சினிமா

வர வர நம் இயக்குநர்கள் போகிற போக்கில் படங்களுக்குப் பெயர் வைத்துவிட்டுப் போய்விடுகிறார்கள். அட்டு என்று ஒரு படத்திற்கு பெயர் வைத்திருக்கிறார்கள். இதற்கு தமிழ் விளக்கத்தையும் அவர்களே தருகிறார்கள்.

வீட்டு வசதி வா‌ரியத்திடமிருந்து விஜய் வாங்கிய நிலம் தொடர்பாக விஜய்க்கு நீதிமன்றம் நோட்டீஸ் அனுப்பியுள்ளது. இதுபற்றி விஜய் சார்பாக அவரது தந்தை எஸ்.ஏ.சந்திரசேகரன் விளக்கம் அளித்துள்ளார்.


உதயம் திரையரங்குக்கு எதிரே உள்ள நிலத்தை வீட்டு வசதி வா‌ரியம் ஏலம் விட்டது. அந்த நிலத்தை ஏலத்தில் வாங்கி விஜய் ஜோசப் என்ற எனது சொந்த பெய‌ரில் ‌ப‌திவு செய்தேன். ஆனால், அதற்கு அருகில் இருக்கும் திருமண மண்டபத்தையும் நான் வாங்கிவிட்டதாக சிலர் புரளி கிளப்புகிறார்கள்.


நான் வாங்கிய இடத்தில் பறக்கும் ரயில் திட்டம் வர இருப்பதால் அதற்குப் பதிலாக வேறு இடத்தை வீட்டு வசதி வா‌ரியம் அளித்தது. அதில்தான் பிரச்சனை ஏற்பட்டிருக்கிறது. அதனை நான் சட்ட‌‌‌ப்படி எதிர்கொள்வேன்.


இவ்வாறு அந்த விளக்கத்தில் கூறப்பட்டிருந்தது.


விஜய்க்கு தேசிய அளவில் புகழ் அதிக‌ரித்து வருகிறது. அதை பொறுக்க முடியாத சிலர் கிளப்பிவிடும் வீண் வதந்திகள் இவை என்று தெ‌ரிவித்தார் எஸ்.ஏ.சந்திரசேகரன்.

பூக்கடை ரவி படத்துக்குப் பிறகு நரேன் நடிக்கும் படம், தம்பிக்கோட்டை. அம்மு ரமேஷ் என்பவர் இதை இயக்குகிறார்.

இவர் ஜெயம் ராஜாவிடம் உதவியாளராக பணியாற்றியவர். பூனம் ப‌ஜ்வா நரேன் ஜோடியாக ஒப்பந்தம் ஆகியுள்ளார். இவர்களுடன் பிரபு, வடிவேலு ஆகியோரும் முக்கியமான வேடங்களில் நடிக்கிறார்கள். மலையாளத்தில் திருமணத்துக்குப் பிறகும் ஹீரோயினாகவே நடித்து வருகிறார் மீனா. தமிழ் சினிமாவுக்கு அந்தளவு தாராள மனசு கிடையாது.

'வானத்தை போல', 'தசவதாரம்' போன்ற வெற்றிப் படங்களை தயாரித்த ஆஸ்கார் பிலிம்ஸ் ரவிச்சந்திரன் அடுத்து இந்திப் படத்தைத் தயாரிக்க பாலிவுட் போவார் என்று நாம் நினைத்தால் மனிதர் ஹாலிவுட்க்கு ஃபிளைட் பிடித்து விட்டார்.

இவர் தயாரிப்பில் ஆங்கிலப் படம் ஒன்று உருவாக்கவிருக்கிறது. 200 கோடி ரூபாயில் இந்த படம் தயாராகும் இந்தப் படத்தில் கதாநாயகனாக நடிப்பவர் ஜாக்கிசான். தமிழிலேயே ரூ100 கோடி ரூ150 கோடியில் பல படங்கள் வந்து கொண்டிருக்க ஆங்கிலத்தில் 200 கோடியில் தயாரிப்பது ஆச்சரியம் தருகிறது... ஒருவேளை தமிழில் வெளிவரும் பட்ஜெட் படங்கள் போன்று இந்தப் படமும் ஆங்கிலத்தில் பட்ஜெட் படமாக இருக்கலாம்...

ஜாக்கிசானுக்கு யார் ஜோடி... மல்லிகா ஷெராவத்தாக இருக்குமோ...?

ரஜினியின் பேரன் யாத்ராவின் முதல் பிறந்த தினம் போயஸ் தோட்டத்தில் உள்ள ரஜினியின் வீட்டில் அமர்களமாகக் கொண்டப்பட்டது.


தனுஷ்-ஐஸ்வர்யாவின் மகனுக்கு முதல் பிறந்தநாள். முக்கிய உறவினர்கள், நண்பர்கள் என அனைவருக்கும் அழைப்பிதழ் அடித்து வரவேற்பு கொடுத்த ரஜினி, அனைவரையும் தானே வரவேற்று உபசரித்து மகிழ்ந்ததை ஆச்சரியத்துடன் பார்த்துள்ளனர் சக கலைஞர்கள் மற்றும் நண்பர்கள்.

