சினிமா

சினிமாவில் பிசியாக இருந்தாலும், சின்னத்திரையிலும் நடித்து அதிர்ச்சியை கொடுப்பார் பிரகாஷ்ராஜ். நடிப்புன்னா எல்லாம் ஒண்ணுதான்.


இதிலே நாடகம் என்ன? சின்னத்திரை என்ன? வில்லன் என்ன? ஹீரோ என்ன? என்பார் திறந்த மனசுடன். இதே ஸ்டைலை இப்போது ஒரு சில நடிகைகளும் பின்பற்ற ஆரம்பித்திருப்பதால், சின்னத்திரை ஏரியாவில் ஒரே கொண்டாட்டம்!.

பிரபல சேனல் ