க என்று சிலுப்பிக் கொண்டதெல்லாம் நம்பும்படியாக இல்லை. ஆனாலும் நேரில் நின்று பேசிக்கொண்டிருந்தார். எப்படி நம்பாமல் இருப்பது?.

சூர்யா-ஸ்ருதி இணையும் இந்த படத்தை உதயநிதி தயாரிக்கிறார். கஜினிக்கு பிறகு நீங்களும் சூர்யாவும் இணையுற படம். எதிர்பார்ப்பு ஓவரா இருக்கும். எப்படி சமாளிக்கப் போறீங்க என்று அவர் கேட்டதாலேயே கதை விஷயத்தில் எக்கச்சக்க நேரம் எடுத்துக்கிட்டேன். கிட்டதட்ட பத்துமாசம் பாடுபட்டு உருவாக்குன கதைதான் ஏழாம் அறிவு என்கிறார் முருகதாஸ்.

ஸ்ருதி எப்படி? என்றால் அவரையும் சேர்த்து இந்த படத்துக்கு இரண்டு ஹீரோ என்ற முருகதாஸ், ஸ்ருதி கொடுத்த டென்ஷனையும் பகிர்ந்து கொண்டார் பேச்சோடு பேச்சாக. இந்த கதையை உருவாக்கி முடிச்சதும் கண்முன்னே நின்றது ஸ்ருதிதான். இந்த படத்தில நடிக்கணும்னு அவருகிட்ட கேட்டப்போ, பார்க்கலாம்னாரு. ஆனால் பதில் சொல்ல சில நாட்கள் ஆயிருச்சு. அதுக்குள்ளே வேறு ஹீரோயினை பார்க்கலாமா என்று யோசிச்சேன். அப்பவும் ஸ்ருதி முகம்தான் கண்ணுக்கு முன்னே நின்னுச்சு.

நல்லவேளையாக எஸ் சொல்லிட்டாங்க என்று முருகதாஸ் சொன்னது ஸ்ருதிக்கே ஓவராக பட்டிருக்கலாம். தலைகுனிந்து கொண்டார்!
ஐந்தறிவு மிருகத்தை விட ஒரு அறிவு எக்ஸ்ட்ரா இருப்பதால்தான் அவன் மனுஷன். அவனுக்கு இன்னும் ஒரு அறிவு கூடுதலா இருந்தா எப்படியிருக்கும். அதுதான் இந்த கதை என்ற முருகதாஸ், இதற்காக மண்டையை பிய்த்துக் கொண்டு யோசித்திருப்பதை பார்த்தால் அந்த செவன்த் சென்ஸ் மனிதர் அவரேதான் போலிருக்கிறது.

மணிரத்தினத்திற்கு ஜாகர் லேகோல்ட் குளோரி விருது

2010-05-27T21:14:00.000-07:00

இயக்குநர் மணிரத்தினத்திற்கு வெனிஸ் பட விழாவில் ஜாகர் லேகோல்ட் குளோரி (Jaeger-LeCoultre Glory) விருது அளிக்கப்படுகிறது.

செப்டம்பர் மாதம் வெனிஸ் திரைப்பட விழா நடைபெறுகிறது. இதில் மணிரத்தினத்தின் ராவண் படம் திரையிடப்படவுள்ளது. அப்போது மணிரத்தினத்திற்கு ஜாகர் லே கோல்ட் குளோரி விருது அளிக்கப்படும் என வெனிஸ் பட விழா இயக்குநர் மார்கோ முல்லர் தெரிவித்தார்.

கேன்ஸ் நகரில் நடைபெற்று வரும் விழாவின்போது இதுகுறித்து முல்லர் கூறுகையில்,மணிரத்தினம் இந்திய சினிமாவின் மிகச் சிறந்த சிற்பிகளில் ஒருவர். தனது நவீனப் படைப்புகளின் மூலம் பாலிவுட்டுக்கு சிறந்த பங்களிப்பை அவர் செய்துள்ளார்.

அப்படிப்பட்ட மிகச் சிறந்த இயக்குநரான மணிரத்தினத்திற்கு ஜாகர் லே கோல்ட் விருது அளிப்பதில் பெருமை கொள்கிறோம் என்று கூறினார்.

கிளாமர் களத்தில் குதிக்கும் பாவனா

2010-05-27T21:13:00.000-07:00

இதுவரை கவர்ச்சிக்கு ஓட்டுப் போடாமல் இருந்து வந்த பாவனா இப்போது கவர்ச்சிக் கட்சிக்குத் தாவ முடிவு செய்து விட்டாராம்.

அசல் படத்துக்குப் பின்னர் தன்னைத் தேடி நிறைய வாய்ப்புகள் வரும் என எதிர்பார்த்திருந்தார் பாவனா. இருப்பினும் எதிர்பார்த்த வாய்ப்புகள் வரவில்லை.இதனால் சற்றே சோர்ந்து போய்விட்டாராம்.

வாய்ப்புகள் வராமல் போனதற்கு பாவனாவும் கூட ஒரு காரணம். முன்னணி நடிகர்களோடு மட்டுமே ஜோடியாக நடிப்பேன் என்பதை ஒரு பாலிசியாகவை வைத்துள்ளதால் பீல்டில் படு ஹாட்டாக இருக்கும் பிற இளம் நாயகர்கள் பாவனாவை கண்டு கொள்ளாமல் விட்டு விட்டனர்.

இதனால் வருத்தம் அடைந்திருந்த பாவனா, இந்த பட வாய்ப்புப் பஞ்சத்தைப் போக்க கவர்ச்சி கோதாவில் குதிக்கத் தயாராகி விட்டார். இதற்காக கவர்ச்சிகரமான போஸ்களுடன் புதிய ஆல்பத்தை கோலிவுட்டில் ரவுண்டு அடிக்க விட்டுள்ளாராம்.

கிளாமர் களத்தில் குதித்து கோலிவுட்டில் தன்னை ஆணித்தரமாக நிரூபிக்க முடிவு செய்துள்ள பாவனா, சைடில், விளம்பரப் படங்களிலும் நடிக்க ஆரம்பித்துள்ளாராம்.

சினேகாவைப் போல திரைப்படங்களோடு விளம்பரங்களிலும் விறுவிறுப்பாக நடிக்கப் போகிறாராம்.

பிரபுதேவா படத்தில் வாய்ப்பு : முறுக்கிக் கொண்ட பாவனா

2010-05-09T06:13:00.000-07:00

கிடைக்கிற வாய்ப்பையெல்லாம் கெடுக்கிற மாதிரியே முன்னாடி வந்து நிக்குது முசுடுத்தனம், என்ன பண்ணுறது... அது அவரோட சுபாவம் என்று மூக்கை துடைத்துக் கொள்கிறார் மேனேஜர்.
யாருடைய மேனேஜர்? எதுக்காக இந்த அழுகை? வேறொன்றுமில்லை, அலைந்து திரிந்து ஒரு வாய்ப்பை கொண்டு வந்தாராம் பாவனாவின் மேனேஜர். அதில் கேரக்டர் சின்னது என்று முகத்தை சுளித்துக் கொண்டாராம் பாவனா. இதுதான் பிரச்சனை.

பிரபுதேவா இயக்கும் க்ளின் இச் என்ற படத்தில் நடிக்கதான் பாவனாவை 'தள்ளிவிட்டார்' மேனேஜர். முதலில் சந்தோஷமாக தலையாட்டிய பாவ்ஸ், படத்தில் தன்னுடைய கேரக்டர் மூன்றாவது நாயகி என்றதும் அப்செட். இதுக்கா என்னை வரச்சொன்னீங்க என்று கோபித்துக் கொண்டு கேரளா போய்விட்டாராம்.

படம் கிடைக்கறதே பாலைவன சோலையா இருக்கு. இதில் பழம் பழுக்கலையேன்னா நான் என்ன பண்றது? இதுதான் மேனேஜரோட புலம்பலாம்!

வாழ்வின் மறக்கமுடியாத பிறந்தநாள் : த்ரிஷா

2010-05-09T06:05:00.000-07:00

தனது பிறந்த நாளை சென்னையில் உதவும் கரங்கள் இல்ல குழந்தைகளுடன் கொண்டாடினார் நடிகை த்ரி்ஷா.
நடிகை த்ரிஷாவுக்கு மே 4-ம் தேதி பிறந்த நாள். இந்த பிறந்த நாளை மிகவும் வித்தியாசமாகக் கொண்டாடியுள்ளார்.

நள்ளிரவே, வீட்டை அலங்கரித்து, பெரிய கேக் ஆர்டர் செய்து நண்பர்கள் மற்றும் தாயார் உமாவுடன் வெட்டி மகிழ்ந்தாராம். விடிந்ததும், முதல் வேலையாக உதவும் கரங்கள் என்ற ஆதரவற்றோர் இல்லத்துக்கும் போய், அங்கிருக்கும் 400-க்கும் மேற்பட்ட குழந்தைகளுடன் சிறிது நேரம் செலவிட்டுள்ளார்.

மாலை தாஜ் கோரமண்டல் ஹோட்டலில் ஆடம்பரமான பார்ட்டிக்கு உமா கிருஷ்ணன் ஏற்பாடு செய்திருந்தார். இதில் த்ரிஷாவுக்கு நெருக்கமான நண்பர்கள், திரையுலகப் புள்ளிகள் பங்கேற்றனர்.

பிறந்த நாள் குறித்து த்ரிஷா கூறுகையில், "வாழ்க்கையில் மறக்க முடியாத பிறந்தநாள் இது. 400 குழந்தைகளுடன் பயனுள்ள முறையில் இந்த நாளைக் கொண்டாடினேன். அதற்கு முன்பு என் அம்மா செய்த பிறந்த நாள் விழா ஏற்பாடுகளில் ஒரு இளவரசியைப் போல உணர்ந்தேன்.

இந்தப் பிறந்த நாள் பல வகையிலும் விசேஷமானது. தொடர்ச்சியான வெற்றிகள் ஒரு பக்கம் என்றால், இன்னொரு பக்கம் எனது முதல் இந்திப் படம் வெளியாகிறது.

இதெல்லாவற்றுக்கும் மேல் கமல்ஹாஸனுடன் எனது முதல் படம் விரைவில் துவங்க உள்ளது...", என்றார்.

ஏ.ஆர்.ரஹ்மான் மகளுக்கு இதய ஆபரேஷன்

2010-05-09T06:03:00.000-07:00

இசையமைப்பாளர் ஏ.ஆர்.ரஹ்மான் மகளுக்கு மும்பை மருத்துவமனையில் நேற்று இதய ஆபரேஷன் செய்யப்பட்டது.
ஆஸ்கார் விருது பெற்ற, புகழ்பெற்ற இசை அமைப்பாளர் ஏ.ஆர்.ரஹ்மான்-சாய்ரா பானு தம்பதியினருக்கு கதிஜா (வயது 14), ரஹீமா (11) என இரண்டு மகள்களும், ஆமீன் (5) என்ற மகனும் உள்ளனர்.

இவர்களில் ரஹீமாவுக்கு இருதயத்தில் சில பிரச்சினைகள் இருந்து வந்தது. இதனால் பெரிதும் அவதிப்பட்ட அவரை, சில தினங்களுக்கு முன் மும்பை பாந்த்ராவில் உள்ள ஆசிய இருதய மருத்துவமனையில் அனுமதிக்கப்பட்டார்.
அவருக்கு கடந்த புதன்கிழமை இரவு டாக்டர்கள் அறுவை சிகிச்சை செய்தனர். சிகிச்சைக்கு பின்னர் அவரது உடல் நிலை வேகமாக தேறி வருகிறது.

இது குறித்து ஏ.ஆர்.ரஹ்மான் கூறுகையில், "கடந்த மூன்று இரவுகளாக நான் ஒரு தந்தைக்குரிய கடமைகளை மகளின் உடனிருந்து கவனித்துக் கொண்டேன். இசை உள்ளிட்ட எல்லாவற்றையும் மறந்து மகளுடன் இருந்தேன். என் மகளுக்காக பிரார்த்தனை செய்ததற்காகவும், அவள் விரைவில் நலம்பெற வாழ்த்தியதற்காகவும் நண்பர்கள், குடும்ப உறுப்பினர்கள் அனைவருக்கும் என் ஆத்மார்த்த நன்றியை தெரிவித்துக் கொள்கிறேன்," என்று குறிப்பிட்டுள்ளார்.

தமிழில் ரீலிசாகும் ஜாக்கிசான் படம்

2010-05-09T06:01:00.000-07:00

ஹாங்காங் சூப்பர் ஸ்டார் ஜாக்கிசான் சிறுவன் ஜேடனுடன் இணைந்து நடித்த தி கராத்தே கிட் படம் ஜூன் 11-ந்தேதி தமிழில் மொழி மாற்றம் செய்து வெளியிடப்படுகிறது.

தன் தாயுடன் சீனாவுக்கு இடம் பெயரும் சிறுவன் போன இடத்தில் அவனது வகுப்பு மாணவர்களால் கொடுமைப்படுத்தப்படுகிறான். ஒரு மாணவி முன்பும் அவனை அவமானப்படுத்துகின்றனர். மனதளவில் பலவீனமான அவன் சித்ரவதைகள் வலியால் துடிக்கிறான்.

அவனுக்கு குங்பூ மாஸ்டராக வருபவர் சிறுவனுக்கு நேர்ந்த கொடுமைகளை அறிகிறார். போராடி ஜெயிப்பது எப்படி என்று கற்று கொடுக்கிறார். பிறகு சிறுவன் நிமிர்ந்து நின்று வெற்றி பெறுவது கதை.

சிறுவனாக ஜேடன் நடிக்க, குங்பூ மாஸ்டராக ஜாக்கிசான் நடிக்கிறார். சிறுவர்களை கவரும் வகையில் படம் உருவாக்கப்பட்டு உள்ளது.
சிறுவன் ஜேடனாக நடிப்பவர் பிரபல ஹாலிவுட் நடிகர் வில்ஸ்மித் மகன். ஹாலிவுட் நிறுவனமான சோனி பிக்சர்ஸ் இந்தியாவில் இப்படத்தை வெளியிடுகிறது.

மீண்டும் சித்தார்த்

2010-05-09T05:59:00.000-07:00

பாய்ஸ்’ படத்தில் நடித்த சித்தார்த் அதன் பின்பு தெலுங்குக்குப் போய்விட அங்கு கிடைத்த வரவேற்பினார் முன்னணி ஹீரோக்களில் ஒருவராகிவிட்டார்.

இப்போது கைவசம் ஏராளமான படங்களுடன் இருக்கும் சித்தார்த் மீண்டும் தமிழுக்கு வருகிறார்.

‘திரு திரு துறு துறு’ படத்தை தயாரித்த சத்யம் சினிமாஸ் நிறுவனமும் ரியல் இமேஜ் நிறுவனமும் இணைந்து இந்தப் படத்தைத் தயாரிக்கிறார்கள். ஜெயந்த்ரா என்பவர் இந்தப் படத்தை இயக்குகிறார். பி.சி. ஸ்ரீராமுடன் இணைந்து சுமார் 500 விளம்பரப் படங்களுக்கு மேல் இயக்கியுள்ள இவர் இப்போது பெரிய திரையில் இயக்குநராக விஸ்வரூபம் எடுக்கிறார்.
இந்தப் படத்தில் சித்தார்த்துக்கு ஜோடியாக நடிப்பவர் ப்ரியா ஆனந்த். தமிழ் மற்றும் தெலுங்கில் ஒரே நேரத்தில் இந்தப் படத்தை வெளியிட திட்டமிட்டிருக்கிறார்கள் தயாரிப்புத் தரப்பு.

ஜூலை மாதம் இந்தப் படத்தின் படப்பிடிப்பு துவங்க உள்ளது.

ஆறு படங்கள் கலகலக்கும் பூர்ணா

2010-05-09T05:58:00.001-07:00

‘முனியாண்டி விலங்கியல்’ படத்தில் பரத்துக்கு ஜோடியாக அறிமுகம் ஆனார் பூர்ணா. அந்தப் படத்தின் அட்டர் பிளாப் ரிசல்ட்டின் காரணமாக படத்தின் தயாரிப்பாளர் இருந்த இடம் தெரியாமல் போய்விட்டார்.

ஆனால் அதில் நடித்த ஹீரோவும் ஹீரோயினும்... ஹீரோவை விடுங்க... இந்தப் படத்தில் நாயகியாக நடித்த பூர்ணா இப்போது உச்சத்திற்குப் போய்விட்டார்.

இவர் கையில் இப்போது ‘கும்பமேளா’, ‘துரோகி’, ‘அர்ஜூனன் காதலி’, ‘வித்தகன’, ‘வேலூர் மாவட்டம்’ என சுமார் ஆறுக்கு மேற்பட்ட படங்கள் கைவசம் உள்ளன. இந்தப் படங்களில் வித்தகன் தவிர மற்றவை படப்பிடிப்பில் உள்ளன. வித்தகன் படப்பிடிப்பும் முடிந்து போஸ்ட் புரடக்ஸன் வேலைகளும் முடிந்து வெளியீட்டிற்குத் தயார் நிலையில் உள்ளது. இந்தப் படத்தில் பார்த்திபனுக்கு ஜோடியாக நடித்துள்ளார் பூர்ணா.

மகனுக்காக பாடும் இசைஞானி

2010-05-09T05:56:00.001-07:00

சில வருடங்களுக்கு முன் இசைஞானி இளையராஜாவின் மூத்த வாரிசான கார்த்திக் ராஜா பல படங்களுக்கு இசையமைத்து பிஸியாக இருந்தார்.

ஆனால் தற்போது ஒன்றிரண்டு படங்கள்தான் வாய்ப்பு வருகின்றது. அதையும் சரியான நேரத்துக் இசையமைத்து‌க் கொடுக்காமல் இழுத்தடித்து வருகிறார்.
இதனால் நிறைய புது இயக்குனர்களின் படங்களுக்கு இசையமைக்கும் வாய்ப்பு இல்லாமல் போய்விடுகிறது. சமீபத்தில் வெளியான ரெட்டச்சுழி படத்திலும் பாடல்கள், பின்னணி இசை என எதுவும் பேசப்படாததால் மேலும் வருத்தத்தில் இருக்கிறார் கார்த்திக் ராஜா.

இந்நிலையில், தற்போது ஒரு படத்திற்கு வாய்ப்பு வந்துள்ளது. அப்பட இயக்குனர் சொன்ன ஒரே கண்டிஷன், என் படத்துக்கு இசையமைக்க வாய்ப்பு வேண்டுமென்றால், இளையராஜா சார் குறைந்த சம்பளத்திற்கு ஒரு பாடல் பாடிக் கொடுக்க வேண்டும் என்பதுதான்.

இதை இளையராஜாவிடம் கார்த்திக் ராஜா சொல்ல, மகனுக்காக பாடித் தருகிறேன் என்றிருக்கிறார். வாய்ப்புக்காக என்னவெல்லாம் செய்ய வேண்டியிருக்கிறது என்றாராம் இளையராஜா.

ஆந்திராவுக்கு ஷிப்ட் ஆகும் நமீதா!

2010-05-09T05:54:00.001-07:00

மடியிலே கனமில்லாத 'மச்சான்ஸ்' அது. நமீதா நேரடியாக கைகுலுக்கினால் கூட சிலிர்க்காது.

ஆனால் இவர் மச்சான்ஸ் என்று சொல்லும் மனசு குலுங்கி போகிறது ஒவ்வொரு முறையும். ஆனால் இந்த மச்சான்ஸ்-ல் ஒரு லு வை சேர்த்து 'மச்சான்ஸ்லு' என்று ஆந்திராவுக்கும் ஏற்றுமதி செய்வார் போலிருக்கிறது நமீதா. ஏனென்றால் சமீபத்தில் அவருக்கு கிடைத்திருக்கிற ஹிட்டும், அதை தொடர்ந்த அழைப்பும்தான் காரணம்!

தமிழில் அநேகமாக தலைமுழுகப்பட்ட நமீதாவுக்கு ஆந்திர தேசம் கைகொடுத்திருக்கிறது. இவர் பாலகிருஷ்ணாவுடன் ஜோடி சேர்ந்த சிம்ஹா என்ற படம் செமத்தியான ஹிட். அதுவும் ஆந்திராவில் தனி தெலுங்கானா கலவரத்திற்கு பிறகு ஹிட் ஆகிற முதல் படம் என்பதால் இந்த ஹிட்டுக்கு பெரிய மரியாதை கிடைத்திருக்கிறதாம். போதும் தமிழ்நாட்டுக்கு உழைச்சது. நம்ம பக்கம் வாங்க என்று இருகை நீட்டி அழைக்கிறதாம் ஆந்திரா.

இதையடுத்து ஏராளமான படங்களுக்கு அட்வான்ஸ் வாங்கிப் போட்டிருக்கிறாராம் நமீதா. தமிழில் சொந்தப்படம் எடுக்க நினைத்து கதை கேட்டு வைத்திருந்தார் சில உதவி இயக்குனர்களிடம். சிம்ஹாவின் இந்த திடீர் வெற்றி, இதுபோன்ற உ.இ க்களின் நம்பிக்கையில் பாம் போட்டிருப்பதுதான் பரிதாபம்! அவருக்கென்ன? 'மன்னிச்சுகோங்க மச்சான்ஸ்' என்று கூறிவிட்டால் போச்சு!

ஜோதிகாவிடம் இந்தி கற்றுக்கொண்ட சூர்யா!

2010-05-09T05:50:00.001-07:00

"ரத்த சரித்திரா' இந்தி திரைப்படத்தில் நடிப்பதற்காக ஜோதிகாவிடம் இந்தி கற்றுக்கொண்டேன்" என்று நடிகர் சூர்யா கூறினார்.