"தனது பிறந்தநாளை பெரிதாக கொண்டாட விரும்பாதவர் ரஜினி. ஆனால் தனது மகள் வழிப் பேரனுக்கு அவர் பிறந்த நாள் கொண்டாடிய விதம் வந்திருந்தவர்களை ஆச்சர்யப்படுத்தியது.

குழந்தைக்கு ஏராளமான பரிசுப் பொருட்களை வாங்கிக் குவித்த ரஜினி , சூழ்நிலையையே மறந்து, குழந்தையுடன் விளையாடிக் கொண்டிருந்தாராம்.

கலைஞரின் கதை வசனத்தில் உருவாகும் பெண் சிங்கம் படத்தின் தலைப்பை விரைவில் மாற்றப் போகிறார்களாம். இதற்கிடையில் அப்படத்தில் நடித்து வந்த ரம்பா, கால்ஷீட் சொதப்பியதால் நீக்கப்பட்டிருக்கிறார். ஏன்?


எலிக்கு எட்டு முழம் வேட்டி கிடைச்சா என்னாகும்? அதுதான் என்கிறார்கள். தமிழ்சினிமாவிலிருந்து அநேகமாக ரிட்டையர் ஆக வேண்டிய நேரத்தில் அவருக்கு கிடைத்திருக்கும் அந்தஸ்துதான் கால்ஷீட் சொதப்பலுக்கே காரணம் என்கிறார்கள். கனடாவை தலைமையிடமாக கொண்டு செயல்படும் நிறுவனம் ஒன்று ரம்பாவை பிராண்ட் அம்பாசிடராக நியமித்துள்ளதாம். இதன் காரணமாக அடிக்கடி கனடாவுக்கு விசிட் அடிக்கும் ரம்ஸ், சொன்ன நாளில் படப்பிடிப்புக்கு வருவதில்லையாம்.


பொறுத்து பொறுத்து பார்த்த டைரக்டர் பாலி, “உங்களால வர முடியலேன்னா சொல்லிருங்களேன்” என்று உதார் விட, இதற்காகவே காத்திருந்தாரோ என்னவோ, “நான் வரலே” என்று கூறிவிட்டாராம். ஆனால், இந்த அசந்தர்பங்களால் முதல்வர் மனசு நோகக் கூடாதே என்பதால் அவரையும் பார்த்து தனது நிலையை விளக்கி மன்னிப்பும் கேட்டு விட்டாராம். இப்போது அவருக்கு பதிலாக பொறுத்தமான வேறொரு நாயகியை தேடிக் கொண்டிருக்கிறார்களாம்.

பிரபுதேவா, நயன்தாரா காதலுக்கு எதிர்ப்பும், அச்சுறுத்தல்களும் தொடர்கின்றன. நயன்தாராவை பார்த்தால் அடிப்பேன் என்று பிரபுதேவா மனைவி ரம்லத் எச்சரித்தார். இதனால் காதலை முறித்து விட்டு நயன்தாரா விலகி விடுவார் என எதிர்பார்க்கப்பட்டது. ஆனால் முன்பை விட காதலில் தீவிரம் காட்டுவதாக நெருக்கமானவர்கள் முணுமுணுக்கிறார்கள்.


சமீபத்தில் சென்னையில் நடந்த சினிமா தொழிலாளர் மாநாட்டில் தைரியமாக பங்கேற்றார். டெலிவிஷன் பேட்டி ஒன்றில் பிரபுதேவா பெயரை கையில் பச்சை குத்தியிருப்பது பற்றிய கேள்விக்கு எனக்கு பிடித்தமானவர் பெயரை பச்சை குத்தியுள்ளேன் என்று பகிரங்கமாக அறிவித்தார்.


இருதினங்களுக்கு முன் ஐதராபாத்தில் நடந்த சினிமா விருது வழங்கும் விழாவில் பிரபுதேவாவும் நயன்தாராவும் ஜோடியாக பங்கேற்றனர். இருவரும் அருகருகே அமர்ந்து சிரித்து பேசியது விழாவில் பங்கேற்றோரின் கவனங்களை ஈர்த்தது. மற்றவர்கள் கவனிப்பதை பொருட்டாகவே மதிக்கவில்லை.


நயன்தாராவின் நடவடிக்கைகள் பிரபுதேவா மனைவி ரம்லத்துக்கு ஆத்திரமூட்டியுள்ளது. அவரை திட்டி எஸ்.எம்.எஸ். அனுப்பி வருவதாக கூறப்படுகிறது. இந்த நிலையில் ஐதராபாத்தில் பேட்டியளித்த நயன்தாரா யாருக்கும் பயப்படமாட்டேன் என்று அறிவித்துள்ளார். இதுபற்றி அவர் கூறியதாவது:-


எனக்கு கடவுள் நம்பிக்கை உண்டு. அதையே என்னுடைய பெரிய பலமாக கருதுகிறேன். நிறைய தன்னம்பிக்கை இருக்கிறது. எனவே எதற்கும் பயப்படமாட்டேன். எனக்குள்ள பெரிய சொத்தே எனது குடும்பத்தினர்தான். பொய் பேசுபவர்களை அறவே பிடிக்காது. அவர்களை வெறுக்கிறேன். என்னுடைய கவர்ச்சி எனது சிரிப்பில்தான் இருக்கிறது என்றார்.

