சினிமா

நடிகர் ஆர்.கே. ‘எல்லாம் அவன் செயல்’ படத்திலும் ‘அழகர் மலை’ படத்திலும் கதாநாயகனாக நடித்தவர். அவர் ஒரு தொழிலதிபரும் கூட. அவர் சென்னை, தி.நகரில் ஒரு ஓட்டலைத் திறந்துள்ளார்.

இந்த ஓட்டலை காமெடி நடிகர் வடிவேலு திறந்து வைத்தார். இந்த ஓட்டலின் பெயர் ‘சாப்பிடலாம் வாங்க’ என்பதாகும். இந்த உணவகம் பற்றி ஆர்.கே. ‘அருமையான, உயர்தரமான உணவு தரவேண்டும் என்பது மட்டுமே எங்கள் குறிக்கோள். புகழ்பெற்ற உணவகங்களுக்கு சவால் விடும் வகையில் எங்கள் உணவகத்தின் சுவையும், சேவையும் இருக்கும். இரண்டு வருடகால முயற்சியின் வெற்றிதான் இது. நடிப்பும் தொழிலும் எனது இரு கண்கள். அடுத்து பிரபலமான இயக்குநர் ஒருவர் இயக்கத்தில் நடிக்க உள்ளேன்...’ என்று சொன்னார். உணவகத்தில் ஆர்.கே.வும் வடிவேலும் உணவருந்தி மகிழ்ந்தனர். ஒரு கட்டத்தில் ஆர்.கே. வடிவேலுக்கு ஊட்டிவிட அந்த இடமே கலகலப்பாக இருந்தது.