சூர்யா முதல் முறையாக இந்தியில் நடிக்கும் திரைப்படம் 'ரத்த சரித்திரா'. இந்தியிலும் தமிழிலும் ஒரே சமயத்தில் எடுக்கப்படும் இந்தத் திரைப்படத்திற்கு தமிழில் 'ரத்த சரித்திரம்' என பெயரிடப்பட்டுள்ளது. இந்தி இயக்குநர் ராம் கோபால் வர்மா இயக்கி வரும் இத்திரைப்படத்தை அறிமுகப்படுத்தும் வகையில் சென்னையில் இன்று பத்திரிகையாளர் சந்திப்பு நடைபெற்றது.

இதில் நடிகர் சூர்யா, இயக்குநர் ராம்கோபால் வர்மா, பாடலாசிரியர் நா. முத்துக்குமார், மற்றும் தமிழில் வசனம் எழுதியுள்ள ஞானவேல் ஆகியோர் கலந்துகொண்டனர்.

நடிகர் சூர்யா பேசுகையில்,

"ராம்கோபால் வர்மாவின் படத்தில் நடிக்க எல்லா நடிகரும் காத்துக் கொண்டிருக்கிறார்கள். நானும் அவருக்காகவும், ரத்தசரித்திரம் கதைக்காகவும் படத்தை ஒப்புக்கொண்டேன். இந்தப் படத்துக்காக நான் ஜோதிகாவிடம் இந்தி கற்றுக்கொண்டேன். மேலும் மதுரையில் ஒரு வாத்தியாரிடமும் இந்தி பயின்றேன். நான் இதில் கதாநாயகனா என்று கேட்டால் இல்லைன்னு தான் சொல்லனும். கதைக்கேற்ற கதாபாத்திரம் என்று வேண்டுமானாலும் சொல்லலாம். நல்ல கேரக்டர்கள் வந்தால் நிச்சயமாகத் தொடர்ந்து இந்தித் திரைப்படங்களில் நடிப்பேன். மற்றபடி தமிழுக்குத்தான் முதல் முக்கியத்துவத்தை தருவேன்" என்ற சூர்யா ராம்கோபால் வர்மா குறித்து கூறுகையில்,

"அவர் ஆச்சரியமானவர். எனக்கும் ஜோதிகாவுக்கும் திருமணம் நடக்கும் முன்பே, ஜோதிகாவை தன்னுடைய படத்தில் நடிக்க வைக்க முயற்சித்தவர் அவர். அப்பப்ப பேசிப்பேன். எங்கள் திருமணத்திற்கு கூட அவரை அழைத்தேன். வருவாரோ மாட்டாரோங்கிற என்கிற எங்க சந்தேகத்தை உடைக்கிறார்ப்போல் கல்யாண தினத்தன்று அதிகாலை 5 மணிக்கெல்லாம் வந்து வாழ்த்துச் சொன்னார்" என்றார் சூர்யா.

சிந்து மேனன் நிச்சயதார்த்தம்!

2010-05-09T05:48:00.001-07:00

ஈரம் நாயகி சிந்து மேனன் ரகசியமாக திருமணம் செய்து கொண்டார் என செய்திகள் பரவிய நிலையில், அவருக்கு இப்போதுதான் நிச்சயதார்த்தம் முடிந்தது என்ற தகவலையும் புகைப்படங்களையும் வெளியிட்டுள்ளனர் அவரது குடும்பத்தினர்.
சிந்துமேனனிந் வருங்கால கணவரின் பெயர் பிரபு. லண்டன் வாழ் பிஸினஸ்மேன்.

பிரபுவின் குடும்பத்தினர் இந்தியா வந்தபோதுதான் முதல் முறையாகச் சந்தித்துக் கொண்டார்களாம். அப்போது அவர் விலை உயர்ந்த வைர நெக்லஸ் ஒன்றைப் பரிசாக அளித்தாராம். தொடர்ந்து இருவரும் பேசிப் பழகியதில் பிடித்துப் போய் திருமணத்துக்கு ஓகே சொன்னாராம்.

அதே வேகத்தில் இருவருக்கும் நிச்சயதார்த்தமும் நடந்துள்ளது. இந்த நிகழ்ச்சியை வெளியில் யாருக்கும் தெரிவிக்காமல் நடத்தியுள்ளனர். இதன் விளைவுதான் அந்த திருமண செய்தி என்கிறார் சிந்துவின் அண்ணன்.
விரைவில் திருமணம் நடக்க உள்ளதாம். அதற்கு முன் அனைத்து தமிழ், தெலுங்கு, கன்னட மற்றும் ஆங்கிலப் படங்களை முடித்துவிடுவாராம்.
திருமணத்துக்குப்பிறகு லண்டனில் செட்டிலாகிறாராம் சிந்து!

சாப்ளின் நடித்த முதல் சினிமா

2010-05-09T05:38:00.001-07:00

சார்லி சாப்ளின் நடித்து வெளிவந்த முதல் சினிமா மேக்கிங் ய லிவிங் (Making a Living) என்பதாகும். வாழ்க்கைக்கான வழி என்ற தலைப்பு கூட அவரைப் பொறுத்தமட்டில் சரியானதாகவே அமைந்ததது. படம் 1914 பிப்ரவரி மாதம் 2ஆம் தேதியன்று வெளிவந்தது. பெரிய வெற்றியைப் பெறவில்லை. ஆனால் ஒப்பந்த நடிகரான அவருக்கு வராச் சம்பளம் தந்தாக வேண்டுமே! படத் தயாரிப்பாளர் படம் எடுக்கத் தொடங்கினார். வெறுமனே உட்கார வைத்துச் சம்பளம் தர முடியாதல்லா? படப்பிடிப்புக் குழுவினருடன் நடிகரை அனுப்பிவிட்டார். தயாரிப்பாளர் உடன் செல்லவில்லை.

லாஸ் ஏஞ்சல்சுக்குப் பக்கத்தில் வெனிஸ் என்ற ஊரில் பிரபலமான மோட்டார் பந்தயம் இப்பந்தயத்தில் சில குழந்தைகளும் பங்கெடுத்துக் கொள்வதுபோல அய்ந்தே நிமிடங்கள் மட்டுமே ஓடும் படத்தை எடுக்க முடிவு. சாப்ளினுக்கு என்ன வேடம், என்ன உடை என்பது எதையுமே தெரிவிக்காமல் அனுப்பி வைத்துவிட்டார். நடிகரும் அவர் மனதுக்குத் தோன்றிய உடையை அணிந்து கொண்டு படப்பிடிப்புக்கு போனார்.

மோட்டார் பந்தயம் தொடங்கியது. சாலையின் இரண்டு பக்கங்களிலும் மக்கள் கூட்டம், வேடிக்கை பார்க்க! ஒரு பக்கத்தில் படத்தின் இயக்குநர் நிற்கிறார். அவரது பக்கத்தில் காமரா மேனும் காமராவும்! கார் போட்டி தொடங்கியதும் காமரா லென்சுக்கு நேரே படத்தில் தெரிகிறார் போல சாப்ளின் வந்து நிற்கிறார். அவரைத் தள்ளி விடுகிறார் இயக்குநர். அடுத்த கார் வரும் போதும் நடிகர் வந்து நிற்கிறார். இயக்குநர் அவரை எட்டி உதைக்கிறார். நடிகர் சாப்ளின் கீழே விழுந்து விட்டார். அடுத்த நொடியில் அடுத்த கார் வந்தது; ஸ்பிரிங் போல எழுந்து சாப்ளின் காமராவின் முன் மறுபடியும் வந்து நிற்கிறார். காரை மறைத்துக் கொண்டு! இப்படியாகப் பல கார்கள் ஒவ்வொன்றையும் மறைத்துக் கொண்டு சார்லி சாப்ளின் நின்றார். கடைசிக் காரும் போய்விட்டது.

கார் பந்தயத்தை படம் பிடிக்க முடியவில்லை என்று தலையைப் பிய்த்துக்கொண்டு இயக்குநர் தாம் தூம் என்று குதிக்கிறார். ஆனால் அந்த நேரத்திலும் சாப்ளின் காமரா முன் தன் முகத்தைக் கொண்டு போய் (குளோஸ் அப்) அஷ்ட கோணலாக்கிக் காட்டுகிறார். இதுதான் சினிமா என்றாகிவிட்டது. தயாரிப்பாளர் போட்டுப் பார்த்தார். வயிற்றெரிச்சல் தாங்கவில்லை. இது படமா? எனக் கோபப்பட்டார். இருந்தாலும் படத்தை வெளியிட்டார். நியூயார்க் நகரத் திரையரங்குகளில் கூட்டம் சமாளிக்க முடியவில்லை. படத்தைப் பார்த்தவர்கள் சிரித்து சிரித்து வயிறு புண்ணாகி மீண்டும் மீண்டும் பார்த்தனர். படம் அபார வெற்றி.

இந்தப் படம் தான் சாப்ளினை வெற்றிப் படிக்கட்டுகளில் வேகமாக ஏற்றியது. வினியோகஸ்தர்களும் திரைப்படக் கொட்டகைக்காரர்களும் சாப்ளினின் அடுத்த படம் எது, எப்போது வரும் என்று கேள்வி கேட்டுத் துளைத்துவிட்டனர். அப்படி என்ன அந்தப் படத்தில்? சார்லி சாப்ளின் அணிந்த உடையும், அவரின் தோற்றமும் பிரமாதமான வெற்றிக்குக் காரணம்! இவராகவே உடைகள் வைத்து இருக்கும் பெட்டியைக் குடைந்து தொளதொள பான்ட், குறுகிய சிறிய கோட் என எடுத்து அணிந்துகொண்டார். தலையில் ஒரு குல்லாய் அணிந்து கொண்டார். கழுத்தில் மிக நீளமான டை! ஃபோர்டு ஸ்டெர்லிங் எனும் (உருவத்தில் பெரிய) சிரிப்பு நடிகரின் பெரிய பூட்சுகளைப் போட்டுக் கொண்டார். இவருடைய சிறிய காலிலிருந்து பூட்ஸ் கழன்று விடாமல் இருக்க, கால் மாற்றி அணிந்து கொண்டார். வலதுகாலில் இடது கால் பூட்சையும், இடது காலில் வலது கால் பூட்சையும் அணிந்து கொண்டார்.

மீசை பெரியதாகத் தெரிந்தது, அவரின் உதடுகளை மறைத்தது. கத்தரிக் கோலால் வெட்டினார். வெட்டினார். மிகவும் சிறியதாக ஆகிவிட்டது. என்ன செய்வது? அப்படியே இருக்கட்டும் என்று விட்டுவிட்டார். கையில் ஒரு தடியைப் பிடித்துக் கொண்டார். இந்தக் கோமாளி உடைதான் அவரைப் புகழின் உச்சிக்கு கொண்டுபோய் குபேரனாக்கியது.

சார்லி சாப்ளினின் தனித்துவம், சிறந்த கற்பனை போன்றவற்றைப் புரிந்துகொண்ட தயாரிப்பாளர் அவருக்கு முழுச் சுதந்திரம் கொடுத்தார். சார்லி சாப்ளினே கதை, திரைக்கதை, நடிப்பு இயக்கம் என எல்லாவற்றையும் கவனித்துக் கொண்டார். தயாரிப்பாளர் அவரிடமே விட்டுவிட்டார். காட் இன் எ காபேரே (Caught in a Cabare) என்ற படம் 1914 ஏப்ரலில் வந்தது. சாப்ளின் இயக்கிய முதல் படம்! பெரும் வெற்றி. அடுத்தது பத்து நிமிடம் மட்டுமே ஓடிய காட் இன் த ரெயின் (Caught in the Rain) இந்தப் படத்தைப் பார்த்தவர்கள் படத்தை நினைத்து நாள் முழுவதும் சிரித்துக் கொண்டேயிருந்தார்கள்.

25 வயதில் இப்படியொரு புகழ்! ஆனால் அவருடைய தலை இதனால் கனக்கவில்லை. எந்தக் கெட்ட பழக்கமும் இல்லாத அவர், தந்தை பெரியாரைப் போலச் சிக்கனமானவர். அவருடைய சேமிப்பு வளர்ந்தது. அவர் சிறந்த மானுடப் பற்றாளர். லாஸ் ஏஞ்சலிஸ் நகரில் ஏழைகள் வாழும் பகுதிகளில் தனியாக நடந்து போவார். அப்படி ஒரு நாள் தம் நண்பரான புகழ்பெற்ற எழுத்தாளர் சமர்சொட்டாம் என்பாருடன் நடந்து போனபோது சொன்னார், ‘சமர்சொட், நாம் பார்க்கும் இதுதான் உண்மையான வாழ்க்கை, மற்றதெல்லாம் போலி’. சமர்சொட்மாம் அதிர்ந்து போனார். ஏன்? சார்லி சாப்ளின் படிப்பறிவு அற்றவர். அவரிடம் அப்படிப்பட்ட ஆற்றலா என் வியந்து போனார் சமர்சொட்மாம்!

ஏன் ஏழைகள் வாழும் பகுதிக்கு ஒரு சினிமா நடிகர் போனார்? அவரே ஒர்க் அவுசில் (Work House) வளர்ந்தவர். அந்தக் காலத்தில் இங்கிலாந்தில் ஏழைச் சிறார்களைப் பாதுகாக்க அரசு ஒவ்வொரு ஊரிலும் இப்படிப்பட்ட வீடுகளை வைத்திருந்தது. தெருவில் திரியும், ஆதரவற்ற சிறார்களைக் கட்டாயமாக இதில் சேர்த்து உணவு, உடை, கல்வி எல்லாமே அரசு தந்தது! இதில் சேர்க்கப்பட்ட சாப்ளின் தப்பி வெளியே ஓடிப்போய்விட்டார். எனவே, ஏழைகளின் வாழ்வு எப்படிப் போகிறது என்பதை அறிந்தவர் ஆவார்.

தன் தொடக்க கால வாழ்வை மய்யக்கருவாக வைத்து அவர் 1924இல் தயாரித்த முழுநீளப் படம் தி கிட் (The Kid). அய்ந்து வயதுப் பையனை வைத்து எடுத்த படம். ஓராண்டுக் காலமாகத் தயாரித்த படம். திருமணம் ஆகாமல் குழந்தை பெறும் தாய் அந்தக் குழந்தையை தெருவில் நின்று கொண்டிருந்த காரில் வைத்துவிட்டுப் போய்விடுகிறாள். காரைத் திருடிய திருடர்கள் குழந்தையைக் குப்பைத் தொட்டிக்கருகில் வைத்துட்டுப் போய்விடுகிறார்கள். குழந்தை சாப்ளின் கண்களில் பட்டு விடுகிறது. துண்டு சிகரெட் பொறுக்கும்போது குழந்தை இருப்பதைப் பார்த்து எடுத்துச் செல்கிறார். தானே முழுப்பட்டினி, குழந்தையை என்ன செய்வது என்று திரும்பவும் குப்பைத் தொட்டியில் விட்டுவிடலாம் என்று வருகிறார். போலிஸ்காரர் எதிரில் தென்படவே, பயந்து போய்த் தானே வளர்க்கிறார். அய்ந்து ஆண்டுகள் ஓடிவிட்டன.

சாப்பாட்டுக்கு வழி வேண்டுமே என்று தன் வளர்ப்புக்கு ஒரு தொழில் கற்றுத் தருகிறார். கல்லால் அடித்து வீட்டு ஜன்னல் கண்ணாடியை உடைப்பான் சிறுவன். சற்று நேரம் கழித்து சாப்ளின் வருவார். அவர் உடைந்த கண்ணாடியை சரி செய்யும் பணியாளர் வேடம்! நல்ல வேளை என நினைத்து வீட்டுக்காரர் பணியை ஒப்படைப்பார். வருமானம் வரும். சாப்பாட்டுக் கவலை தீரும்.

இந்தக் காட்சியைக் காப்பி அடிக்காத ஆளே உலகத்தில் கிடையாது. 1943இல் மங்கம்மா சபதம் என்ற படத்தில் கலைவாணர் என்.எஸ்.கிருஷ்ணன் இந்தக் காட்சியை வைத்தார். சாப்ளின் குரு, கலைவாணர் சீடர். இந்தக் கற்பனைக் காட்சி கூட வாழ்க்கையில் நிஜத்தில் நடந்தது தான். கார்னோ என்ற சாப்ளினின் நண்பர் ஜன்னல்களைப் பழுது பார்ப்பவர். தன் தொழில் ரகசியத்தை சாப்ளினுடன் பகிர்ந்து கொண்டார். சாப்ளின் படமாக்கி பகிர்ந்து கொண்டார். இந்தக் காட்சியின் பின் கதை இது தான். இப்படி சாப்ளினின் சிறப்பை சொல்லிக் கொண்டே போகலாம்.

பெண்களின் உணர்வுகளை வெளிப்படுத்தும் பாத்திரங்களுக்கு முக்கியத்துவம் தர வேண்டும் : நயன்தாரா

2010-05-04T10:36:00.000-07:00

ஹீரோயின்களை தமிழ் சினிமாவில் மட்டுமல்ல, பெரும்பாலான மொழிகளில் டூயட் பாட மட்டும் பயன்படுத்துகிறார்கள்.

இது சரியில்லை. பெண்களின் உணர்வுகளை வெளிப்படுத்தும் பாத்திரங்களுக்கு முக்கியத்துவம் தர வேண்டும் என்கிறார் நயன்தாரா.

தமிழில் சுத்தமாகப் படங்களே இல்லை இவருக்கு. ஒரு மலையாளப் படத்திலும், கன்னடப் படத்திலும் நடிக்கிறார். இந் நிலையில் சினிமாவில் பெண்களின் நிலை குறித்து கருத்து சொல்ல ஆரம்பித்துள்ளார் நயன்.

அவர் அளித்த பேட்டியில்,

"உச்சகட்ட நாயகியாக இருந்துவிட்டேன். தென்னிந்திய மொழிகள் அனைத்திலும் முன்னணி நாயகியாக இருந்தவள் நான். இப்போது மலையாளத்தில் கவனம் செலுத்துகிறேன்.

பொதுவாக கமர்ஷியல் படங்களின் ஊறுகாய் அளவுக்குதான் நாயகிகளின் பங்களிப்பு உள்ளது. இது தவறு. இனியாவது, பெண்களுக்கு முக்கியத்துவம் தருகிற பாத்திரங்களுக்கு இயக்குநர்கள் முக்கியத்துவம் தரவேண்டும். வெறுமனே மரத்தைச் சுற்றி டூயட் பாடுவது மட்டுமே ஹீரோயின் வேலை என்றாகிவிட்டது. இந்த நிலை கண்டிப்பாக மாற வேண்டும்" என்றார்.

யோகாவில் மூழ்கிய த்ரிஷா!

2010-05-04T10:35:00.001-07:00

நெஞ்சில் டாட்டூ வரைவது, பற்களில் ஜிகினா ஒட்டிக் கொள்ளுதல், கண் இமைகளில் புதிய வண்ணம் பூசிக்கொள்ளுதல் என மேல் அழகை மெயின்டெய்ன் செய்வதில் அதிக அக்கறை காட்டி வந்த நடிகை த்ரிஷா

இப்போதுதான் உள் அழகை மேம்படுத்தும் முயற்சியில் தீவிரமாக உள்ளாராம்.

அதற்கு அவர் நாடியிருப்பது யோகாவை.

யோகா ஒன்று போதும், உடம்பையும் மனசையும் சுத்தமாகவும் சுகாதாரமாகவும் வைத்துக் கொள்ள உதவுகிறது என யோகக் கலையின் பிராண்ட் அம்பாஸடர் ரேஞ்சுக்கு பார்ப்பவர்களிடமெல்லாம் பிரச்சாரம் செய்து வருகிறார்.

சமீபத்தில் தொடர்ந்து மூன்று நாட்கள் பல்வேறு நிகழ்ச்சிகளில் பங்கேற்க ஐதராபாத் சென்றுவிட்ட த்ரிஷாவுக்கு ரெஸ்ட் எடுக்கக் கூட நேரமில்லையாம்.

ஆனால், சென்னை திரும்பியதும் யோகா பயிற்சிகளை முடித்த பிறகு அந்தக் களைப்பே தெரியவில்லையாம் அவருக்கு.

இப்போது தமிழில் கமல்ஹாஸன் ஜோடியாக யாவரும் கேளிர் (காருண்யம்?) படத்தில் நடிக்கும் த்ரிஷா, கமலுக்கு மொத்தமாக 4 மாதங்கள் கால்ஷீட் தந்துள்ளார் என்பது குறிப்பிடத்தக்கது. இந்தப் படத்துக்காக, பல வாய்ப்புகளை மறுத்துவிட்டாராம்.

இந்தப் படத்தில் சற்று கூடுதல் கவர்ச்சி காட்ட வேண்டிய பாத்திரம் என்பதால், சற்று உடல் சதைப்போட்ட மாதிரி தெரிய வேண்டும் என கமல் கேட்க, உடனே அதற்கான வேலைகளிலும் இறங்கியுள்ளார் த்ரிஷா.

தமிழ்நாட்டில் திரையிட எதிர்ப்பு ஐஸ்வர்யாராய் படத்துக்கு சிக்கல்

2010-05-04T10:31:00.000-07:00

இலங்கையில் வருகிற ஜூன் 3-ந்தேதி முதல் 5-ந்தேதி வரை சர்வதேச இந்திய திரைப்பட விழா நடக்கிறது. இவ்விழாவை துவக்கி வைக்க இந்தி சூப்பர் ஸ்டார் அமிதாப்பச்சன் அழைக்கப்பட்டு உள்ளார்.

ஐஸ்வர்யாராய், ஷாருக்கான் போன்றோரும் பங்கேற்பதாக உள்ளது. தமிழ் நடிகர் நடிகைகளும் அழைக்கப்பட்டு உள்ளனர்.