ஏற்காட்டில் டிவி தொடரின் படப்பிடிப்பு நடந்தது. இதில் கலந்து கொள்ள நடிகை தேவயானி மற்றும் டிவி நடிகை, நடிகைகள் வந்து இருந் தனர். பின்னர் இவர்கள் எஸ்டேட் பங்களாக்களில் தங்கினர்.


இந்த தொடரின் படப்பிடிப்பு சனிக்கிழமை மாலை ஏற்காட்டில் இருந்து பக்கோடா பாயிண்ட் செல்லும் வழியில் நடந்தது.


இங்குள்ள காபி எஸ்டேட்டில் நடிகை தேவயானி பையை எடுத்து கொண்டு நடந்து செல்வது போன்று படமாக்கப்பட்டது. இந்த படப்பிடிப்பை அறிந்த திரளான மலைவாழ் பெண்கள் படப்பிடிப்பு நடந்த இடத்திற்கு வந்தனர்.


இவர்கள் அனைவரும் படப்பிடிப்பு நடந்த இடம் அருகே தடுத்து நிறுத்தப்பட்டனர். கூட்டம் சேருவதை அறிந்த தேவயானி, மலைவாழ் பெண்களிடம் வந்து நலம் விசாரித்தார். தொடரில் நீங்கள் நன்றாக நடித்து வருகிறீர்கள். உங்களுக்காகவே தொடரை பார்த்து வருகிறோம் என்று பெண்கள் தேவயானியிடம் கூறினர்.


பின்னர் அவர்கள் தேவயானியின் கையை பிடித்து வாழ்த்து கூறினர். பிறகு தேவயானி படப்பிடிப்பை பார்க்க வந்தவர்களிடம், படப்பிடிப்பு நடக்க உங்கள் ஒத்துழைப்பு தாருங்கள் என கூறி அவர்களை சமாதானப்படுத்தி அனுப்பி வைத்தார்.


இதனால் படப்பிடிப்பை காணவந்த பெண்களும், பொதுமக்களும் அங்கிருந்து கலைந்து சென்றனர். பின்னர் படப்பிடிப்பு நடந்தது.


இந்த தொடரின் படப்பிடிப்பு இன்னும் ஒரு வாரத்திற்கு ஏற்காட்டில் நடக்க இருக்கிறது.

ஐஸ்வர்யா ராய் தனது 36வது பிறந்த நாளை குடும்பத்தினருடன் கொண்டாடினார்.

இந்தித் திரையுலகின் முன்னணி நட்சத்திரமான ஐஸ்வர்யா ராய்க்கு இன்று 36வது பிறந்த நாளாகும். இதை மும்பையில் உள்ள தனது மாமனார் குடும்பத்துடன் எளிமையான முறையில் கொண்டாடினார் ஐஸ்வர்யா.


இதில் மிக நெருங்கிய நண்பர்கள் கலந்து கொண்டனர். மணிரத்தினத்தின் ராவணா படத்தில் நடித்து வரும் ஐஸ்வர்யா ராய், அதில் நடித்து முடித்து விட்டார். அடுத்து சஞ்சய் லீலா பன்சாலியின் குஜாரிஸ் படத்தில் நடிக்கவுள்ளார். ஹ்ரித்திக் ரோஷனுடன் இதில் ஜோடி சேருகிறார்.


இப்படத்தின் ஷூட்டிங் நாளை தொடங்குகிறது. இந்த நிலையில் இன்று பிறந்த நாளையொட்டி கிடைத்த கேப்பில் அதை அமிதாப் பச்சன் குடும்பத்தினருடன் கொண்டாடினார் ஐஸ்வர்யா. இதுதவிர ரஜினியுடன் எந்திரன், அக்ஷய் குமாருடன் ஆக்ஷன் ரீப்ளே ஆகியவற்றிலும் நடித்து வருகிறார் ஐஸ்வர்யா ராய்.


ஐஸ்வர்யாவின் பிறந்த நாள் கொண்டாட்டம் குறித்து இன்று அதிகாலை அமிதாப் பச்சன் தனது பிளாக்கில் எழுதுகையில், இது குடும்பத்தினருடன் நடந்த எளிய நிகழ்ச்சி. ஐஸ்வர்யா நீண்ட காலம் மகிழ்ச்சியுடனும், நல்ல ஆரோக்கியத்துடனும் வாழ வேண்டும் என வாழ்த்துகிறேன் என்று கூறியிருந்தார்.