சினிமா

அட்டு என்றால் யாருக்கும் அடங்காதவன் என்பதுதான் பொருளாம். அப்படி யாருக்கும் அடங்காத ஒருத்தனைப் பற்றிய கதையை பிலிமுக்குள் அடக்கப் போகிறோம்... என்று மார் தட்டாத குறையாக பேசிக்கொள்கிறது இந்தப் படக்குழு. படத்தை இயக்குபவர் ஸ்டீவன். இவர் ஏற்கனவே பல விளம்பரங்களையும் குறும்படங்களையும் இயக்கியுள்ளார். இப்போது, இந்தப் படத்தின் மூலம் அறிமுகம் ஆகிறார். படத்தில் நடிப்பவர்கள் எல்லாருமே புதுமுகங்கள். (அதுதானே இப்போது லேட்டஸ்ட் டிரண்ட்) போபோ சசி இந்தப் படத்திற்கு இசை அமைக்கிறார். ஆண்ட்ஸ் ஒர்க்ஸ் நிறுவனம் இந்தப் படத்தைத் தயாரிக்கிறது. படங்களுக்குப் பெயர் வைக்கும் போதே அதற்கான பொருளையும் நம் இயக்குநர்கள் சொல்லி விடுவதால் தமிழ் படங்களுக்கு அளிக்கப்படும் சலுகையை இந்தப் படங்கள் மிஸ் பண்ணுவதில்லை...