இவ்விழாவில் அமிதாப்பச்சன் உள்ளிட்ட நடிகர் நடிகைகள் கலந்து கொள்ள கூடாது என்று ம.தி.மு.க. பொதுச்செயலாளர் வைகோ
டைரக்டர் சீமான் ஆகியோர் எதிர்ப்பு தெரிவித்து உள்ளனர்.

அமிதாப்பச்சன் வீட்டையும், சீமானின் நாம் தமிழர் இயக்கத்தினர் முற்றுகையிட்டு ஆர்ப்பாட்டம் செய்தனர்.

தமிழ் நடிகர் நடிகைகள் இலங்கை பட விழாவை புறக்கணித்துவிட்டனர். அமிதாப்பச்சனோ ஐஸ்வர்யாராயோ இலங்கைக்கு சென்றால் ராவணன் படத்துக்கு எதிராக போராட்டத்தில் குதிக்க சீமான் இயக்கத்தினர் முடிவு செய்துள்ளனர்.

ஐஸ்வர்யா ராய் நடித்துள்ள இப்படம் தமிழிலும் ரிலீசாகிறது. அந்த படத்தை புறக்கணிக்கவும், திரையிட விடாமல் தடுக்கவும் அவர்கள் திட்டமிட்டு உள்ளனர்.

இலங்கை சர்வதேச படவிழாவில் “ராவணன்” படத்தை திரையிடவும் திட்டமிடப்பட்டது. அது தற்போது கைவிடப்பட்டுள்ளதாக கூறப்படுகிறது.

படப்பிடிப்பில் பாரதிராஜா அடிப்பார் என்று பயந்தேன் : அஞ்சலி

2010-05-04T10:29:00.002-07:00

'அங்காடி தெரு' படத்துக்கு பின் பிசியான நடிகையாகியுள்ளார் அஞ்சலி. தொடர்ந்து 'இரட்டைச்சுழி' படமும் ரிலீசாகியுள்ளது. இதில் இயக்குனர்கள் பாலச்சந்தர், பாரதிராஜாவுடன் நடித்துள்ளார்.

தம்பி வெட்டோத்தி சுந்தரம், மகிழ்ச்சி, தூங்காநகரம் படங்களும் கைவசம் உள்ளன. 'இரட்டைச்சுழி' படத்தில் நடித்த அனுபவம் பற்றி அஞ்சலி சொல்கிறார்.

ரெட்டைச்சுழியில் பாரதிராஜா பேத்தியாக நடித்தேன். நன்றாக நடிக்காதவர்களை அவர் கடுமையாக திட்டுவார், அடிப்பார் என்றெல்லாம் கேள்விப்பட்டு இருக்கிறேன். எனவே அவருடன் நடிக்க முதலில் பயமாக இருந்தது.

இதுபற்றி அவரிடமே கேட்டேன். பதிலுக்கு பாரதிராஜா சிரித்தார். ரொம்ப காலத்துக்கு முன்புதான் நான் அப்படி இருந்தேன். சரியாக நடிக்காதவர்களை கண்டிப்பதெல்லாம் முன்பு நடந்தவை என்றார். அவர் வெளிப்படையாக பேசக்கூடியவர் சிறப்பாக நடித்தால் மனம் திறந்து பாராட்டுவார்.

அங்காடி தெரு படத்தில் நடித்தது மறக்க முடியாத அனுபவம். என் நடிப்பை பார்த்து ஏராளமான பாராட்டுகள் வருகிறது. படப்பிடிப்பு குழுவினரின் கூட்டு முயற்சியால்தான் அந்த படம் சிறப்பாக வந்தது.

டைரக்டர் வசந்தபாலன் இயக்கும் இன்னொரு படத்திலும் இதே படத்தில் உள்ள எல்லோரும் மீண்டும் பணியாற்ற உள்ளோம் என்றார்.

'பொது வாழ்வில் இருந்து விலகி இருக்க விரும்புகிறேன்' : நடிகை ரஞ்சிதா

2010-05-04T10:29:00.001-07:00

பொது வாழ்வில் இருந்து விலகி இருக்க விரும்புகிறேன் என்று நடிகை ரஞ்சிதா பரபரப்பு அறிக்கை விடுத்துள்ளார்.

நித்யானந்தா சாமியார் விவகாரம் தொடர்பாக நடிகை ரஞ்சிதா நேற்று டெல்லியில் இருந்து தனது வக்கீல் மூலம் நேற்று ஒரு அறிக்கையை வெளியிட்டுள்ளார்.

அதில் கூறப்பட்டு இருப்பதாவது:-

“எனது கட்சிக்காரருக்கு(ரஞ்சிதா) ஊறு விளைக்கும் வகையில் பல்வேறு இந்திய சட்டங்களையும் மீறி வீடியோ காட்சிகள் உள்நோக்கத்துடன் வெளியிடப்பட்டு இருக்கிறது. இந்த சம்பவங்களால் ரஞ்சிதா மிகவும் மன உளைச்சலுக்கு ஆளாகி இருக்கிறார்.

வீடியோ காட்சிகளில் இருப்பது போன்ற பிரச்சினையில் அதன் நம்பகத்தன்மை, உண்மைத் தன்மை போன்றவை கோர்ட்டில் ஆராயப்பட்டு முடிவு செய்யப்படவேண்டிய விஷயங்கள் ஆகும். வீடியோ காட்சிகளில் இன்னொருவருடன் இருப்பது எனது கட்சிக்காரர்தான் என்று கூறுவதை ஆட்சேபிக்கிறோம்.

சில இணைய தள ஊடகங்கள் வெளியிட்டு வரும் வீடியோ காட்சிகளை வெளியிடக் கூடாது என்று கோரி ரஞ்சிதா சார்பில் நோட்டீசு அனுப்பப்பட்டு இருக்கிறது. மேலும், 2-5-2010-க்கு மேல் இந்த வீடியோ காட்சிகளை இணைய தள ஊடகங்களில் வெளியிடக்கூடாது என்று இறுதிக் கெடு விடுத்து இருக்கிறோம்.

ரஞ்சிதாவிடம் பெங்களூர் போலீசார் விசாரணை நடத்துவதற்காக அவர் இருக்கும் இடத்துக்கே வர விரும்பியதாகவும், அதற்கு நானே வந்து நேரில் விளக்கம் அளிக்கிறேன் என்று ரஞ்சிதா கூறியதாகவும் வெளியாகி உள்ள செய்திகளில் எந்த உண்மையும் இல்லை. அவரிடம் போலீசார் எந்த விசாரணையும் நடத்தவில்லை.

இப்பிரச்சினை குறித்து ரஞ்சிதா இதற்கு மேலும் ஊடகங்களுடன் விவாதிக்க விரும்பவில்லை. தன் மீது சுமத்தப்பட்டுள்ள குற்றச்சாட்டுகளின் காரணமாக வேதனையடைந்துள்ள அவர் பொதுவாழ்வில் இருந்து விலகி தனது குடும்பத்தினருடன் இனி நேரத்தை கழிக்க விரும்புகிறார்.

எனினும் தனக்கு பக்கபலமாக இருக்கும் டி.வி.சேனல்களில் அவர் தொடர்ந்து பணியாற்றுவார்.”

மேற்கண்டவாறு ரஞ்சிதாவின் வக்கீல் விடுத்துள்ள அறிக்கையில் கூறியிருக்கிறார்.

ரஜினி விளக்கமும் அமிதாப் குடும்பத்தின் விலகலும்

2010-05-04T10:26:00.000-07:00

இலங்கையில் நடக்கவிருக்கும் சர்வதேச இந்தியப் பட விழாவில் அமிதாப் குடும்பத்தினர் பங்கேற்க மாட்டார்கள் என்பது தெரியவந்துள்ளது.

அவர்களின் இந்த முடிவுக்கு சூப்பர் ஸ்டார் ரஜினி முக்கிய காரணம் என்று நம்பத் தகுந்த வட்டாரங்கள் தெரிவிக்கின்றன.

இந்த விவகாரத்துக்கே பிள்ளையார் சுழி போட்டவர்கள் தமிழ் திரையுலகின் இரு பெரும் கலைஞர்களான ரஜினியும் கமலும்தான். இலங்கை த் தூதரகத்திலிருந்து அழைப்பிதழ் என்ற தகவல் தெரிந்ததுமே அதனை எடுத்த எடுப்பில் நிராகரித்தவர்கள் இவர்களே.

அதன் பின்னர்தான் மற்ற நடிகர்கள், கலைஞர்கள் இதனை விசேஷமாக நோக்கினர்.

இந்த உண்மை தெரிந்ததும் வைகோ, பழ நெடுமாறன், சீமான் உள்ளிட்டோர் ரஜினிக்கும் கமலுக்கும் நன்றி தெரிவித்துக் கொண்டதுடன், இந்த விவகாரத்தை பெரிதாக முன்னெடுத்தனர். சீமானின் நாம் தமிழர் இயக்கம் மும்பையில் அமிதாப் வீடுகளை முற்றுகையிட, அவரும் பிரச்சினையின் தீவிரத்தை உணர்ந்து ஆர்ப்பாட்டக்காரர்களை அழைத்துப் பேசினார்.

விழா ஏற்பாட்டாளர்களையும் நாம் தமிழர் இயக்கத்தினருடன் பேச வைத்தார். தமிழர் உணர்வுகளுக்கு மதிப்பளிக்கும் விதத்தில் முடிவெடுப்பேன் என்றும் அவர் தெரிவித்துள்ளார்.

இந்நிலையில், பிரச்சினையின் தீவிரத்தை உணர்ந்த அமிதாப், தனது நெருங்கிய நண்பரான ரஜினியிடம் இதுகுறித்து விரிவாகப் பேசியதாகக் கூறப்படுகிறது. அப்போது அமிதாப் மற்றும் ஐஸ்வர்யா ராய் மீது தமிழ் ரசிகர்கள் வைத்துள்ள மதிப்பு குறித்து ரஜினி எடுத்துக் கூறினாராம். குறிப்பாக ஐஸ்வர்யா ராய் இந்த நேரத்தில் கொழும்பு செல்வது எத்தகைய விளைவுகளை தமிழகத்தில் ஏற்படுத்தும் என்றும் விளக்கியுள்ளார்.

இலங்கை தமிழர் பிரச்சினை, வன்னிப் போரின் போது இங்கு திரையுலகம் மேற்கொண்ட போராட்டங்கள் குறித்தும் ரஜினி கூறியதாகத் தெரிகிறது.

மேலும் மணிரத்னம் தரப்பிலும் ஐஸ்வர்யா ராய்க்கு பிரச்சினையின் தன்மையைப் புரிய வைத்துள்ளனர்.

இதன் விளைவாக அமிதாப் குடும்பத்தினர் கொழும்பு விழாவுக்கு செல்லாமல் புறக்கணிப்பது கிட்டத்தட்ட உறுதியாகியுள்ளது.

இந்த விழாவில் சிறப்புக் காட்சியாக கொழும்பில் ராவணன் படத்தைத் திரையிட திட்டமிட்டிருந்த மணிரத்னம், இப்போது அதனை கைவிட்டுள்ளார். இலங்கை விழாவுக்கும் ராவணன் படத்துக்கும் எந்த தொடர்பும் இல்லை என்று அவரது அலுவலகம் தெரிவித்துள்ளது குறிப்பிடத்தக்கது!

காங்கிரசில் இணைகிறார் குஷ்பு

2010-05-04T10:25:00.000-07:00

இனி பயந்து பயந்து மியாவ்...னு சொல்ல வேண்டிய அவசியம் இல்லை. சொல்ல வந்த விஷயத்தை சுரீர்ன்னு சொல்ல ஒரு பேக் ரவுண்டை அமைத்துக் கொண்டிருக்கிறார் குஷ்பு.

அநாதை குழந்தைக்குதான் அங்கங்கே அடிவிழும். அரசியலில் சேர்ந்திட்டா?

காங்கிரசில் சேரப்போகிறாராம்! தற்போது லண்டனில் இருக்கிற குஷ்பு அங்கிருந்தபடியே ஒரு அஸ்திரத்தை ஏவியிருக்கிறார். "எனக்கு காங்கிரஸ் கட்சி மேல பெரிய அபிமானம் உண்டு. அதனால் சென்னை வந்ததும் கலந்து பேசி காங்கிரஸ்ல சேரலாம்னு இருக்கேன்" இதுதான் குஷ்பு போட்ட புதுக்கோலம். குதுகலம்தான் தொண்டர்களுக்கு.

"அன்னை சோனியாவின் தலைமையை ஏற்க யார் முன்வந்தாலும் அவங்களை முழு மனசோடு வரவேற்போம்" என்று கூறியிருக்கிறார் தமிழ்நாடு காங்கிரஸ் தலைவர் தங்கபாலுவும். தமிழகத்தில் மேல்சபை வருவததாக அறிவிப்பு வந்த நாளில் இருந்தே குஷ்புவுக்கும் அதில் இடம் உண்டு என்ற வதந்திகள் உலவ துவங்கின. இப்போது வதந்தி உண்மையாகும் நிலை வந்திருக்கிறது.

ஆக, சத்தியமூர்த்தி பவனுக்குள் மேலும் ஒரு கோஷ்டி!

த்ரிஷா போனால் என்ன? : தமன்னாவை தேடிக்கொண்ட ஹீரோ!

2010-05-04T10:23:00.000-07:00

ஜெயம்கொண்டான், கண்டேன் காதலை ஆகிய இரண்டு படங்களை அடுத்து கண்ணன் இயக்கும் புதிய படம் 'வந்தான் வென்றான்'.

இதிலும் பரத் நடிப்பதாக இருந்தது. கடைசிநேர சறுக்கலில் பரத் இடத்திற்கு வந்திருக்கிறார் ஜீவா.

ரேஸ் குதிரையில் நிதானமாக ஓடிக் கொண்டிருக்கும் ஜீவா, மெள்ள மெள்ள ஒவ்வொரு குதிரையாக முந்திக் கொண்டிருக்கிறார் என்பதுதான் நிஜம். அதற்கும் விதியும் கொஞ்சம் கை கொடுத்துக் கொண்டிருக்கிறது. கோ படத்திலிருந்து சிம்பு விலகியதுதான் ஜீவாவின் பாய்ச்சலுக்கு இன்னொரு காரணம். கே.வி.ஆனந்த் படத்திலேயே நடிக்க வந்திட்டோம். ஜோடி விஷயத்தில் கொஞ்சம் எட்டித் தாவலாமே என்று நினைத்த ஜீவா, வந்தான் வென்றான் படத்திற்கு த்ரிஷாவை ஜோடியாக கேட்டாராம்.

தங்க விசிட்டிங் கார்டில் பெயர் பொறித்துக் கொண்டிருக்கிறார் த்ரிஷா. குனிந்து பார்க்க முடியுமா அவரால்? "போயும் போயும் ஜீவாவுடன் ஜோடி சேர்வதா, ம்ஹ§ம்" என்று கூறிவிட்டாராம். மயிலு போனா என்ன, மரிக்கொழுந்து நான் இருக்கேன் என்று இப்போது கால்ஷீட் கொடுத்திருப்பவர்...? அழகு, மெழுகு அற்புத சிற்பம் தமன்னாவாம்!

மனுசனுக்கு மச்சமே குதிரையாயிருக்குப்பா...

கார் பந்தய விபத்தில் உயிர் தப்பினார் அஜீத்

2010-05-04T10:17:00.002-07:00

வட ஆப்ரிக்க நாடான மொராக்கோவில் ஞாயிற்றுக்கிழமை நடந்த பார்முலா 2 கார் பந்தய பயிற்சியின் போது நடந்த பெரும் விபத்தில் சிக்கினார் அஜீத் .

இதில் சிக்கிய இரு டிரைவர்களுக்கு பலத்த காயம் ஏற்பட்டது. ஆனால், அதிர்ஷ்டவசமாக அஜீத் எந்த காயமுமின்றி உயிர் தப்பினார்.

கார் பந்தய ட்ராக்கில் வேகமாக சென்று கொண்டிருந்த கார்களில் இரண்டு திடீரென முட்டிக் கொண்டன. இன்னொரு கார் உயரத்தில் பறக்க, பெரும் குழப்பம் ஏற்பட்டது. இதில் அடுத்தடுத்து வந்த கார்கள் முட்டிக் கொண்டன. மொத்தம் 5 கார்கள் இந்த விபத்தில் சிக்கிக் கொண்டன. இதில் அஜீத்தின் கார் கடைசியாக வந்ததால் தப்பித்தது.

இந்த விபத்தில் மூன்று கார்கள் நொறுங்கின. ஒரு கார் எரிந்தது. அஜீத் வந்த கார் நிலைகுலைந்தாலும், அஜீத்துக்கு எதுவும் ஆகவில்லை. தொடர்ந்து அவர் பயிற்சியில் ஈடுபட்டார்.

நேற்றைய பயிற்சிப் பந்தயங்கள் இரண்டிலுமே 13 வது இடம் பிடித்தார் அஜீத்.

திருப்பதியிலிருந்து திரும்பும்போது கார் கவிழ்ந்து விபத்து – மனோரமா காயம்

2010-05-04T10:17:00.001-07:00

திருப்பதி: திருமலையில் வேண்டுதலை முடித்துக் கொண்டு திரும்பிய நடிகை மனோரமாவின் கார் வழியில் கவிழ்ந்தது. இதில் மனோரமா காயமடைந்தார். மருத்துவமனையில் சேர்க்கப்பட்டார்.

நடிகை மனோரமா நேற்று முன்தினம் திருப்பதி சென்றார். ஏழுமலையானை பயபக்தியுடன் தரிசனம் செய்தார். வேண்டுதல் நிறைவேற மொட்டை போட்டார். பின்னர் தனது தங்க நகைகளை காணிக்கையாக கோவில் உண்டியலில் போட்டார்.

அதே நேரம், திருமலை தேவஸ்தான அதிகாரிகள் தனக்கு சிறப்பு விருந்தினர் மாளிகை ஒதுக்கவில்லை என்ற கோபத்தில் நடைபாதையில் அமர்ந்து தர்ணா செய்தார். 1000 படங்களில் நடித்த, சிறந்த நடிகை விருது வாங்கிய தனக்கு அந்த தகுதி இல்லையா என்று அவர் நிருபர்களிடம் கூறினார்.

தரிசனம் முடிந்தபிறகு நேற்று அதிகாலையில் காரில் சென்னை திரும்பினார்.

தமிழக எல்லையில் உள்ள கீர்த்தளம் என்ற இடத்தில் கார் வந்து கொண்டிருந்தது. அப்போது முன்னால் சென்று கொண்டிருந்த லாரியை முந்தி செல்வதற்காக டிரைவர் காரை திருப்பினார்.

அப்போது கார் டிரைவரின் கட்டுப்பாட்டை மீறி ரோட்டில் கவிழ்ந்தது. இதில் நடிகை மனோரமாவும் அவருடன் வந்தவர்களும் காருக்குள் சிக்கிக் கொண்டனர். கிராம மக்கள் விரைந்து வந்து காருக்குள் இருந்தவர்களை மீட்டனர்.

இந்த விபத்தில் மனோரமா காயம் அடைந்தார். அங்குள்ள ஒரு தனியார் மருத்துவமனையில் முதலுதவி சிகிச்சை பெற்றார்.

பின்னர் சென்னை மருத்துவமனைக்கு அவர் அனுப்பி வைக்கப்பட்டார்.

த்ரிஷாக்கு வந்த வாழ்வு.....

2010-05-04T10:15:00.000-07:00

திரிஷா அவரது தாய் உமா கிருஷ்ணனுடன் ஆரம்பத்தில் புரசைவாக்கத்தில் வசித்தார். தற்போது அடையாறு கேட் நட்சத்திர ஹோட்டல் அருகில் சொந்த வீடு வாங்கி குடியேறியுள்ளார்.

அந்த வீட்டில் வெளிநாட்டு தொழில் நுட்பத்தில் பாதுகாப்பு வசதி செய்யப்பட்டுள்ளன.

வீட்டின் முன்நவீன கெமரா பொருத்தப்பட்டு உள்ளது. வெளியே யார் நின்றாலும் வீட்டுக்குள் இருந்து பார்க்கலாம். வீட்டின் கதவுக்கு பூட்டு கிடையாது. அதற்கு பதில் வாய்ஸ் லேசர் சிஸ்டம் என்ற தொழில் நுட்பம் புகுத்தப்பட்டு உள்ளது.

திரிஷாவும், தாய் உமா கிருஷ்ணனும் கதவு அருகில் நின்று குரல் கொடுத்தால் உடனே திறக்கும். வீட்டுக்குள் நுழைந்ததும் மீண்டும் சாத்திக் கொள்ளும்.

வெளியே யாரேனும் வந்து அழைத்தால் வீட்டுக்குள் இருந்து திரிஷாவோ அல்லது அவர் தாயோ குரல் கொடுத்தால் தான் கதவு திறக்கும்.

எம். ஜி. ஆரின் பழைய அலிபாபாவும் 40 திருடர்களும் படத்தில் ‘அண்டக்கா கஜம் அபுக்சா குஜம் திறந்திடு சீசேம்’ என்று சொன்னதும் மர்ம குகையின் ராட்சத கதவு தானாக திறக்கும். அது போல திரிஷா வீட்டு கதவும் அவர் குரல் கேட்டால் மட்டுமே திறக்கிறது.

திரிஷா அடிக்கடி ஓய்வெடுக்க வெளிநாட்டு போவதுண்டு. அங்குள்ள புது டெக்னாலஜிகளை தெரிந்து கொண்டு வீட்டில் அறிமுகப்படுத்துகிறார். அது போல் வந்ததுதானாம் வாய்ஸ்லேசர் சிஷ்டம் பூட்டு.

சுறா- பட விமர்சனம்

2010-05-04T10:11:00.000-07:00

எப்படியாப்பட்ட பெரிய நடிகரும், 'இது மக்களுக்குப் பிடிக்குமா...
நிராகரித்து விடுவார்களோ' என்ற பயத்துடன், பார்த்துப் பார்த்து படங்கள்
செய்யும் காலம் இது. ஆனால் விஜய் போன்றவர்களுக்கு அந்தக் கவலை
கிஞ்சித்தும் இல்லை.

யார் என்ன சொன்னாலும், என்ன விமர்சனங்கள்
வந்தாலும், அரைத்த மாவையே, ரசிகர்களுக்கு புட் பாய்சன் ஆகும் வரை,
தொடர்ந்து சுட்டுத் தருவது என்பதில் மிகத் தெளிவாக இருக்கிறார்கள்,
திணறடிக்கும் விளம்பரங்கள் காப்பாற்றும் என்ற தைரியத்தில்.

இதோ இன்னும் ஒரு அரைத்த மாவில் சுட்ட புளித்த தோசை... சுறா!.

யாழ்நகர்
(!?) என்ற மீனவ கிராமத்துக்கு செல்லப்பிள்ளை சுறா (விஜய்). அந்த ஊருக்கு
ஒன்று என்றால் இவர் பதறிப் போவார். இவருக்கு ஒன்று என்றால் ஊர் பதறிப்
போகும்!.

ஒரு நாள் தனது செல்ல நாய் செத்துப் போன சோகத்தில் அந்த
கிராம கடலோரம் தற்கொலை செய்து கொள்ள முயல்கிறார் தமன்னா. எதிர்பார்த்த
மாதிரியே விஜய் ஓடி வந்து அவரைக் காப்பாற்றுகிறார்.

அடுத்த சில சீன்களில் விஜய்யின் மனக்கடலில் குதித்துக் காதலியாகி, நான்கு பாடல்களில் ஆடுகிறார்.

இதற்கிடையில்
வில்லன் தேவ் கில் தீம் பார்க் அமைக்க கிராமத்தைக் காலி பண்ண முயல,
அதிலிருந்து மக்களைக் காக்கும் புனிதப் போரில் ஒற்றை ராணுவமாகக்
களமிறங்குகிறார். இதில் கோபமடையும் வில்லன், சுறாவை போட்டுத் தள்ள
முடிவெடுக்கிறார்.

இரண்டாம் பாதியில் கடத்தல் சரக்கை விற்று பணக்காரனாகி வில்லனுடன் மோதுகிறார்.

தன்னையும்
கிராமத்தையும் எப்படிக் காக்கிறார், தமன்னாவைக் கைப்பிடித்தாரா?
என்பதெல்லாம் பொறுமையைச் சோதிக்கும் க்ளைமாக்ஸ் சமாச்சாரங்கள்!.

இந்தப் படத்தின் அறிமுகக் காட்சியை சொல்லியே தீர வேண்டும்.

கடலுக்குப்
போன மீனவர்கள் காணாமல் போக, அவர்களை 'கோஸ்ட் கார்ட்' கண்டுபிடித்து கரை
திரும்ப வைக்கிறது. எல்லா மீனவர்களும் வந்துவிட, ஒருவர் மட்டும்
வரவில்லை.... அது சுறா.

உடனே ஊர்மக்கள், அடடா அந்த தம்பிய போல
வருமா என பில்ட் அப் கொடுக்க, நம் ஹீரோ அப்படியே கடலுக்குள்ளிருந்து
பிய்த்துக் கொண்டு கிளம்பி வருகிறார்... அடுத்து அறிமுகப் பாட்டில்
குத்தாட்டம் போடுகிறார்!.

விஜய் நன்றாக நடனம் ஆடுகிறார்... வழக்கம்
போல சண்டை போடுகிறார்... ஏகப்பட்ட பஞ்ச் வசனங்களைப் பேசுகிறார். மீனவர்
உரிமை, இலங்கைத் தமிழர் பிரச்சனையெல்லாம் தொடுகிறார்... !

வடிவேலுவை
இதே வேகத்தில் விட்டால் அவர் எல்லா ஹீரோக்களையுமே டம்மியாக்கிவிடுவார்
போலிருக்கிறது. மனிதர் அடிக்கும் லூட்டிதான் படத்தின் ஒரே ப்ளஸ் பாயிண்ட்.
குறிப்பாக வெண்ணிற ஆடை மூர்த்தியுடன் அவர் வரும் ட்ராக் தனித்துத்
தெரிந்தாலும் சரவெடி.

நான்கு பாடலுக்கு ஆடியிருக்கிறார் தமன்னா. அவ்வளவுதான் அவருக்கு வேலை இந்தப் படத்தில்.

வில்லனாக வரும் தேவ் கில் சும்மா சும்மா உதார் விடுவதோடு சரி.

ஒளிப்பதிவு நன்றாக உள்ளது. ஏகாம்பரமும் எம்எஸ் பிரபுவும் பார்த்துப் பார்த்து செய்திருக்கிறார்கள்.

மணிசர்மாவின்
பாடல்கள் பழக்கப்பட்டதாக தெரிந்தாலும், அவை எல்லாமே தெலுங்குப் பாடல்களின்
அப்பட்டமான காப்பி என்பது தெரிவதால் ஈர்ப்பு குறைகிறது.

ஒரு நல்ல பொழுதுபோக்கு இயக்குநர் என்ற பெயரைத் தக்கவைத்துக் கொள்ள கிடைத்த பெரிய வாய்ப்பை வீணடித்திருக்கிறார் எஸ்பி ராஜ்குமார்.

சிவப்பு மழை-விமர்சனம்

2010-05-04T10:08:00.001-07:00

சிவப்பு மழை

கின்னஸ் ரெக்கார்டுக்காக 12 நாளில் எடுக்கப்பட்ட படம். தயாரிப்பாளரும் ஹீரோவுமான சுரேஷ் ஜோகிம் இலங்கை தமிழர் என்பதால், தனது வலியையே பதிவாக்க முயன்றிருக்கிறார். கை புண்ணை கண்ணாடியில் காட்டும் முயற்சி! ஆனால் அந்த கண்ணாடியே கை புண்ணை மேலும் கிழிக்கிற மாதிரி அங்கங்கே சொதப்பல்கள்.

அமைச்சரின் மகளான மீரா ஜாஸ்மினை கடத்திச் செல்கிறார் சுரேஷ் ஜோகிம். பதறுகிறது அமைச்சர் வட்டாரமும், அதிகாரிகள் வட்டாரமும். சிறையிலிருக்கிற கைதி ஒருவனை விடுவிக்க வேண்டும். இல்லையென்றால் உன் மகள் அவ்வளவுதான் என்று போனில் எச்சரிக்கை விடும் சுரேஷ், செகண்ட் ஆஃபில் மீரா ஜாஸ்மினின் மனசுக்குள் இடம் பிடிக்கிற அளவுக்கு ரொம்ப நல்லவராகி விடுகிறார். எப்படி என்பதும், எதற்காக கைதியை விடுவிக்க சொன்னார் என்பதும் படத்தின் முக்கிய திருப்பங்கள். க்ளைமாக்ஸ் யூகிக்க முடியாதது என்றாலும், இதற்கு முன்பு வந்த ஒரு வெற்றி படத்தின் ஜெராக்ஸ் என்பதால் சப்!

இலங்கை தமிழரான ஜோகிம், மருத்துவ முகாமில் நடக்கும் கொடூரங்களை சொல்கிற போது கண்கள் கசிகின்றன. ஆனால், இலங்கை ராணுவத்தையும் அநியாயத்தை தட்டி கேட்கிற பிறவிகள் மாதிரி காட்டியிருக்கிறாரே, அடுக்குமாய்யா? தன்னிடம் சிறை பட்டிருக்கும் மீராஜாஸ்மினின் கட்டை விரலை அறுத்து மந்திரிக்கு அனுப்புவது மாதிரி காட்சி. ஆனால் அது 'ச்சும்மா' என்கிறபோது மீராவுக்கு மட்டுமல்ல, நமக்கும் திருப்தி.

தொலைக்காட்சி நிருபராக மீராஜாஸ்மின். முதல் சில நிமிடங்கள் கையில் கட்டும், வாயில் பிளாஸ்திரி ஒட்டுமாக தவிக்கிறார். பிறகு சுரேஷ§டன் சேர்ந்து சேம் சைட் கோல் போடுகிற லெவலுக்கு வந்துவிடுகிறாரா, சுகம் தருகிறது அவரது சுந்தரமுகம். அதற்காக விறுவிறுப்பான திரைக்கதைக்கு பிரேக் போடுகிற மாதிரி இவருக்கு பாடல் காட்சிகளை வைத்து போரடித்திருக்க வேண்டுமா?

மந்திரியாக சுமன். நாடி நரம்புகள் எல்லாம் நடித்திருக்கிறது. வில்லன் பாத்திரத்திலிருந்து விலகியிருப்பதே ஆறுதல். போலீஸ் கமிஷனராக நடித்திருக்கும் ராஜீவ் பேசுகிற ஒரே டயலாக், "டென்ஷன் ஆவதரா ப்ளீஸ்". இதையே அவர் திரும்ப திரும்ப பேசுவது டென்ஷன் ஆக்கி தொலைக்கிறது. போலீஸ் யூனிபார்ம் மாதிரியே நச்சென்று பொருந்தியிருக்கிறார் போஸ் வெங்கட்.

இலங்கை ராணுவ அதிகாரியாக நடித்திருக்கிறார் அலெக்ஸ். அந்த கோர முகம் அப்படியே மேட்ச் ஆகியிருக்கிறது இவருக்கு. நடிப்பும் பலே. இலங்கை பிரச்சனையை கையில் எடுத்திருக்கிறார்கள். வசனங்களில் அனல் பறக்க வேண்டுமே, ம்க்கும்!

பெரிய மைதானங்கள் இல்லை. சின்ன எல்லைக்குள்ளேயே விளையாடியிருக்கிறார் ஒளிப்பதிவாளர் விஸ்வநாதன். எடிட்டர் வி.டி.விஜயன் அங்கங்கே போட்டிருக்கும் கத்தரி, படத்திற்கு வேகம் சேர்க்கிறது. தேவா இசையில் அறிமுக பாடல் அசத்தல்.

கலர்ஃபுல் மழையில், கொஞ்சம் கண்ணீரின் இழை!

என் உயிரினும் மேலான... -விஜய்யின் 'பிரபாகரன்' ஸ்டைல்!

2010-05-04T10:05:00.000-07:00

அரசியல் கட்சி துவங்குகிற விஷயத்தில் விஜய் நடத்துவது 'ஸ்லோ சைக்கிள் ரேஸ்' என்கிற அளவுக்கு சின்னதாக எடை போட்டுவிட்டது ஒரு முன்னணி பத்திரிகை. அவ்வளவுதான்... பாய்ந்தடித்துக் கொண்டு விளக்கம் சொல்லியிருக்கிறார் இளையதளபதி. "நிச்சயம் அரசியலுக்கு வருவேன். அதற்கான பேஸ்மென்ட் வேலைகள் நடந்திட்டு இருக்கு" என்பதுதான் அவரது ஸ்டிராங்கான விளக்கம். (கனவை கலைச்சிடாதீங்க ரசிகருங்களா)

அதற்கு முன் அவருக்கு சொல்லப்பட்டிருக்கும் ஒரு அட்வைஸ் ரொம்பவே மரியாதைக்குரியது! மக்கள் மன்றத்தில் பேசும்போதும், எழுதும்போதும், (உடன்பிறப்புக்கு கடிதமெல்லாம் எழுதுவாரோ) 'என் உயிரினும் மேலான தமிழ் மக்களே' என்ற வார்த்தையை பயன்படுத்த சொல்லியிருக்கிறாராம் அவரது அப்பா. இந்த வார்த்தை விடுதலை புலிகள் அமைப்பின் தலைவர் கர்னல் பிரபாகரன் பயன்படுத்தி வந்த மந்திர வார்த்தை.

இனிமேல் எங்கு பொதுக்கூட்டத்தில் கலந்து கொள்ள நேர்ந்தாலும், இந்த வார்த்தை ஞாபகம் இருக்கட்டும். பெரும் போராளி ஒருவர் உபயோகப்படுத்திய இந்த வார்த்தைக்கே ஒரு ஈர்ப்பு உள்ளது என்றெல்லாம் லெக்சர் எடுத்தாராம் அப்பா. இதையடுத்து எல்லா மேடைகளிலும் இதை பயன்படுத்த துவங்கியிருக்கிறார் விஜய்

எவ்வளவோ சுட்டுட்டோம்… இதைச் சுடமாட்டோமா!

2010-05-04T10:03:00.001-07:00

எவ்வளவோ சுட்டுட்டோம்…

சங்கீதா விஜய்: ஏங்க… நீங்க அடுத்த படத்துக்கு பிளான் பண்ணி வச்சிருந்த ஸ்டன்ட் சீனையெல்லாம் இந்த கார்த்திக்கு வச்சிருக்காங்களே… நீங்க என்ன பண்ணப் போறீங்க…
விஜய்: அதெல்லாம் பிரச்சினையே இல்ல… இன்னும் ரெண்டு மாசத்துல மகேஷ் பாபு, என்டிஆர், பவன் கல்யாண் படமெல்லாம் வருது… எவ்வளவோ சுட்டுட்டோம், இதை சுடமாட்டோமா… விடு விடு!
(சத்யம் திரையரங்கில் நடந்த பையா பட பிரிமியர் ஷோவில்..!)

3D யில் எந்திரன் : தகவல்கள் !

2010-05-04T10:01:00.000-07:00

3D அவதாரின் விஸ்வரூப அவதாரத்தைப் பார்த்து டைரக்டர் ஷங்கர் தனது
எந்திரன் படத்தையும் 3D வடிவில் வெளியிட தீவிரமாய் யோசித்துக்
கொண்டிருக்கிறார். அதற்கான ஆரம்ப கட்ட வேலைகளிலும் அவர்
இறங்கியிருக்கிறார். சில சாம்பிள் காட்சிகளை 3D வடிவமைத்துப் பார்த்ததில்
டீமே மிரண்டு போய்விட்டதாம். ஏற்கனவே படத்தை 2Dயில் எடுத்திருந்தாலும்
அதையே 3D வடிவில் மாற்றியமைக்கும் வகையில் இப்போதைய டெக்னாலஜி முன்னேற்றம்
உள்ளதாம். அப்படி மாற்றியமைக்கப்பட்ட ஒரு ஹாலிவுட் 3D படத்தை நேரடியாக
சென்று பார்த்து வந்திருக்கிறார் ஷங்கர். எனினும் கடைசி முடிவு இன்னும்
எடுக்கப்படவில்லை . படம் எந்திரன் 3D ஆக வரவும் சாத்தியக் கூறுகள் இருக்கின்றன !
திரைப்படத்தின் பெரும்பாலான காட்சிகளெல்லாம் எடுத்து முடிக்கப்பட்டிருப்பதால் யூனிட் உற்சாகமாய் இருக்கிறது. எந்திரனின் மொத்தம் ஆறு பாடல்கள். அப்பா வைரமுத்து மூன்று
பாடல்களில் முத்தெடுக்க, மகன் கார்க்கி ஒரு பாடல் எழுதியிருக்கிறார்.
பாடல் எழுதியதுடன் நிற்காமல் எழுத்தாளர் சுஜாதாவின் இழப்பை ஈடுகட்டும்
விதமாக எல்லா டெக்னாலஜி விஷயங்களையும் கார்க்கி தான்
ஷங்கருக்குச் சொல்லி வருகிறார். கூடவே கதை வசனம் எழுதுவதிலும் அவருடைய
பங்களிப்பு கணிசமாய் இருக்கிறது. இன்னொரு பாடல் பாவியிடம் சென்று விட்டது.
அதாங்க ஞாபகங்கள்ல நடிச்சாரே அந்த பா.விஜய் தான் J அப்போ ஆறாவது பாட்டு எழுதறது யாரு நாமுவா ?
கொச்சின் ஹனீபாவின்
மறைவு ஷங்கரை மீளாத் துயரத்தில் ஆழ்த்தியிருக்கிறது. எந்திரனில் அவர்
நடித்திருந்த நகைச்சுவைக் காட்சியை மீண்டும் ஒரு முறை பார்த்து கண்ணீருடன்
சிரித்தாராம். இந்தக் காட்சிகள் அவருக்கு அஞ்சலியாய் அமையும் என்கிறார்
அவர். அதே போல மலையாளக் கரை கலாபவன் மணிக்கு இதில்
வித்தியாசமான கிராமத்தான் வேடமாம் ! உலகம் முழுதும் ஒரே நாளில் தமிழ்,
தெலுங்கு இந்தி என மூன்று மொழிகளில் வெளியிடவேண்டும். அதனால் படம் கொஞ்சம்
தாமதமாக வாய்ப்பு இருக்கிறது என்கிறது ஷங்கர் வட்டாரம் !
இந்தப் படத்துக்காக பிரபுதேவா ஸ்பெஷலாக ஒரு
பாடல்காட்சியை அமைத்திருக்கிறாராம். அது பிரம்மாண்டமாக வந்திருப்பதாக
பட்சிகள் படபடக்கின்றன. அதன் பின் பிரபு தேவா 9தாராவுடன் டேரா போட்டு
விட்டதால் அவருடைய தம்பி ராஜு சுந்தரம் இரண்டு பாடல்களுக்கு நடனக் காட்சிகள் அமைத்திருக்கிறாராம்.
எந்திரனுக்குப் பின் ஷங்கர் சித்தார்த்துடன் சிலிர்ப்பூட்டும் காதல் கதை ஒன்றை படமாக்க இருப்பதாகச்
சொல்வதில் உண்மை இல்லையாம். ஒரு பக்கா ஸ்கிரிப்ட் இருக்கிறது, அதில் கமல்
நடித்தால் நன்றாக இருக்கும் என்பது ஷங்கரின் விருப்பம். அதுக்கு எக்கச்
சக்க மேக்கப் போடவேண்டியிருக்குமே என ஷங்கர் சொல்ல, “அப்படின்னா கொஞ்சம்
வெயிட் பண்ணுங்க. என் ஒரிஜினல் முகமே எனக்கு மறந்து போயிடும்போல இருக்கு.
கொஞ்சம் கேப் விட்டு பண்ணிக்கலாம்” என்றாராம் கமல்.
எந்திரனில் இதுவரைக்கும் எந்தக் காட்சியிலும் நடிக்கவில்லையாம் ஷங்கர்.
எப்படியாவது ஒரு காட்சியில் தலையைக் காட்டிவிட வேண்டுமென்று தீவிரமாய்
யோசித்துக் கொண்டிருக்கிறாராம். பேசாம ஒரு ரோபோவா வர வேண்டியது தானே.

திருமணத்திற்கு பிறகும் தொடர்ந்து நடிப்பேன்: ரம்பா

2010-05-04T09:56:00.002-07:00

திருமணத்திற்கு பின் கணவர் அனுமதியுடன் தொடர்ந்து நடிப்பேன் என்று நடிகை ரம்பா கூறினார்.நடிகை ரம்பாவுக்கும், கனடாவை சேர்ந்த தொழிலதிபர் இந்திரகுமாருக்கும் திருப்பதியில் வருகிற 8ந் தேதி (வியாழக்கிழமை) திருமணம் நடக்கிறது. இந்த திருமணத்தில் நெருங்கிய உறவினர்களும், நண்பர்கள் மட்டும் கலந்து கொள்கிறார்கள்.
ரம்பா இந்திரகுமார் திருமண வரவேற்பு நிகழ்ச்சி, சென்னை எழும்பூரில் உள்ள ராணி மெய்யம்மை மண்டபத்தில் வருகிற 11 ந் தேதி மாலை 6.30 மணிக்கு நடக்கிறது.
திருமணத்தையொட்டி, நடிகை ரம்பா சென்னை ஏவி.எம். ஸ்டூடியோவில் செய்தியாளர்களை சந்தித்தார். அப்போது அவர் கூறியதாவது,
நான் நடிக்க வந்து, 14 ஆண்டுகள் ஆகிறது. எனக்கு ரசிகர்கள் இதுவரை ஆதரவு தந்ததற்காக நன்றியை தெரிவித்துக்கொள்கிறேன். எனக்கும், இந்திரகுமாருக்கும் திருப்பதியில் வருகிற 8 ந் தேதி திருமணம் நடக்கிறது. இது பெற்றோர்களால் நிச்சயிக்கப்பட்ட திருமணம், காதல் திருமணம் அல்ல.
என் கணவர் இந்திரகுமார் ஒரு தொழிலதிபர். அவருடைய நிறுவனத்தின் பிராண்ட் அம்பாசிட்டராக’ நான் இருந்தேன். அப்போது நான் அவரை ஒரே ஒரு முறை சந்தித்து இருக்கிறேன். அவர், என்னிடம் பெரிய தொழிலதிபர் என்ற பந்தா இல்லாமல் எளிமையாக பழகினார்.
அவர், என் குடும்பத்தினரை அணுகி மிக கண்ணியமான முறையில் என்னை பெண் கேட்டார். அவருடைய அணுகுமுறை எனக்கும், என் குடும்பத்தினருக்கும் பிடித்திருந்தது. அவர் ஒரு திறந்த புத்தகமாக இருந்தார். இரண்டு குடும்பத்தினரும் சந்தித்து பேசி எங்கள் திருமணத்தை நிச்சயம் செய்தார்கள்.
திருமணத்திற்கு பிறகும், என் கணவர் அனுமதியுடன் நான் தொடர்ந்து நடிப்பேன். திருமணத்திற்கு பின் நடிப்பது அல்லது நடிக்காதது என் விருப்பத்திற்கு விட்டு விட்டார்கள்.
பின்னர் செய்தியாளர்களின் கேள்விகளுக்கு பதில் அளித்தார்
கேள்வி: உங்களுக்கும், உங்கள் கணவருக்கும் ரம்பா இந்திரன் என்று பெயர் பொருத்தம் அமைந்துள்ளதே?

பதில்: எனக்கே அது ஆச்சரியமாக இருக்கிறது.
கேள்வி: உங்களை அவர்’எப்படி அழைக்கிறார்?

பதில்: லட்ஷா’ என்று என் சொந்த பெயரை சொல்லி அழைக்கிறார்.
கேள்வி: திருமணம் முடிந்ததும் உடனே குழந்தை பெற்றுக்கொள்வீர்களா? அல்லது குழந்தை பிறப்பதை தள்ளிப்போடுவீர்களா?

பதில்: (வெட்கத்துடன்) எனக்கு அது தெரியாதுங்க!
கேள்வி: தேனிலவுக்கு எங்கே செல்கிறீர்கள்?

பதில்: எனக்கு பிடித்த நியூசிலாந்துக்கு செல்கிறோம் என்றார்.

சானியா - சோயப் விவகாரம் சினிமாவாகிறது!

2010-05-04T09:56:00.001-07:00

பிரபல டென்னிஸ் வீரர் சானியா மிர்சா- சோயப் மாலிக் காதல், திருமண சமாச்சாரங்கள் சினிமாவையே மிஞ்சும் விறுவிறுப்பு திருப்பங்களுடன் இருப்பதால் அதையும் சினிமாவாக்கும் முயற்சியில் இறங்கியுள்ளனர்.

பிரபல இந்தி இயக்குனர் ஒருவர் இந்த முயற்சியில் இறங்கியுள்ளார். இப்போதைக்கு படம் குறித்த அறிவிப்பை அறிவிக்காமல், சானியா - சோயப் திருமணத் தேதி வரை காத்திருக்கப் போகிறார்களாம்.

சானியாமிர்சா, சோயிப்மாலிக் அவரது முதல் மனைவி ஆயிஷா கேரக்டர்களில் நடிக்க நடிகர், நடிகை தேர்வு விறு விறுப்பாக நடப்பதாகக் கூறப்படுகிறது.

சானியா சம்பந்தப்பட்ட அத்தனை வில்லங்கங்களையும் இந்தப் படத்தில் வைக்கப்போகிறார்களாம்.

ஷாகித் கபூருடன் அவரது காதல் தொடர்பான சர்ச்சைகளும் இதில் இடம்பெறுமாம்

வாய்ப்பு கிடைத்தது எப்படி? அங்காடி தெரு நாயகன் பேட்டி

2010-05-04T09:55:00.001-07:00

தமிழ் திரையுலகில் புதுமையான புரட்சியை ஏற்படுத்தியிருக்கும் அங்காடி தெரு படத்தைப் பற்றிய பேச்சுதான் ஒட்டுமொத்த தமிழகத்திலும். அதிலும் அங்காடி தெருவில் காட்டியிருக்கும் ரங்கநாதன் தெருவில் உள்ள பிரமாண்ட கடைகளில் எல்லாம் ஊழியர்கள் எப்படி நடத்தப்படுகிறார்கள்? என்று சோதனை நடத்தப்பட்டிருப்பதால் பரபரப்பு மேலும் கூடியிருக்கிறது. படத்தில் இயல்பான நடிப்‌பை வெளிப்படுத்தியிருப்பது யார்? என்று பட்டிமன்‌றம் நடத்தும் அளவுக்கு படத்தில் நடித்திருக்கும் அத்தனைபேருமே இயல்பாக நடித்திருக்கிறார்கள்.

இதில் நாயகி அஞ்சலி ஏற்கனவே ரசிகர்களுக்கு அறிமுகம் ஆனவர்தான். கற்றது தமிழ் படத்தின் மூலம் நடிப்புத்திறமையை காட்டிய அஞ்சலி, அங்காடி தெருவில் அசத்தியிருக்கிறார். நாயகனாக நடித்திருக்கும் மகேஷ் புதுமுகம் என்று சொல்ல முடியாத அளவுக்கு கேரக்டராகவே வாழ்ந்திருக்கிறார். அங்காடி தெரு வாய்ப்பு கிடைத்தது எப்படி? சின்னாளப்‌பட்டியை சொந்த ஊராக கொண்ட மகேஷ் வாலிபால் பிளேயர். தமிழ்நாட்டுக்காக இரண்டு முறை விளையாடியிருக்கும் அவர், திருநெல்வேலியில் நடந்த டோர்ணமென்ட்டுக்காக சென்றிருக்கிறார். அப்போது டைரக்டர் வசந்தபாலன் கண்ணில் சிக்கிய மகேஷ், அங்காடித்தெருவின் நாயகனாகி விட்டாராம். வசந்தபாலன் சார் நடிக்க கூப்பிட்டதும் என்ன சொல்வதென்றே தெரியவில்லை. எனக்கு சினிமா பற்றி எதுவும் தெரியாது. இயல்பாக நடித்துள்ளதாக எல்லோரும் பாராட்டுறாங்க. இந்த பாராட்டு எல்லாமும் டைரக்டரைத்தான் சேரும். என்னிடம் நடிப்பை கண்டுபிடித்தவரும், அதனை எடுத்தவரும் அவர்தான். சினிமாவில் நடித்தது புது அனுபவமாக இருந்தது. இதுபோன்ற சிறந்த கதைகொண்ட படங்களில் தொடர்ந்து நடிக்க விரும்புகிறேன், என்கிறார் மகேஷ்.

அங்காடி தெருவில் சூப்பர்வைசர் அண்ணாச்சியாக நடித்திருந்த டைரக்டர் ஏ.வெங்க‌ேடேஷ் தற்‌போது வல்லக்கோட்டை உள்ளிட்ட 2 படங்களை இயக்கி வருகிறார். வசந்தபாலன் வற்புறுத்தலின் பேரிலேயே அங்காடி தெருவில் நடித்ததாக கூறும் அவர், மற்ற படங்களில் நடிக்க வரும் வாய்ப்பை ஏற்க முடியவில்லை. டைரக்ஷன் மட்டுமே போதும் என்கிறார்.

அனுஷ்காவுக்கு பதில் தமன்னா

2010-05-04T09:53:00.002-07:00

விக்ரமார்குடு படத்தை தமிழில் சிறுத்தை என்ற பெய‌ரில் ஞானவேல் தயா‌ரிக்கிறார். கார்த்தி ஹீரோ.

எப்போது படத்தை அறிவித்தார்களோ... மாற்றத்துக்கு மேல் மாற்றமாக போய்க் கொண்டிருக்கிறது விஷயங்கள். முதலில் படத்தின் இயக்குனரை மாற்றினார்கள். பிறகு ஹீரோயின். அனுஷ்கா என்று தீர்மானித்திருந்தவர்கள் தற்போது தமன்னாவை ஒப்பந்தம் செய்துள்ளனர். கார்த்தியின் ரெக்கமன்டேஷனாம்.

படப்பிடிப்பு தொடங்கிய நிலையில் இப்போது படத்தின் பெயர் சிறுத்தையையும் மாற்ற தீர்மானித்திருக்கிறார்கள். புதிய பெயர் விரைவில் அறிவிக்கப்படும்.

இந்தப் படத்தை சிவா என்பவர் இயக்கி வருகிறார்.

நித்யானந்தன் செக்ஸ் லீலை மற்றும் நிதி மோசடிகளை படமாக்கும் ராம் கோபால் வர்மா!

2010-05-04T09:53:00.001-07:00

கோபால் வர்மா!
உள்நாட்டிலும் வெளிநாடுகளிலும் ஆன்மீகம் என்ற பெயரில் நித்தியானந்தன் அரங்கேற்றிய செக்ஸ் லீலைகள் மற்றும் ஆன்மீக மோசடிகளைத் திரைப்படமாக்குகிறார் இயக்குநர் ராம் கோபால் வர்மா.
நிஜ சம்பவங்களுக்கு திரைவடிவம் தருவதில் புகழ்பெற்றவர் ராம்கோபால் வர்மா.
ஏற்கெனவே பல நிஜ தாதாக்களின் கதைகளை சினிமாவாக்கு பெரும் வெற்றி பெற்றுள்ளார்.
இப்போது நாடு முழுவதும் பரபரப்பைக் கிளப்பிய நித்தியானந்தனின் செக்ஸ் லீலைகளை படமாக்கும் முயற்சியில் இறங்கியுள்ளார்.
படத்துக்கு ‘காட் அன்ட் செக்ஸ்’ என்று பெயரிட்டுள்ளார். நித்தியானந்தனின் செக்ஸ் லீலைகளோடு ஆன்மீக மோசடிகளும் இந்தப் படத்தின் பிரதான அம்சமாக இருக்குமாம்.
இதுகுறித்து வர்மா கூறுகையில், “ஆசிரமத்தின் உள்ளே நடக்கும் ரகசியங்கள் குறித்த படம் இது. இது செக்ஸ் லீலைகளாக மட்டுமே இருக்க வேண்டிய கட்டாயம் இல்லை. மாறாக, உள்ளே நடக்கும் கோஷ்டிப் பூசல்களாக இருக்கலாம். அவர்களுக்கு எதிராக நடப்போரின் செயல்களை கூறுவதாகவும் இருக்கலாம்.
நித்தியானந்தா விவகாரத்தின் மூலம் ஒரு விஷயம் தெளிவாகியுள்ளது. அதாவது மனிதனால் கடவுளைக் கூட வெல்ல முடியும், ஆனால் காமத்தை வெல்ல முடியாது என்பதே அது.
நாடு முழுவதும் இதுபோன்ற செக்ஸ் லீலைகளில் சிக்கிய எத்தனையோ சாமியார்களை நாம் பார்த்து வருகிறோம். ஆனாலும் மக்கள் தொடர்ந்து சாமியார்களிடம் சென்று கொண்டுதான் உள்ளனர்.
கடவுள் பேச மாட்டார். நேரில் வரவும் மாட்டார் என்பது புரிந்திருப்பதால், மக்கள் கடவுளுக்கு அடுத்து சாமியார்களைத் தேடி ஓடுகிறார்கள். ஒரு சாமியார் தன்னை பக்தர்கள் நம்ப வேண்டும் என்பதற்காக எதையாவது செய்தாக வேண்டிய கட்டாயம் உள்ளது. ஏதாவது மேஜிக், சித்து வேலைகள் செய்தாக வேண்டும். அப்படிச் செய்தால்தான் தன்னை ஒரு சாமியார் என்று பக்தன் நம்புவான் என நினைக்கிறார் சாமியார்.

ஆனால் அதேசமயம், சாமியார்களும் கூட சாதாரண மனிதர்கள்தான். எனவேதான் அவர்களையும் செக்ஸ் ஆசை தொட்டுச் செல்கிறது. அதுதான் நித்தியானந்தா விவகாரத்திலும் நடந்தது.
எனவே கடவுளுக்கும், காமத்துக்கும் இடையிலான இந்த வித்தியாசங்களை வைத்து இந்தக் கதையை உருவாக்கியுள்ளேன்.
என்.டி.திவாரி முதல், நித்தியானந்தா வரை, எஸ்.பி.எஸ். ரத்தோர் வரை காமத்திற்கு அடிமையாகாத யாரையுமே பார்க்க முடியாது. செக்ஸுக்கு இரையானவர்கள் இவர்கள். எனவே கடவுளை வென்றாலும் கூட உங்களால் காமத்தை வெல்ல முடியாது.
எனது படத்திற்கு நித்தியானந்தாவின் பக்தர்கள் எதிர்ப்பு தெரிவிப்பார்களா அல்லது இந்து அமைப்புகள் எதிர்ப்பு தெரிவிப்பார்களா என்பது குறித்தெல்லாம் இப்போதே எதுவும் சொல்ல முடியாது. ஆனால் எது நடந்தாலும் அது எனது படத்திற்கான நல்ல விளம்பரமாகத்தான் அமையும்.
நித்தியானந்தா வீடியோவை நான் பார்த்தபோது அவரின் செக்ஸ் லீலைகள் என்னைக் கவரவில்லை. மாறாக அந்த நேரத்திலும் கூட கன்னட சினிமாப் பாடல்களை ரசித்துப் பார்த்துக் கொண்டிருந்தாரே, அதுதான் என்னைக் கவர்ந்தது.
நான்கு சுவர்களுக்குள் அவர் ஒரு மிகச் சாதாரண மனிதர். அந்த விஷயம்தான் என்னை கவர்ந்தது, இந்தப் படத்தை எடுக்கவும் யோசனையைத் தந்தது.
வெளியில் இவர்கள் பல கோடிகளை சந்திக்கிறார்கள். ஆனால் எங்கிருந்து இந்தப் பணம் வருகிறது என்பதை யாரும் கவனிப்பதே இல்லை. ஆனால் அவர்களது செக்ஸ் வாழ்க்கை குறித்துதான் அனைவரும் ஆவலுடன் படிக்கிறார்கள். நான் இந்த செக்ஸ் மோசடியோடு, பல்வேறு நிதி மோசடிகள் குறித்தும் எனது படத்தில் பேசுவேன். இந்தி மற்றும் தென் மாநில மொழிகளில் இந்தப் படம் வெளியாகும்.
எனது படத்தின் நாயகன் ரோலுக்கு யாரையும் நான் இன்னும் முடிவு செய்யவில்லை. விரைவில் அதிகாரப்பூர்வமாக அறிவிப்பு வரும்,” என்றார் வர்மா.

சொல்லும் செயலும் ஒன்றாகத் திகழும் சூப்பர் மனிதன் இவர்!

2010-05-04T09:51:00.001-07:00

நட்புக்கு புது இலக்கணம் வகுத்த ரஜினி!

நிறைய பேர் பணிவுடன் இருப்பதாய் சொல்வார்கள்… அல்லது நடிப்பார்கள். ஆனால் உள்ளுக்குள் ஆங்காரம் தாண்டவமெடுத்தாடும். ஆனால் சொல்லும் செயலும் ஒன்றாகத் திகழும் ஒரு மனிதர் என்றால் அவர் சூப்பர் ஸ்டார் ரஜினியாகத்தான் இருக்கும்.

கமலுக்கு விஜய்டிவி நடத்திய பாராட்டு விழாவில், கமலைப் பாராட்டி ரஜினி பேசிய வார்த்தைகள் ஒவ்வொன்றும் அவரது இதயத்தின் ஆழத்திலிருந்து வந்தவைதான் என்பதை நிரூபிக்கும் ஒரு செயலை சமீபத்தில் செய்துள்ளார் தலைவர்.

அது பற்றிய விகடனின் கட்டுரையை இங்கே தருகிறோம்.

ரஜினியின் அன்பில் நெகிழ்ந்துபோன கமல்!
அந்த நெகிழ்வான நிகழ்வை யாரும் இத்தனை சீக்கிரம் மறந்திருக்க முடியாது. திரைத் துறையில் கமல் 50 ஆண்டுகள் நிறைவு செய்ததைக் கௌரவித்த பாராட்டு விழா அது. தமிழ்த் திரையுலகமே திரண்டு வந்து ‘கலைத்தாயின் தவப் புதல்வன்’ என்று கமலை உச்சி மோந்த அந்த விழாவில் மேடையேறினார் ரஜினி.
இருவருக்குமான நட்பின் ஆழத்தை மீண்டும் நிரூபித்த விழா. ‘நான் அடிக்கடி யோசிப்பேன். இங்கே நான், மோகன்லால், மம்மூட்டி, வெங்கடேஷ், சரத்குமார் மாதிரியானவங்களை கலைத் தாய் தன் கையைப் பிடிச்சு அழைச்சுட்டுப் போறா. ஆனா, கமலை மட்டும் தோள்ல தூக்கிவெச்சு மார்போடு அணைச்சுட்டுப் போறா. நான் கலைத் தாய்கிட்டே கேட்டேன், ‘ஏம்மா, இது உனக்கே நியாயமா? நாங்களும் உன் குழந்தைங்கதானே… அப்புறம் ஏன் இந்தப் பாரபட்சம்?’னு. அதுக்கு கலைத் தாய் சொன்னாங்க… ‘ரஜினி! நீ போன ஜென்மத்துலதான் நடிகனாகணும்னு ஆசைப்பட்டே. ஆனா, கமல் ஒரு ஜென்மத்துல டான்ஸ் மாஸ்டர், இன்னொரு ஜென்மத்துல அசிஸ்டென்ட் டைரக்டர், வேறொரு ஜென்மத்துல நடிகர், இன்னும் ஒரு ஜென்மத்துல டைரக்டர்னு கடந்த 10 ஜென்மங்களா போராடிட்டு இருக்கான். அதனாலதான் கமலைத் தோளில்வெச்சுக் கொண்டாடுறேன்!’னு சொன்னா. கமல் வாழ்ந்த காலத்தில், கமல் நடித்த காலத்தில் நானும் வாழ்ந்தேன், நானும் நடித்தேன்கிற பெருமையே போதும்!’ என்று படபடவெனத் தன் பாணியில் ரஜினி பாராட்டி அமர, கமல் கண்களில் கண்ணீர்த் திரை.
தொடர்ந்து மேடையில் இருவரும் கட்டியணைத்துக் கண்ணீரில் கரைந்த அந்தக் கணங்கள் நட்பு இலக்கணத்துக்கான அபூர்வ அத்தியாயங்கள்.
ஆனால், அத்தியாயம் அதோடு முற்றுப் பெறவில்லை. விழா முடிந்து வீட்டுக்குச் சென்ற பிறகும் ரஜினியின் மனதில் நீங்காத நினைவலைகள். சட்டென்று முடிவெடுத்து, ஒரு பிரபல ஓவியரிடம் தனது மனதில் தோன்றிய எண்ணத்தைச் சொல்லியிருக்கிறார்.
கலைத் தாய் கமலைத் தன் தோளில் தூக்கிக்கொண்டு சிரஞ்சீவி, மோகன்லால், விஷ்ணுவர்தன், ரஜினி, அமிதாப் பச்சன் ஆகியோரைத் தன் கைப்பிடித்து அழைத்துச் செல்வது போன்ற ஓவியத்துக்கு உயிர் கொடுப்பதுதான் ரஜினியின் திட்டம். குழந்தை உடலில் இவர்களது இளமைக் காலத் தத்ரூப முகங்கள் வர வேண்டுமென்பது மாஸ்டர் பிளான். கமலுக்கு இந்த ஓவியம்பற்றிய தகவல் சென்றுவிடக் கூடாது என்று கண்டிப்பான உத்தரவிட்டிருக்கிறார் ரஜினி. 30 இஞ்ச் அகலமும், 40 இஞ்ச் உயரமுமாக ஓவியம் முழுமையடைந்தபோது ரஜினி முகத்தில் பரம திருப்தி.
கடந்த வாரத்தில் ஒருநாள் கமலுக்கு அந்த அன்புப் பரிசை அனுப்பி இருக்கிறார் ரஜினி. பார்சலைப் பிரித்து ஓவியத்தைப் பார்த்த கமல் நெகிழ்ந்துவிட்டார். சில நிமிடங்கள் ஓவியத்தை உற்றுப்பார்த்தவர் கண்களில் மெல்லிய கண்ணீர்த் திரை. உடனே, ரஜினியைத் தொடர்பு கொண்டார் கமல்.
‘ஹாய் கமல், எப்டி எப்டி? நல்லா இருந்துச்சா? ஆர் யூ ஹாப்பி?’ என்று ஆர்வமும் எதிர்பார்ப்புமாக விசாரித்திருக்கிறார். நெகிழ்வும் மகிழ்வுமாகப் பதில் வார்த்தைகளை உதிர்த்திருக்கிறார் கமல்.
‘சிவாஜி, நாகேஷ் இவங்க ரெண்டு பேர் படம்தான் இதுவரை என் ஆபீஸ்ல மாட்டியிருக்கேன். இனி, ரஜினியின் இந்தப் பரிசுக்கும் என் ஆபீஸ்ல ஓர் இடம் நிரந்தரம்!’ என்று மனம் திறந்திருக்கிறார்.
உயிரைக் குழைத்து வரைந்த அந்த ஓவியம் ரஜினி – கமலின் நட்பின் நினைவுச் சின்னமாக கமலின் அலுவலகத்தில் மின்னிக்கொண்டு இருக்கிறது!
இதோ அந்த ஓவியம்:

அமிதாப்பும் அமைதியானார் : கோவிந்தாவாகும் கொழும்பு விழா

2010-04-27T20:59:00.001-07:00

ஜுன் மாதம் கொழும்பில் நடக்கும் இந்திய திரைப்பட விழாவுக்கு குள்ளமணி, வையாபுரி கூட போக மாட்டார்கள் போலிருக்கிறது.
அப்படி ஒரு எதிர்ப்பை அழுத்தமாக பதிவு செய்திருக்கிறார்கள் இங்குள்ள தமிழ் இன உணர்வாளர்கள். வைகோ, திருமா, சீமான் உள்ளிட்ட பல்வேறு அரசியல் தலைவர்களும் இந்த திரைப்பட விழாவுக்கு தங்கள் எதிர்ப்பை காட்டி வருகிறார்கள்.

ரஜினி, கமல் மட்டுமல்ல, விஜய், அஜீத், பிரகாஷ்ராஜ் ஆகியோர் இந்த அழைப்பிதழை கையால் கூட வாங்க முன்வரவில்லையாம். கொத்து கொத்தாக தமிழர்களை கொன்று குவித்த ராஜபக்சேவின் அழைப்பை ஏற்று கொழும்புக்கு எந்த கலைஞர்களும் செல்லக் கூடாது என்று வேண்டுகோள் விடுத்த அரசியல் தலைவர்களுக்கு பெரும் வெற்றி. அதே நேரத்தில் மும்பையில் இருக்கும் அமிதாப் என்ன செய்வார்?

ராஜபக்சேவிடம் இந்த விழா குறித்து நேரில் விவாதித்துவிட்டு வந்திருக்கும் அவர், கடைசி நேரத்தில் கழன்று கொள்ள இயலுமா? ஆனால் அதற்கெல்லாம் யோசனை வைக்காமல் தனது தொண்டர்களை மும்பைக்கே அனுப்பி முட்டுக்கட்டை போட்டிருக்கிறார் சீமான். இவரது நாம் தமிழர் இயக்கத்தை சேர்ந்த தொண்டர்கள் அமிதாப் வீட்டின் முன் கூடி கோஷம் எழுப்பியிருக்கிறார்கள். போகாதே... போகாதே இலங்கைக்கு போகாதே என்பதுதான் அங்கே எழுப்பப்பட்ட முக்கிய கோஷம். அவர்களை உள்ளே அழைத்த அமிதாப் கோரிக்கைகளுக்கு செவி சாய்த்தாகவும் தகவல்.

போகிற போக்கை பார்த்தால் இலங்கையில் விழா நடக்குமா என்பதே கேள்விக்குறியாக கிடக்கிறது

600 தியேட்டர்களில் சுறா ரிலீஸ்!!

2010-04-27T20:56:00.000-07:00

வரும் ஏப்ரல் 30-ம் தேதி ரிலீசாகிறது விஜய்யின் 50வது படமான, சன் பிக்ஸர்ஸின் சுறா.

விஜய் பட வரலாற்றில் இல்லாத அளவுக்கு 600 திரையரங்குகளில் உலகம் முழுக்க இந்தப் படத்தை வெளியிடுகிறார்கள்.

சென்னை நகருக்குள் மட்டும் 16 திரைகளில் இந்தப் படம் வெளியாகிறது. இதுவரை எந்த விஜய் படமும் சென்னையில் இத்தனை அரங்குகளில் வெளியானதில்லை என்கிறார் விஜய்யின் தந்தை எஸ் ஏ சந்திரசேகரன்.
பாக்ஸ் ஆபீஸ் வசூலைப் பொறுத்தவரை விஜய் மிகத் தெளிவாக உள்ளார். இந்தப் படத்தின் பாடல்கள் ஏற்கெனவே ஹிட் என்பதாலும், போட்டிக்கு வேறு படங்களே இல்லை என்பதாலும் குறைந்தது இரு வாரங்கள் ஓபனிங் நிச்சயம் என்று கூறியுள்ளார் விஜய்.

இந்தப் படத்தின் இயக்குநர் எஸ்பி ராஜ்குமாருடன் மீண்டும் பணிபுரிய விருப்பம் உள்ளதாகவும் கூறியுள்ளார்.

இதற்கிடையே, 3 இடியட்ஸ் படத்தின் தமிழ் ரீமேக்கை காவல்காரன் படம் முடிந்ததும் தொடங்கிவிடத் திட்டமிட்டிருப்பதாகவும், இந்தப் படத்துக்காக விஜய் ப்ரெஞ்ச் தாடி கெட்டப்பில் தோன்றவிருப்பதாகவும் அவருக்கு நெருங்கிய வட்டாரங்கள் தெரிவித்தன.

சிவப்பு மழை படத்திற்கு இலங்கையில் தடை!

2010-04-27T20:53:00.000-07:00

சுரேஷ் ஜோகிம்-மீராஜாஸ்மின் நடிப்பில் வெளிவந்த கின்னஸ் படம் சிவப்பு மழை. 12 நாட்களில் உருவாக்கப்பட்ட படம் இது.

ஒருபுறம் கின்னஸ் சாதனைக்காக எடுக்கப்பட்டாலும், மறுபுறம் ஈழ விடுதலை போராட்டத்தின் வலியையும் சொல்லிய படம் அது. (அதை முழுமையாக சொல்லியிருக்கிறார்களா என்பது வேறு விஷயம்) படத்தின் நாயகன் சுரேஷ் ஜோகிம் ஒரு அவுஸ்திரேலியா ஈழத்தமிழர் என்பதும் இப்படி ஒரு படம் அமைய காரணமாக இருந்தது. தமிழகத்தில் மட்டுமல்ல, உலகமெங்கும் பரவலாக ஓடிக் கொண்டிருக்கும் இப்படத்தை இலங்கையில் வெளியிட தடை விதித்துள்ளது ராஜபக்சேவின் அரசு.

தமிழகத்தில் ஒரு படம் ரிலீஸ் ஆகிற அதே நேரத்தில் கொழும்பு போன்ற நகரங்களிலும் அப்படத்தை வெளியிட ஆர்வம் காட்டுகிறார்கள் விநியோகஸ்தர்கள். தமிழகத்தில் எடுக்கப்படுகிற படங்களுக்கே இந்த வரவேற்பு என்றால் இலங்கையில் நடந்த ஒரு முக்கிய பிரச்சனையை காட்டுகிற படத்துக்கு எப்படி ஒரு வரவேற்பு இருக்க வேண்டும்? ஆனால் அதற்கு வழி கொடுக்காமல் முதலிலேயே இந்த படத்தை வெளியிட முட்டுக்கட்டை போட்டிருக்கிறது அந்த அரசு.

இதை எதிர்த்து போராடுகிற நிலையில் எவரும் இல்லை என்பதால், இலங்கை தவிர பிற இடங்களில் தொடர்ந்து திரையிடும் முயற்சியில் வெற்றி கண்டு வருகிறார் சுரேஷ் ஜோகிம்.

எத்தனை பேரை காதலிப்பது : ப்ரியாமணி கேள்வி

2010-04-27T20:51:00.000-07:00

ப்ரியாமணி தமிழ் படங்களில் நடித்த போது அவர் யாருடன் எல்லாம் ஜோடி சேர்ந்தாரோ அந்தந்த நடிகர்களுடன் எல்லாம் சேர்த்து ஏராளமான கிசுகிசுக்கள் உலா வந்தன.

அவர் தெலுங்கு மலையாளம் என மற்ற மொழி படங்களில் ஒரு ரவுண்டு வந்த போதிலும் ஆங்காங்கே கிசுகிசுவைக் கொளுத்திப் போட்டுவிடுகிறார்களாம்.

‘எந்த நடிகருடன் நடிக்கிறேனோ அவருடன் காதல் என்று கதை கட்ட ஆரம்பித்து விடுகிறார்கள். நான் ஒருத்தி எத்தனை பேரைத்தான் காதலிப்பேனாம்... அட போங்கப்பா நீங்களும் உங்க கிசுகிசுவும்...’ என்று ரொம்பவே அலுத்துக் கொள்கிறார் ப்ரியாமணி

ராவணன் புதிய தகவல்கள்

2010-04-27T20:49:00.001-07:00

இந்தியில் ராவண். தமிழில்...? ராவண், ராவணா, ராவணன், அசோக வனம்... இப்படி அரை டஜன் பெயர்கள் சொன்னார்கள். இறுதியில் ராவணன் என்ற பெயரை டிக் செய்திருக்கிறார் மணிரத்னம்.

இந்தியில் ட்ரெய்லர் வெளியிட்டுவிட்டார்கள். இன்று டி சீ‌‌ரிஸ் படத்தின் ஆடியோவை வெளியிடுகிறது. தமிழில் இதெல்லாம் எப்போது என்று ரசிகர்கள் முணுமுணுக்க‌த் தொடங்கியிருக்கிறார்கள்.

இந்தி ஆடியோ ரைட்ஸை டி சீ‌‌ரிஸ் வாங்கியிருப்பதைப் போல தமிழ் மற்றும் தெலுங்கு ஆடியோ ரைட்ஸை சோனி நிறுவனம் வாங்கியுள்ளது. விரைவில் ஆடியோ வெளியிடப்படும் என்கிறார்களே தவிர உறுதியான தேதி இன்னும் அறிவிக்கப்படவில்லை.

தெலுங்கில் ராவணன் படத்துக்கு மணிரத்னம் வைத்திருக்கும் பெயர் வில்லன்.

ஒளிப்பதிவாளர் மணிகண்டனின் ஈகோ மணிரத்னத்துக்கு ச‌ரிவராததால் படத்தின் பெரும்பாலான காட்சிகளுக்கு சந்தோஷ்சிவனே ஒளிப்பதிவு செய்துள்ளார்.

தற்போது எடிட்டிங் பணிகள் நடந்து வருகின்றன. நான்கு படங்களுக்கு‌‌ரிய ஃபுட்டே‌ஜ் இருப்பதால் பணிகள் மெதுவாகவே நடக்கின்றன. ஜூன் 18 ராவணன், ராவண், வில்லன் மூன்றும் திரைக்கு வருகிறது.

சுஷ்மிதா சென் தத்தெடுத்த பெண் குழந்தை

2010-04-27T20:46:00.000-07:00

1994-ல் உலக அழகி பட்டத்தை வென்றவர் சுஷ்மிதானசென். 1996-ல் 'தஸ்தக்' படம் மூலம் இந்தியில் அறிமுகமானார். ஏராளமான படங்களில் நடித்து முன்னணி நடிகையாக உயர்ந்தார்.

அர்ஜூன் நடித்த 'முதல்வன்' படத்தில் 'சக்கலக்க பேபி சக்கலக்க பேபி லுக்கு விட தோணலையா' என்ற ஒரு பாட்டுக்கு நடனம் ஆடினார். நாகார்ஜூன் ஜோடியாக “ரட்சகன்” படத்தில் கதாநாயகியாக நடித்தார். கமல் எடுக்கும் “மர்மயோகி” படத்தில் இவரை ஒப்பந்தம் செய்துள்ளனர்.

சுஷ்மிதா சென் இன்னும் திருமணம் செய்து கொள்ளவில்லை. அதே நேரம் குழந்தைகள் மீது பிரியம். இதையடுத்து “ரீனி” என்ற பெண் குழந்தையை தத்து எடுத்தார். அக்குழந்தையை தன்னை போல் அழகிப் போட்டிகளில் பங்கெடுக்க செய்ய பயிற்சிகள் அளித்து வருகிறார். தற்போது அலிஷா என்ற இன்னொரு மூன்று வயது பெண் குழந்தையையும் தத்து எடுத்துள்ளார். அக்குழந்தையை மும்பையில் நடந்த நிகழ்ச்சியொன்றுக்கு அழைத்து வந்து பார்வையாளர்களுக்கு காண்பித்தார்.

மாணவ்மேனன் என்பவரை சுஷ்மிதா காதலித்தார். இருவரும் கருத்து வேறுபாடு ஏற்பட்டு பிரிந்துள்ளனர். தனிமையை குழந்தைகளுடன் கழிக்கிறார்.

அண்ணா பர்சனல் கேள்வி வேண்டாம் : நயன்தாரா கெஞ்சல்

2010-04-27T20:43:00.000-07:00

கேள்விய பதிலால அடிக்கறதுன்னு ஒரு வழக்கம் இருக்கு. ஆனா கேள்விய 'வேறொரு விஷயத்தால' அடிக்கிறதுன்னா என்னன்னு தெரியுமா? கொஞ்சம் பெங்களுரு வரைக்கும் வந்தா தெரிஞ்சுரப்போவுது!

கன்னடத்திலும் நடித்து வருகிறார் நயன்தாரா. உபேந்திரா ஜோடியாக இவர் நடித்து வரும் படத்தின் பெயர் கிச்சகா. நயன்தாரா ஷ§ட்டிங் ஸ்பாட்டில் இருக்கிறார் என்றதுமே நிருபர்கள் நெஞ்சை நிமிர்த்திக் கொண்டு ஆஜராகிவிட்டார்கள். கேட்கிற கேள்வியில மனசுக்குள்ளே இருக்கிற பிரபுதேவாவை அந்தம்மா கக்கிரணும் என்கிற மாதிரி முறைப்பு ஒவ்வொரு நிருபரிடமும். (யாரு பெத்த புள்ளய யாரோ பிக்கப் பண்ணுறதுக்கு இவங்களுக்கு ஏன்யா இத்தனை ஆக்ரோஷம்) ஆனால் இவங்க வந்திருக்கறது தெரிஞ்சே கேரவேனை விட்டு இறங்கல நயன்தாரா. தனது உதவியாளரை அனுப்பி ஒவ்வொருத்தரோட பேரு, அவங்க வேலை செய்யுற பத்திரிகை நிறுவனம் எல்லாத்தையும் எழுதி வாங்கிட்டு வரச்சொன்னார்.

லிஸ்ட் கைக்கு வந்ததும், பட்டு பட்டுன்னு வேலைகள் ஆரம்பமாச்சு. கவருக்குள்ளே 'கவுரவத்தை' நிரப்பி, பிரிச்சு பார்க்கிற நிமிடத்திலேயே ஒவ்வொருவரும் பீஸ் பீஸாகிற மாதிரி போட்டு அனுப்புனாராம். விஷயம் அவங்க கைக்கு போயி அரை மணி நேரம் கழிச்சு கீழே இறங்கிய நயன் நிருபர்களிடம், "அண்ணா பர்சனல் கேள்வி வேண்டாம். ப்ளீஸ்" என்ற கூற, அதுக்கு மேல அது பற்றி கேட்க அவங்க என்ன மனசாட்சி இல்லாதவங்களா என்ன?

ஹ‌ரி இயக்கத்தில் தனுஷ்

2010-04-27T20:42:00.000-07:00

ஒரு படம் முடியும் முன்பே அடுத்தப் படத்தை அறிவிப்பதுதான் ஹ‌ரியின் ஸ்டைல். சேவல் சுமாராகப் போனதால் இந்த நடைமுறையில் சின்ன சறுக்கல்.

சூர்யாவை வைத்து இயக்கியிருக்கும் சிங்கம் முடிவடைந்த நிலையில் மீண்டும் பழைய ஃபார்முக்கு திரும்பியிருக்கிறார்.

ஹ‌ரி அடுத்து தனுஷ் நடிக்கும் படத்தை இயக்குகிறார் என்பது அனைவருக்கும் தெ‌ரியும். தாமிரபரணி படத்தை தயா‌ரித்தவர்கள் இந்தப் படத்தை தயா‌ரிக்கிறார்கள். ஹீரோயின் யார் என்பது இன்னும் முடிவாகவில்லை.

கதை இல்லாமல் படமெடுத்தாலும் அ‌ரிவாள் இல்லாமல் படமெடுக்கமாட்டார் என்று ஹ‌ரி பற்றி சொல்வதுண்டு. தனுஷை வைத்து இயக்கும் படத்துக்கு அருவா என்று பெயர் வைத்திருப்பதாகவும் காற்று வாக்கில் வருகின்றன செய்திகள். உண்மையா இது?

நூறு சதவீதம் பொய்யாம். சாமி, கோவில், அருள் என்று பெயர் வைத்தவர் எப்படி அருவா என்ற பெயரை‌த் தேர்ந்தெடுப்பார் என்கிறார்கள் யூனிட்டில். பெண்களுக்குப் பிடிக்கும் நல்ல நாக‌‌ரீகமான பெயராக தேடிக் கொண்டிருக்கிறார்களாம்.

கிடைச்சதும் சொல்லுங்க.

அ‌‌ஜீத் நடிக்க விரும்பும் இயக்குனர்

2010-04-27T20:37:00.000-07:00

அ‌‌ஜீத்தின் அப்ரோச் ஸ்டைலே தனிதான். ஏறக்குறைய நம்ம சூப்பர் ஸ்டார் போல. எதையும் பட்டென்று போட்டுடைப்பது இவர்களின் ஸ்டைல். அரசியல் மட்டும் விதிவிலக்கு.

ஐரோப்பாவில் கார் ரேஸில் பிஸியாக இருக்கும் அ‌‌ஜீத் திடீரென்று இளம் இயக்குனர் ஒருவரை தொடர்பு கொண்டு பேசியிருக்கிறார். ‌ஜி உங்க டைர‌க்சனில் நடிக்கணும். ஸ்கி‌‌ரிப்ட் ரெடி பண்ணுங்க. ஒரே வ‌ரியில் விருப்பத்தை கூறியிருக்கிறார் அ‌‌ஜீத்.

அந்த இயக்குனர், பொல்லாதவனை இயக்கிய வெற்றிமாறன்.

தனுஷ் நடிப்பில் ஆடுகளம் படத்தை முடித்திருக்கும் வெற்றிமாறன் அடுத்து சிம்பு நடிக்கும் படத்தை இயக்குகிறார். அ‌‌ஜீத்தே நேரடியாகப் பேசியதால் சிம்பு படத்தை அவர் தள்ளி வைத்தாலும் ஆச்ச‌ரியமில்லை என்கிறார்கள்.

நலமுடன் வீடு திரும்பினார் லதா ரஜினி

2010-04-27T20:34:00.000-07:00

உயர் ரத்த அழுத்தப் பிரச்சினை காரணமாக சென்னை தனியார் மருத்துவமனையில் அனுமதிக்கப்பட்டிருந்த லதா ரஜினி நேற்று நலமுடன் வீடு திரும்பினார்.

சூப்பர் ஸ்டார் ரஜினிகாந்தின் மனைவியும் கல்வியாளருமான லதா ரஜினிகாந்துக்கு சர்க்கரை நோயும், உயர் ரத்த அழுத்தமும் இருந்து வந்ததாகவும், இரு தினங்களுக்கு முன் நள்ளிரவு 1 மணிக்கு சர்க்கரை நோய் மற்றும் உயர் ரத்த அழுத்தம் காரணமாக அவருக்கு லேசான மயக்கம் ஏற்பட்டதாகவும் கூறப்பட்டது.

உடனடியாக அவரை, சென்னையில் உள்ள ஒரு தனியார் மருத்துவமனையில் அனுமதித்தார்கள். அங்கு அவருக்கு மருத்துவர்கள் சிகிச்சை அளித்தனர்.
ஆஷ்ரம் பள்ளி ஆண்டு விழா பணிகளில் தீவிரமாக இருந்ததால் லதா ரஜினிக்கு இந்த உடல் நலக்குறைவு ஏற்பட்டிருக்கலாம் என்று கூறப்பட்டது.

ரஜினியும், மகள் சௌந்தர்யாவும் அருகிலிருந்து கவனித்துக் கொண்டனர்.
லதா ரஜினியின் உடல் நிலை நேற்று முழுமையாக சீரானது. இதைத் தொடர்ந்து ரஜினி, சௌந்தர்யா உள்ளிட்ட குடும்பத்தினர் லதாவை மருத்துவமனையிலிருந்து வீட்டுக்கு அழைத்துச் சென்றனர்.
தற்போது நலமுடன் ஓய்வில் உள்ளார் லதா ரஜினி என்று போயல் தோட்ட வட்டாரங்கள் தெரிவிக்கின்றன.

சூர்யா என்ன பன்ணினாலும் பிடிக்கும் : மம்தா மோகன்தாஸ்

2010-04-27T20:32:00.000-07:00

சிவப்பதிகாரம் படத்தின் மூலம் மம்தா மோகன்தாஸை தமிழுக்கு அழைத்து வந்தார் கருபழனியப்பன்.

அந்தப் படம் புஸ்ஸாகிவிட அதன்பிறகு, எந்த வாய்ப்பும் கிடைக்காததால் மறுபடியும் தெலுங்க்குப் போனார் மம்தா. அங்கே இவரது ஹாட் கவர்ச்சி ரசிகர்கள் மனதில் ஒரு நிரந்த இடத்தைப் பெற்றுத்தந்துவிட, நாகர்ஜுனாவுடன் இரண்டு படங்கள் நடித்தார்.

இப்போதும மலையாளத்தில் தலைகாட்டி வரும் மம்தா மீண்டும் தமிழ் சினிமாவை நோக்கி படையெடுத்திருக்கிறார். (இங்கதான் கொட்டித் தர்றாங்களாக்கும்) ஆனால் அவரைக் கேட்டால், தமிழ்சினிமா எனக்கு ரொம்பப் பிடிக்கும். கண்டிப்பா இங்கே சாதிப்பேன் என்கிறார்.

இவருக்கு ரொம்ப ரொம்ப பிடித்த ஹீரோ சூர்யாதானம். அவர் என்ன பண்ணிலும் மம்தாவுக்கு ரொம்பப் பிடிக்குமாம்.

அட... சினிமாவிலதாங்க.....

என்ஜாய் வித் குஷ்பு!

2010-04-27T20:30:00.000-07:00

நிகழ்ச்சிக்கு நிகழ்ச்சி வித்தியாசங்களை செய்து வரும் விஜய் டிவி அடுத்து ‘அழகிய தமிழ் மகன்’ என்ற தலைப்பில் ஒரு நிகழ்ச்சியை துவங்க உள்ளது.

இதில் பேச்சிலர்ஸ்க்கு மட்டுமே அனுமதி. இளம் இளைஞர்களை போட்டியில் கலந்து கொள்ள வைத்து அவர்களில் அழகிய தமிழ் மகன் ஒருவருக்கு மகுடம் சூட்ட போகிறது விஜய் டிவி இந்த நிகழ்ச்சிக்கு ஜட்ஜாக பொறுப்பேற்றிருப்பவர் குஷ்பு. இளைஞர் நிகழ்ச்சியில் குஷ்பு... அட ஒரு குட் காம்பினேஷன்தாங்க!

‘இந்தப் போட்டியில் பங்கு பெறும் தமிழ் மகன்கள் அழகுக்கு இலக்கணமாக இருக்கவேண்டுமாம். விஜய் டிவி & குஷ்பு பணியில் அழகின் இலக்கணம் என்னவோ...

தமன்னாவுக்கு கார்த்தி சிபாரிசு

2010-04-27T20:27:00.000-07:00

கார்த்தி தமன்னா இனைந்து நடித்தப்படம் ‘பையா’ இந்தப் படத்தின் சுமாரான வெற்றியைத் தொடர்ந்து மீண்டும் இநத ஜோடி இணைகிறது.

படத்தின் பெயர் சிறுத்தை. இத்தப் படத்தில் கார்த்திக்கு ஜோடியாக நடிக்க முதலில் அனுஷ்காவை அணுகியிருக்கிறார்கள். ஆனால் அவர் தம்மைவிட உயரம் அதிகம் என்று நினைத்தாரோ என்னவோ “அனுஷ்கா வேண்டாம் தமன்னாவை போடுங்கள்...” என்று தயாரிப்பு மற்றும் இயக்குநரிடம் பலமாகவே சிபாரிசு செய்தாராம் இந்த பையா.

ஹீரோ சொன்னா மறுபேச்சு பேசமுடியுமா என்ன...?

ஹீரோவுக்கு ஜோடியாக தமன்னாவையே ஒ.கே. செய்திருக்கிறது இயக்குர் தரப்பு...

நடிகைகள் உடலைக் காட்டினால்தான் படம் ஓடும்!: மல்லிகா ஷெராவத்

2010-04-24T21:40:00.000-07:00

நடிகைகள் போர்த்திக் கொண்டு நடிப்பதால் எந்த நன்மையும் வந்துவிடப் போவதில்லை. படங்கள் ஓட வேண்டுமென்றால் நடிகைகள் உடலை மறைத்து நடிக்கக்கூடாது என்கிறார் மல்லிகா ஷெராவத்.

பாலிவுட்டின் கவர்ச்சிப் புயல் மல்லிகா. தமிழில் கமல்ஹாஸனுடன் தசாவதாரம் படத்தில் கவர்ச்சி வேடத்தில் வந்தார். அதுமட்டுமல்ல, அந்தப் படத்தின் ஆடியோ வெளியீட்டு விழாவில் கவர்ச்சி உடையில் வந்து கதிகலத்தினார்.

போர்த்திக் கொண்டு நடிப்பதை எப்போதும் விரும்பாத மல்லிகா சமீபத்தில் அளித்துள்ள பத்திரிகைப் பேட்டி இது:

இந்தி சினிமா என்னை அத்தனை சீக்கிரம் ஏற்கவில்லை. படிப்பை முடித்ததும் சினிமாவில் நடிக்க ஆசைப்பட்டேன். அதற்கு பெற்றோர் கடும் எதிர்ப்பு தெரிவித்தனர். இதனால் நான் அவர்களை விட்டு பிரிந்து வந்து தனியாக வசித்தேன்.

அப்போது முன்னணி டைரக்டர்கள், தயாரிப்பாளர்களிடம் சென்று வாய்ப்பு கேட்டு நான் பட்ட அவமானம் கொஞ்சமல்ல. அவர்கள் என் முகத்தைப் பார்த்து நடிகைக்கான தகுதி உன்னிடம் இல்லை என்று கூறி நிராகரித்தனர்.

ஆனாலும் நான் முயற்சியை கைவிடவில்லை. என்னிடம் இருந்த நகைகள் அனைத்தையும் விற்று செலவு செய்தேன். அதுவும் காலியான பிறகுதான் போட்டோகிராபர் பரூக் பாட்டியா எனக்கு அறிமுகமானார். அவர் எனது முக அழகுக்கு முக்கியம் தராமல் உடல் தோற்றத்தை மிடுக்காக படம் பிடித்தார்.

அந்த போட்டோக்களுடன் பட நிறுவனங்களுக்கு சென்று வாய்ப்பு கேட்டேன். அப்போது குவாலிஸ் என்ற படத்தயாரிப்பாளர் எனது உடல் அழகைப் பார்த்து வாய்ப்பு கொடுத்தார். படம் ஓரளவு வெற்றி பெற்றது.இதற்கு அடுத்து மர்டர் என்ற படத்தில் நடித்தேன்.

இப்படம் அபார வெற்றி பெற்றதுடன் லட்சக்கணக்கான ரசிகர்களை எனக்கு பெற்றுத் தந்தது.இப்போதெல்லாம் நடிகைகள் உடலை மறைத்து நடித்தால் படம் ஓடாது. இருக்கிற அழகை வெளிக்காட்டினால்தான் ஓடும். ரசிகர்களும் முக அழகை விட உடல் அழகுக்குதான் முக்கியத்துவம் தருகிறார்கள். எனவே போர்த்திக் கொண்டு குடும்பப் பெண்ணாகத்தான் நடிப்பேன் என்றால் இனி வேலைக்காகாது.

எனக்கு யாரும் போட்டியில்லை... நானும் யாருக்கும் போட்டியில்லை.ஐஸ்வர்யா ராய்க்கு முக அழகு நன்றாக உள்ளது. இதே போல் அவரது உடல் தோற்றமும் நன்றாக உள்ளது. எனக்கு யார் மீதும் பொறாமை கிடையாது என்றார்.

நாய் இறந்த சோகம்...நாளெல்லாம் அழுத நமீதா!

2010-04-24T21:36:00.000-07:00

தனது செல்ல நாய் கூஃபி இறந்த சோகம் தாளாமல் ஒரு நாள் முழுக்க அழுது புலம்பினார் நமீதா.அதற்கு மேல் சென்னையில் இருக்கப் பிடிக்காததால் நேற்று மாலை கிளம்பி மும்பை சென்றார்.நமீதா சூரத்திலிருந்தபோது வளர்த்த நாய் இந்த கூஃபி. சென்னையில் அவர் குடியேறியதும் தன் செல்ல நாயையும் கூடவே அழைத்து வந்துவிட்டார்.

சில மாதங்களுக்கு முன் இந்த நாய்க்கு வாத நோய் தாக்கிவிட, உயர்தர சிகிச்சை அளித்து வந்தார் நமீதா. ஆனாலும் நேற்று கூஃபி இறந்துவிட்டது.இதனால் பெரும் சோகத்துக்கு ஆளான நமீதா, நேற்று முழுவதும் யாருடனும் பேசாமல் அழுது கொண்டே இருந்தாராம்.

பின்னர் படப்பிடிப்பையல்லாம் கேன்சல் செய்துவிட்டு, மும்பையிலுள்ள தனது பெற்றோரைப் பார்க்க கிளம்பிச் சென்றார்."கூஃபி இறந்ததை என்னால் தாங்க முடியவில்லை. எனவே கொஞ்ச நாளைக்கு மன ஆறுதலுக்காக அம்மா அப்பாவிடம் இருக்கப் போகிறேன்" என்றார் நமீதா!

ரஞ்சிதாவைப் போல் எல்லா நடிகைகளையும் தப்பாக நினைக்க கூடாது! தமன்னா ஆவேசம்!

2010-04-24T21:31:00.000-07:00

'ரஞ்சிதா தப்பு செய்துவிட்டார் என்பதற்காக எல்லா நடிகைகளையும் தப்பாக நினைக்க கூடாது'' என்று நடிகை தமன்னா கூறினார்.

கார்த்தி தமன்னா ஜோடியாக நடித்து லிங்குசாமி டைரக்டு செய்துள்ள புதிய படம் பையா'. இந்த படத்தை பற்றிய அறிமுக கூட்டம் சென்னை வடபழனியில் உள்ள நட்சத்திர ஓட்டலில் நடந்தது.

அதில் கார்த்தி, தமன்னா, டைரக்டர் லிங்குசாமி, கவிஞர் நா.முத்துக்குமார், ஒளிபதிவாளர் மதி, வசனகர்த்தா பிருந்தாசாரதி, எடிட்டர் ஆன்டனி ஆகியோர் கலந்து கொண்டு செய்தியாளர்களுக்கு பேட்டியளித்தார்கள்.

அப்போது தமன்னாவிடம் நிருபர்கள் கேட்ட கேள்விகளும், அவற்றிற்கு தமன்னா அளித்த பதில்களும் வருமாறு:

கேள்வி: சூர்யாவுடன் அயன் படத்தில் ஜோடியாக நடித்தீர்கள். இப்போது அவர் தம்பி கார்த்தியுடன் பையா படத்தில் ஜோடியாக நடிக்கிறீர்கள் இரண்டு பேரில் காதல் காட்சிகளில் நடிப்பதற்கு சவுகரியமாக இருந்தவர் யார்?

பதில்: அயன் படத்தில் சூர்யாவுடன் முதன்முதலாக ஜோடி சேர்ந்து காதல் காட்சிகளில் நடித்தேன், அவருடன் நடிப்பதற்கு முன்பே நான் அவருடைய ரசிகை. முதன்முதலாக அவருடன் நடிக்கும் போது எனக்கு கொஞ்சம் பதட்டமாகவே இருந்தது. ஆனால் கார்த்தி அப்படியல்ல அவர் எப்போது பார்த்தாலும் தமாஷ் செய்து மற்றவர்களை சிரிக்க வைப்பார். அதனால் அவருடன் நடிக்கும் போது பதற்றமில்லை. காதல் காட்சிகளில் நடிக்கும் போது சவுகரியமாகவே இருந்தது. சூர்யா, கார்த்தி இரண்டு பேருமே நைஸ்'.

கேள்வி: ஆன்மிகத்தில் உங்களுக்கு ஈடுபாடு உண்டா?

பதில்: கோவிலுக்கு போவேன், சாமி கும்பிடுவேன் அதோடு சரி. ஆன்மிகத்தில் மிகையாக ஈடுபாடு கிடையாது.

கேள்வி: சிலநாட்களாக பத்திரிகைகளில் பரபரப்பாக வெளிவரும் நடிகை ரஞ்சிதா விவகாரம் பற்றி உங்கள் கருத்து என்ன?

பதில்: அது, ரஞ்சிதாவின் சொந்த விஷயம். அதுபற்றி நான் கருத்து கூற முடியாது.

கேள்வி: ரஞ்சிதா விவகாரத்தினால் ஒட்டுமொத்த நடிகைகளின் இமேஜ்' பாதிக்கப்படும் என்று கருதுகிறீர்களா?

பதில்: இந்த உலகில் கோடிக்கணக்கான மனிதர்கள் இருக்கிறார்கள் ஒவ்வொருவரும் ஒவ்வெரு மாதிரி எல்லோரையும் ஒரே மாதிரி நினைக்கக்கூடாது. ரஞ்சிதா தப்பு செய்துவிட்டார் என்பதற்காக மற்ற நடிகைகளை தப்பாக நினைக்கக்கூடாது.

கேள்வி: இந்திப்படத்தில் நடிப்பதை சில நடிகைகள் பெருமையாக கருதுகிறார்களே... அதுபற்றி உங்கள் கருத்து என்ன?

பதில்: நான் அப்படி நினைக்கவில்லை. எனக்கு தமிழிலும், தெலுங்கிலும் நிறைய படங்கள் இருக்கிறது. என்வேலை, எனக்கு திருப்தியாக இருக்கிறது என்றார்

நான் சாமியார்களை நம்புவதில்லை-திரிஷா

2010-04-24T21:23:00.000-07:00

எந்த ஆசிரமத்துக்கும் நான் இதுவரை போனதில்லை, சாமியார்களை நம்புவதுமில்லை... கடவுளை மட்டுமே நம்புவேன்'' என்று நடிகை திரிஷா கூறினார்.

விண்ணைத்தாண்டி வருவாயா படத்தின் வெற்றிக்காக பத்திரிகையாளர்களுக்கு நன்றி தெரிவிக்கும் நிகழ்ச்சி சென்னை வடபழனியில் உள்ள கிரீன் பார்க் ஓட்டலில் நடந்தது.இந்த நிகழ்ச்சியில், படத்தின் நாயகன் சிலம்பரசன், திரிஷா, இயக்குநர் கௌதம் வாசுதேவ் மேனன் ஆகியோர் கலந்து கொண்டார்கள்.

இதில் நிருபர்களுக்கு த்ரிஷா அளித்த பேட்டி:

சில நடிகைகள் ஆசிரமத்துக்கு சென்று சாமியாரிடம் ஆசி பெற்று வருகிறார்களே? நீங்கள் எந்த ஆசிரமத்துக்காவது சென்றிருக்கிறீர்களா?

அதில் எனக்கு நம்பிக்கை இல்லை. அதனால் ஆசிரமங்களுக்கு நான் போனதில்லை. இனிமேல் நான் போகமாட்டேன். நான் சாமியைத்தான் நம்புவேன், சாமியார்களை நம்புவதில்லை. கடவுளுக்கும், மனிதர்களுக்கும் வித்தியாசம் இருக்கிறது. அதெப்படி ஒரு சாதாரண மனிதன் கடவுளாக முடியும்... மனிதர்களை கடவுளாக நினைத்து காலில் விழுவதில் எனக்கு உடன்பாடு இல்லை.

விண்ணைத்தாண்டி வருவாயா' படத்தில் முத்தக்காட்சியில் நடித்திருக்கிறீர்களே?

கதைக்கு அது தேவைப்பட்டது. அதனால் நான் நடித்தேன்.படத்தில் சிலம்பரசனைவிட, வயதில் மூத்த பெண்ணாக நடித்திருக்கிறீர்களே?அதற்காக நான் டைரக்டர் கவுதம் வாசுதேவ் மேனனுடன் சண்டை போட்டேன். அவர், என்னை சமாதானப்படுத்தினார். அப்படி ஒரு காம்பினேஷன் நல்ல க்யூட்டாகவும் இருந்தது. அதனால் நடிக்க ஒப்புக் கொண்டேன்.

கேரள கிறிஸ்தவப் பெண்கள் யாரையாவது பார்த்து அவர்கள் பழக்க வழக்கங்களை கற்றுக் கொண்டீர்களா?

இல்லை. கௌதம் மேனன் சொன்னதைக் கேட்டு நடித்தேன். அவர் சொன்ன சில விஷயங்களில் எனக்கு முதலில் சம்மதமில்லை. ஆனால் கடைசியில் அவர் சொன்னதுதான் ஜெயித்தது, என்றார் த்ரிஷா.

ஆப்தரக்ஷகா… கண்கலங்கிய ரஜினி!

2010-04-24T21:20:00.000-07:00

தனது நெருங்கிய நண்பர் கன்னட நடிகர் விஷ்ணுவர்தன் நடித்த கடைசி படமான ஆப்த ரக்ஷகாவை பார்த்து கண் கலங்கினார் சூப்பர் ஸ்டார் ரஜினி.ஏவிஎம் பிரிவியூ திரையரங்கில் இந்தப் படத்தை நேற்று முன்தினம் பார்த்தார் ரஜினி. அவருடன் படத்தின் இயக்குநர் வாசுவும் இருந்தார்.

சில ஆண்டுகளுக்கு முன் ரஜினி நடித்து வெளியான சந்திரமுகி வெளியாகி வசூலிலும், அதிக நாட்கள் ஓடியதிலும் புதிய சாதனையைப் படைத்தது. தமிழ் சினிமாவின் 75 ஆண்டுகளால வரலாற்றில் அதிக நாட்கள் ஓடிய படம் சந்திரமுகி மட்டுமே.விஷ்ணு வர்தன் நடித்த ஆப்தமித்ரா கன்னடப் படத்தின் ரீமேக்தான் சந்திரமுகி.இப்போது ஆப்தமித்ராவின் இரண்டாம் பாகமான ஆப்தரக்ஷகா தயாராகியுள்ளது.

பி வாசு இயக்க விஷ்ணுவர்தன் நடித்துள்ளார். அவர் நடித்த கடைசி படம் இதுவே. இந்தப் படம் முடிந்ததுமே விஷ்ணுவர்தன் மரணமடைந்துவிட்டார்.விமலாராமன், சந்தியா, லட்சுமி கோபாலசாமி, சீனிவாசமூர்த்தி, வினித், கோபால்குமார் ஆகியோரும் நடித்துள்ளனர். இந்த இரண்டாம் பாகத்தை சந்திரமுகியின் தொடர்ச்சியாக எடுக்க வேண்டும், அதில் ரஜினி நடிக்க வேண்டும் என விரும்பினார் வாசு. ஆனால் இதற்கு ரஜினி ஆரம்பத்திலிருந்தே பிடிகொடுக்காமல் இருந்தார்.

கருத்து எதுவும் கூறவில்லை அவர். ஆனால் இந்தப் படம் எப்படி வந்திருக்கிறது என்று தெரிந்து கொள்வதில் மிகுந்த ஆர்வம் காட்டினார் ரஜினி.இந்த நிலையில், இந்த படத்தை ரஜினிக்கு சென்னை ஏ.வி.எம். ஸ்டூடியோவில் உள்ள பிரிவியூ தியேட்டரில் சிறப்பு காட்சியாக திரையிட்டுக் காட்டினார்கள். படத்தைப் பார்த்து முடித்ததும் இயக்குநர் பி வாசுவை கட்டித் தழுவிப் பாராட்டிய ரஜினி, ‘ரொம்ப பிரமாதம்பா’ என்று புகழ்ந்தார்.குறிப்பாக கடைசி 10 நிமிட காட்சிகளில் உணர்ச்சிப்பூர்வமாக இருந்தது படம் எனப் பாராட்டினார்.

சந்திரமுகி பாகம் -2 அல்லது வேட்டையன் என்ற பெயரில் இந்தப் படத்தை தமிழில் எடுக்க பி வாசு திட்டமிட்டுள்ளார்.இந்தப் படத்திலும் ரஜினி நடிக்க வேண்டும் என்று வாசு தன் விருப்பத்தை மீண்டும் கூற, ரஜினி முடிவு எதுவும் சொல்லாமல், வாசுவை தட்டிக் கொடுத்துவிட்டு சென்றுவிட்டாராம்.ரஜினி படம் பார்த்த பிறகு, சிவாஜி பிலிம்ஸ் உரிமையாளர்கள் பிரபு, ராம்குமார் ஆகியோருக்கும் ஆப்த ரக்ஷகா திரையிட்டுக் காட்டப்பட்டதாம். படத்தைப் பார்த்து வாசுவைப் பாராட்டினார் ராம்குமார்.‘அண்ணன் (ரஜினி) சரின்னா, இப்பவே பூஜைக்கு நாங்க தயார்’ என்றார் பிரபு.அண்ணன் முடிவு என்னவோ..!

மீண்டும் கார் ரேஸ்… பயிற்சியில் பங்கேற்ற அஜீத்!

2010-04-24T21:16:00.000-07:00

நடிகர் அஜீத் மீண்டும் கார் பந்தயத்தில் பங்கேற்கிறார். இதற்காக இன்று வெள்ளிக்கிழமை இருங்காட்டுக்கோட்டையில் நடந்த பயிற்சியில் அவர் பங்கேற்று கார் ஓட்டினார். அதைக் காண ஏராளமான ரசிகர்கள் குவிந்திருந்தனர்.கார் பந்தயத்தில் மிகுந்த ஈடுபாடு கொண்டவர் அஜீத். நடிப்பைவிட கார் பந்தயத்தையே அதிகம் விரும்பிய அவர், ஒரு கட்டத்தில் 6 மாதங்கள் நடிப்பு, 6 மாதங்கள் ரேஸ் என்று அறிவித்தார்.

ஆனால் படங்கள் தொடர்ந்து அடிவாங்க, கோடம்பாக்கத்தில் இடத்தைத் தக்கவைப்பதே முக்கியம் என அவருக்கு நெருக்கமானவர்கள் அறிவுரை கூறினர்.இதனால் எப்போதாவது ஆசைக்கு ஒரு முறை ரேஸ் கார்களை ஓட்டிப் பார்த்துக் கொள்வார். அந்த வகையில் மீண்டும் ஒரு முறை கார் பந்தயத்தில் பங்கேற்கிறார் அஜீத்.எம் ஆர் எப் சேலன்ஞ் 2010 என்ற பெயரில் வரும் பிப்ரவரி 14 காதலர் தினத்தன்று இருங்காட்டுக் கோட்டையில் சிறப்பு கார் பந்தயம் நடக்கிறது.

இதற்கான ‘வார்ம் அப் போட்டி’ இன்று வெள்ளிக்கிழமை சென்னை மோட்டார் ரேஸ் ட்ராக்கில் நடந்தது. அஜீத் இந்த போட்டியில் பங்கேற்று 1600 சிசி எம்ஆர்எப் பார்முலா காரை ஓட்டினார். அவருக்கு எம்ஆர்எப் பிராண்ட் அம்பாஸிடர் நரேன் கார்த்திகேயன் மற்றும் அஸ்வின் சுந்தர் ஆகியோர் உதவினர்.ஞாயிற்றுக் கிழமையன்று நடக்கும் இறுதிப் போட்டியில் அஜீத்தும் பங்கேற்கிறார் என எம்ஆர்எப் செய்திக் குறிப்பு கூறுகிறது.

இந்த இறுதிப் போட்டியின் உணவு இடைவேளையில் பிரபல பாடகர்கள் ஷாலினி சிங் மற்றும் கார்த்திக் பாடுகிறார்கள்.ஆக.. வருகிற ஞாயிற்றுக்கிழமை காதலும் ஆக்ஷனும் கலந்த தினமாக இருக்கும், சென்னை ரசிகர்களுக்கு!

ரஞ்சிதா தலைமறைவினால் மணிரத்னம் அப்செட்

2010-04-24T21:08:00.000-07:00

நித்யானந்தா செக்ஸ் விவகாரத்தில் அடிபட்டு திடீரென்று நடிகை ரஞ்சிதா காணாமல் போனதில், ஏக அப்செட்டில் இருக்கிறார் மணிரத்னம். காரணம் விரைவில் வெளியாக உள்ள அவரது ராவணன் படத்தில் ரஞ்சிதா முக்கிய வேடத்தில் நடிக்கிறார். இன்னும் சில காட்சிகள் பாக்கியிருக்கும் நிலையில் ரஞ்சிதா தலைமறைவாகிவிட்டதால், ஏற்கெனவே பல சோதனைகளைச் சந்தித்த மணிரத்னம் டென்ஷனின் உச்சத்துக்கே போய் விட்டாராம்.

ரஞ்சிதா 1992ல் பாரதிராஜா இயக்கிய நாடோடி தென்றல் படம் மூலம் கதாநாயகியாக அறிமுகமானார். விஜயகாந்துடன் பெரிய மருது, அர்ஜுனுடன் கர்ணா, ஜெய்ஹிந்த் உள்ளிட்ட பல படங்களில் நடித்து பிரபலமானார். ரஞ்சிதாவின் தந்தை ஒரு ராணுவ அதிகாரி. எனவே தந்தையைப் போலவே ராணுவத்தில் பணியாற்றும் ராகேஷ் மேனன் என்பவரை திருமணம் செய்து சினிமாவுக்கு முழுக்கு போட்டார்.

கணவருடன் சந்தோஷமாக குடும்பம் நடத்திய அவர் சமீபத்தில் அவரைப் பிரிந்து தனியாக சென்னையில் வசித்தார். இங்கு அவருக்கு 3 வீடுகள் உள்ளனவாம். இரண்டு வீடுகளை வாடகைக்கு விட்டு விட்டு, ஹபிபுல்லா சாலை வீட்டில் வசித்தார் ரஞ்சிதா. திருமணத்துக்குப் பின் மீண்டும் சில படங்கலில் நடித்தார். சினிமாவில் அவரை அறிமுகப்படுத்திய பாரதிராஜாவின் தெற்கத்தி பொண்ணு டி.வி. தொடரிலும் நடித்தார். மணிரத்னம் இயக்கும் ராவணன் படத்தில் நடித்துக் கொண்டிருக்கிறார்.

கணவருடன் மோதல் என்றும் பணக்கஷ்டத்தில் இருக்கிறார் என்றும் அதனால்தான் நடிக்க வந்துள்ளார் என்றும் அவரைப்பற்றி செய்திகள் வெளியான போது, அவற்றை ஒரேடியாக மறுத்த ரஞ்சிதா, “எனது கணவருடன் சண்டையும் இல்லை. எனக்கு பணக் கஷ்டமும் இல்லை. கணவர் சம்மதத்தோடுதான் நடிக்க வந்தேன். வில்லி வேடங்களில் கூட நடிக்கத் தயாராக இருக்கிறேன்” என்றார். இந்நிலையில்தான் சுவாமி நித்தியானந்தாவுடன் இணைத்து பரபரப்பான படங்கள் வெளிவந்துள்ளன. இந்தக் காட்சிகளால் தமிழ் திரையுலகினர் அதிர்ச்சி அடைந்துள்ளனர்.

குறிப்பாக இந்த சம்மரில் ராவணாவை வெளியிடும் நோக்கத்தில் பரபரப்பாக இயங்கிவரும் மணிரத்னம் ராவணா பட விஷயமாக ரஞ்சிதாவைத் தொடர்பு கொள்ள முடியாததால் டென்ஷனில் இருக்கிறார். ரஞ்சிதா விவகாரம் படத்தை பாதித்துவிடுமோ என்றும் கவலையில் உள்ளார். காரணம் இது மணிரத்னத்தின் சொந்தப்படம். ரஞ்சிதா விவகாரத்தோடு சேர்த்து 14 பெரிய பிரச்சினைகளை ராவணா படம் எதிர்கொண்டுள்ளதாம்

சிம்புவை முத்தமிட்டது தவறல்ல: திரிஷா

2010-04-24T21:05:00.001-07:00

சிம்பு திரிஷா முத்தக்காட்சி விண்ணைத்தாண்டி வருவாயா படத்தில் இடம் பெற்றுள்ளது. தொடர்ந்து முத்தக்காட்சிகளில் நடிப்பீர்களா என்று திரிஷாவிடம் கேட்டபோது அவர் கூறியதாவது:

முத்தக்காட்சிகளில் நடிப்பதில் எனக்கு எந்த பிரச்சினையும் இல்லை. கதைக்கு தேவை என்பதால் சிம்புவை முத்த மிட்டேன். அதில் தவறல்ல.இது போன்ற காட்சிகள் கதையை பொறுத்தும் டைரக்டர் விருப்பத்தை பொறுத்தும் அமைகின்றன. இயக்குனர் சொல்படி நான் நடிக்கிறேன்.

திரையுலகில் ஒரு நிலையை எட்டி விட்டேன். முத்த காட்சிகள், நீச்சல் உடை காட்சிகளில் நடிக்க மறுத்தால் தகுதி குறைவாக ஆகிவிடும்.
விண்ணைத்தாண்டி வருவாயா படத்தில் என் கேரக்டரை பாராட்டி மெயிலில் வாழ்த்துக்கள் குவிகின்றன. அவர்களுக்கெல்லாம் பதில் அனுப்பி வருகிறேன். நிறைய படங்களில் நடித்துள்ளேன்.

இதற்கு முன் இவ்வளவு பாராட்டுகள் வந்ததில்லை.“ஜெஸ்சி” போன்ற கதாபாத்திரங்கள் அமைவது அபூர்வமானது.ரவிதேஜாவுடன் தெலுங்கு படத்தில் நடிக்க அழைத்தனர். நானும் சம்மதித்தேன். ஆனால் அதற்கு மொத்தமாக நிறைய நாட்கள் கால்ஷீட் கேட்டனர். வேறு படங்களில் நடிக்க வேண்டி இருப்பது பற்றி சுட்டி காட்டினேன். பிறகு அப்படத்தில் இருந்து விலகி விட்டேன்.

எனக்கு பதில் ஸ்ரேயாவை ஒப்பந்தம் செய்து இருப்பது பற்றி எனக்கு தெரியாது.கமல் என்னை அழைத்து யாவரும் கேளிர் பட கேரக்டர் பற்றி சொன்னார். அப்படத்தில் நான் வித்தியாசமாக தெரிவேன். என் உடைகளை புதிய ஆடை வடிவமைப்பாளரை வைத்து தயார் செய்கிறார்கள். கமல் எதையும் கச்சிதமாக செய்யக்கூடியவர். படப்பிடிப்புக்கு செல்வதற்கு முன்பே தயார்படுத்திக்க சொல்வார்.

200 ஆண்டுகளுக்கு முந்தைய 'தேவலீலை'!

2010-04-24T21:03:00.000-07:00

200 ஆண்டுகள் பின்னோக்கி எடுக்கப்படும் திகில் கலந்த மாயாஜால சினிமா வான 'தேவலீலை' முற்றிலும் மனித நடமாட்டம் இல்லாத பகுதிகளில் படமாக்கப்பட்டு வருகிறது.உலக சக்தி அனைத்தும் தனக்கே வரவேண்டும் என்று ஒருவன் தவமிருந்து பெறுகிறான்.

அவனுடைய தகாத செய்கையால் ஒரு சாபம் பெறுகிறான்.பவுர்ணமி இரவுக்குள், அவன் ஒரு வேலையை செய்தாக வேண்டும். அப்போதுதான் இருக்கிற சக்திகளை தக்கவைத்துக் கொள்ள முடியும். தவறினால் எல்லாம் பறிபோய்விடும் என்ற நிலை.இதை அவன் செய்து முடித்தானா இல்லையா என்பதை கிளைமேக்சாக வைத்து தேவலீலை படத்தை உருவாக்கி வருகின்றனர்.

200 ஆண்டுகள் பின்னோக்கிச் சென்று எடுக்கப்படும் இப்படத்தின் படப்பிடிப்புகள் மனித நடமாட்டம் இல்லாத பகுதிகளில் மட்டுமே நடக்கிறது.சிருங்கேரி, தர்மஸ்தலா, குதிரைமுக்கு, செஞ்சி, சித்தூர், பெங்களூர் ஆகிய ஊர்களுக்கு அருகில் உள்ள மலைகள், காடுகள் அடர்ந்த பகுதிகளில் படப்பிடிப்பு நடந்து வருகிறது.கதையின் நாயகன் தனக்குமார். நாயகிகள் ரூபா பட், கவிதா, ஸ்வேதா, புஷ்பா நாயக், சுனிதா என மொத்தம் ஐந்து பேர்.

நாயகன் கூடுவிட்டு கூடு பாய்வது போன்ற கிராபிக்ஸ் காட்சிகளும் உண்டாம்.கதை-திரைக்கதையை துளசி எழுதியுள்ளார். ஒளிப்பதிவு-இயக்கம், கிருஷ்ணா-பிரபாகர். இசை, துர்கா. தமிழ், தெலுங்கு ஆகிய 2 மொழிகளில் இப்படம் தயாராகிறது.

விண்ணைத்தாண்டி வருவாயா - விமர்சனம்

2010-04-24T20:59:00.000-07:00

காதல் நம்மை அடிக்கணும் என்பது விண்ணைத்தாண்டி வருவாயா ஹீரோவின் பாலிசி. கௌதமின் இந்தப் படமும் நம்மை அடிக்கிறது... முதலில் காதலாக இறுதியில் சோகமாக.

கார்த்திக் (சிம்பு)சினிமாவில் இயக்குனராகும் லட்சியத்தில் இருக்கும் இன்‌ஜினிய‌ரிங் பட்டதா‌ரி. ஸ்லோமோஷனில்ஒரு துண்டு நீல மேகமாக கடந்து செல்லும் ஜெஸ்ஸியைப் (த்‌ரிஷா) பார்த்ததும்கார்த்திக்குக்கு அவர் மீது காதல் வருகிறது.

மலையாளியான அவர்கள் வீட்டில்தான் கார்த்திக் குடிவந்திருக்கிறார். பின்தொடர்தல், நட்பாக இருப்போம் என்ற நழுவல்களை கடந்து இருவரும் காதலிக்கிறார்கள். இவர்கள் காதலுக்கு குறுக்கே தடையாக வருகிறது இனமும், மதமும். இந்த‌த் தடையை காதலர்களால் தாண்ட முடிந்ததா இல்லையா என்பது கதை.

இதனை தனது புத்திசாலித்தனமான திரைக்கதையில் கொஞ்சம் குழப்பமாகவே முடித்திருக்கிறார் கௌதம்.சிம்புவுக்கு லைஃப் டைம் கேரக்டர். அலட்டாமல் பொறுப்பு உணர்ந்து நடித்திருக்கிறார். த்‌ரிஷா மீது கண்டதும் காதல் கொள்வதும், ரயிலில் தனிமையில் த்‌ரிஷாவை தன்வயப்படுத்துவதும் ரசிக்க வைக்கும் காட்சிகள்.

அமெ‌ரிக்காவில் த்‌ரிஷாவிடம்தனது காதலியை விவ‌ரிக்கும் இடத்தில் சிம்பு வாங்குவது டிஷ்டிங்சன். அசத்தலான காட்சி, அருமையான நடிப்பு.யாரையும் ஒருமுறை காதலிக்க‌த் தூண்டும் கதாபாத்திரம்த்‌ரிஷாவுக்கு. மலையாள கிறிஸ்தவ பெண் வேடத்தில் கச்சிதமாகப் பொருந்துகிறார். காதலில் உருகுவதும், அப்பாவின் பேச்சை தட்ட முடியாமல் தடுமாறுவதும் த்‌ரிஷாவுக்கு இயல்பாக வருகிறது.

காதல் காரணமாக திருமணத்தை நிறுத்துகிறவர் சிம்புவை விட்டு பி‌ரிந்து செல்வதை ஏற்க முடியவில்லை. தாலிகட்டும் நேரத்தில் அவர் திருமணத்தை நிறுத்தியதை அவரது வீட்டில் ஜஸ்ட் லைக் தட் எடுத்துக் கொள்வதும் ஆச்ச‌ரியம். இவர்கள்இருவர் தவிர படத்தில் கவரும் இன்னொருவர் ஒளிப்பதிவாளராக வரும் கணேஷ்.

இயல்பாக இவர் அடிக்கும் கமெண்ட்களுக்கு ரசித்து சி‌ரிக்கிறதுதிரையரங்கு. ஹீரோவுக்குப் பின்னால் ஒட்டிக் கொண்டு அலையும் நண்பர்களுக்குப் பதில் இவரை இணைத்திருப்பது இயக்குன‌ரின் புத்திசாலித்தனம்.இவரது பணத்தில்தான் சிம்பு த்‌ரிஷாவைத் தேடி ஆலப்புழா செல்கிறார். அந்தவகையில்படத்தின் லா‌ஜிக்குக்கும் உதவியிருக்கிறார்.

அதிசயிக்கத்தக்க காதல் சிச்சுவேஷன் எதுவும் இல்லாமல் வசனங்களின் மூலமே காட்சிகள் நகர்கின்றன. நீ என்னைவிட ஒரு வயசு சின்னவன். தம்பின்னு வீட்ல சொன்னா யாரும் தப்பா நினைக்க மாட்டாங்க என்று சிம்புவை த்‌ரிஷா கலாய்க்கும் இடம், ஆலப்புழையில் இருவரும் சந்திக்கும் இரவு‌க் காட்சி என முக்கியமான அனைத்துக் காட்சிகளும் வசனங்கள் மூலமே வண்ணமாக்கப்படுகிறது. முக்கியமாக திருமணத்தை நிறுத்திய அன்று த்‌ரிஷா, சிம்புசந்திக்கும் அந்த பௌர்ணமி இரவு.

தமிழ் சினிமாவின் சிறந்த பத்து காதல் காட்சிகளை தேர்வு செய்தால் இதற்கும் நிச்சயம் இடமிருக்கும்.ஆண்டனி பாபு வழக்கமான காதலைஎதிர்க்கும் அப்பா. அதேபோல் வழக்கமான ஒரு அண்ணனும் த்‌ரிஷாவுக்குஇருக்கிறார். தவிர்த்திருக்கலாம். த்‌ரிஷாவின் காஸ்ட்யூம் டிஸைனருக்கும், இயக்குனருக்கும் ஸ்பெஷல் பாராட்டுகள். மனோ‌ஜ் பரமஹம்சாவின் ஒளிப்பதிவில் காட்சிகள் ஒவ்வொன்றும் கவிதை.

குறிப்பாக ஆலப்புழா காட்சிகள். ஒருமுறை தங்கிவரலாம் என்று யாரையும் ஆசைப்பட வைக்கும்.படத்தின் மிகப் பெ‌ரிய ப்ளஸ் இசை. பாடல்கள் பின்னணி இசை இரண்டும் அற்புதம். ஓசானா பாடல் எழுந்து ஆட வைக்கும் புத்துணர்ச்சி. எடிட்டர் படத்தின் இரண்டாம் பகுதியில் ‌ரிலாக்ஸாக இருந்திருக்கிறார். கொஞ்சம் கத்தி‌ரி போட்டிருக்கலாம்.தனது காதல் கதையை சிம்பு திரைப்படமாக எடுக்கும் யுக்தி பாராட்டுக்கு‌ரியது என்றாலும், சிம்புவும், த்‌ரிஷாவும் இணைந்துவிட்டது போல் காட்டி இறுதியில் 90 டிகி‌ரியில் கதையை மாற்றுவது சின்ன தடுமாற்றம்.

சின்னச் சின்ன குறைகளை மீறிஇந்தக் காதல் நம்மை ஈர்க்கவே செய்கிறது. விண்ணைத்தாண்டி வருவாயா... விருப்பத்துக்கு‌ரிய தேர்வு.

ஸ்டீபன் ஸ்பீல்பெர்கின் புதிய படம்

2010-04-24T20:57:00.000-07:00

ஸ்டீபன் ஸ்பீல்பெர்கின் ட்‌ரீம் வொர்க்ஸ் ஸ்டுடியோஸ் அடுத்து வார் ஹார்ஸ் என்ற படத்தை தயா‌ரிக்கிறது.அனில் திருபாய் அம்பானியின் பிக் பிக்சர்ஸ் இதன் ஒரு பார்ட்னர் என்பது குறிப்பிடத்தக்கது.

வார்ஹார்ஸ் - போர் குதிரை - 1982ல் MichaelMorpurgo எழுதிய நாவல். முதலாம் உலகப் போ‌ரின் பின்னணியில் ஒரு சிறுவனுக்கும் குதிரை ஒன்றுக்கும் நடுவில் உள்ள நட்பை சொல்லும் கதையிது. இதை படித்தது முதல் படமாக்க வேண்டும் என்று விரும்பியதாகஸ்பீல்பெர்க் தெ‌ரிவித்துள்ளார்.

படத்தின் திரைக்கதையை லீ ஹாலுடன் இணைந்து ஸ்பீல்பெர்க் எழுதுகிறார். படத்தை அவரே இயக்குவாரா இல்லை வேறு யாரேனும் இயக்குவார்களா என்பது இன்னும் அறிவிக்கப்படவில்லை.

referred at : http://tamil.webdunia.com/entertainment/film/fromhollywood/0912/22/1091222083_1.htm

புதிய மர்லின் மன்றோ

2010-04-24T20:55:00.000-07:00

இறந்து இத்தனை வருடங்கள் ஆன பிறகும் மர்லின் மன்றோவின் புகழ் அப்படியேதான் இருக்கிறது. மர்லினின் வாழ்க்கையை பிரதிபலிக்கும் மை வீக் வித் மர்லின் என்ற படம் ஹாலிவுட்டில் தயாராகிறது.

மர்லின் நடித்த படத்தின் அசிஸ்டெண்ட் டைரக்டர் எழுதிய நாட்குறிப்பை அடிப்படையாக வைத்து இந்தப் படம் உருவாகிறது.மர்லின்மன்றோவாக நடிக்க ஸ்கேர்லெட் ஜான்சன், லிண்ட்ஸே லோகன் போன்ற பிரபலங்களின் பெயர்கள் ப‌ரிசீலிக்கப்பட்டன. இறுதியில் அந்த வாய்ப்பை தட்டிப் பறித்தவர், மிச்செல் வில்லியம்ஸ். மை வீக் வித் மர்லின் படத்தின் இயக்குனரும், தயா‌ரிப்பாளரும்மிச்செலின் பெயரை தேர்வு செய்திருந்தாலும், இதுவரை அவர் மர்லின் வேடத்தில்நடிக்க சம்மதம் தெ‌ரிவிக்கவில்லையாம்.

மிச்செல் சமீபத்தில் மரணமடைந்த ஹீத் லெட்ஜ‌ரின் முன்னாள் மனைவி என்பது குறிப்பிடத்தக்கது.

referred at : http://tamil.webdunia.com/entertainment/film/fromhollywood/0912/08/1091208103_1.htm

அஜீத் - கவுதம் மேனன் புதிய படம் 'துப்பறியும் ஆனந்த்'!

2010-04-24T20:49:00.000-07:00

அஜீத் - கவுதம் மேனன் கூட்டணி உருவாக்கும் படத்துக்கு துப்பறியும் ஆனந்த் என்று பெயர் சூட்டப்பட்டுள்ளது.அஜீத் நடித்த அசல் படம் சமீபத்தில் வெளியாகி, ஓடிக் கொண்டிருக்கிறது. இந்த நிலையில், முதல்வருக்கு நடந்த பாராட்டு விழாவில் அஜீத் பேசிய விவகாரம் பெரும் பிரச்சினையானது.

இதனால் தனது 50வது படம் குறித்து எந்த அறிவிப்பும் வெளியிடாமல் இருந்தார் அஜீத். இப்போது பிரச்சினைக்கு முதல்வரே முற்றுப்புள்ளி வைத்துவிட்டதால், தனது 50 வது பட வேலைகளில் பிஸியாகியுள்ளார் அஜீத்.இந்தப் படத்தை முதல்வர் கருணாநிதியின் பேரனும் மத்திய அமைச்சர் அழகிரியின் மகனுமான தயாநிதி அழகிரிதயாரிக்கிறார்.

கவுதம் வாசுதேவ மேனன் இயக்குகிறார். ஏஆர் ரஹ்மான் இசையமைப்பார் என்று தெரிகிறது.படத்துக்கு துப்பறியும் ஆனந்த் என தலைப்பிடப்பட்டுள்ளது. விரைவில் இந்தப் படம் குறித்து அதிகாரப்பூர்வமான அறிவிப்பு வெளியாக உள்ளது.

தடுக்கி விழுந்தார் வடிவேலு!

2010-04-09T11:22:00.000-07:00

பில்டிங் ஸ்டிராக், பேஸ்மென்டுதான் கொஞ்சம் வீக் என்று எந்த நேரத்தில் சொல்ல ஆரம்பித்தாரோ, வடிவேலுவின் பேஸ்மென்ட் ரொம்பதான் ஆட்டம் கண்டிருக்கிறது.

பல கோடிகளை .சுருட்டி விட்டதாக தன் நிழல் மாதிரி இருந்தவர்கள் மீதே குற்றம் சுமத்த வேண்டிய அளவுக்கு ஏமாந்த சோனகிரியாகிவிட்டார் வைகைப்புயல். நல்லவேளையாக இதில் தலையை நுழைத்த ஒரு சில பெரிய மனிதர்கள் இரண்டு பேரையும் நெருங்க வைத்துக் கொண்டிருக்கிறார்களாம்.

போகிற போக்கை பார்த்தால் இந்த காம்பினேஷனை மீண்டும் ஒரு படத்தில் நாம் கண்ணார காணக் கூடும் என்கிறார்கள். நல்ல விஷயம்தான்.

நாம் சொல்லப் போவது நிஜமாகவே அவரது பேஸ்மென்ட் வீக்கை பற்றி! சுறா படத்தின் ஆடியோ வெளியீட்டு விழா லேடி ஆண்டாள் பள்ளியில் சில தினங்களுக்கு முன் நடந்தது. அந்த விழாவில் கலந்து கொண்ட வடிவேலு திடீரென்று ஒயர் தடுக்கி கீழே விழ, அத்தனை பேருக்கும் அதிர்ச்சி.

நாலைந்து கேமிராவை வைத்து நிகழ்ச்சியை படம் பிடித்துக் கொண்டிருந்தார்கள். மேடையில் இவரது பெயரை சொன்னதும் ஆர்வத்தோடு எழுந்து ஓடிய வடிவேலு, கீழே தரையில் கிடந்த கேமிரா ஒயர்களை கவனிக்கவில்லை. அப்படியே சாஷ்டாங்கமாக கீழே விழுந்தார். நல்லவேளையாக முகத்தில் காயம் ஏதுமில்லை.

விழுந்த வேகத்தில் எழுந்த வடிவேலு, ஒன்னும் சதியில்லையே... என்று கேட்டு சிரித்துவிட்டு அதே வேகத்திலேயே மீண்டும் மேடைக்கு ஓடினார்.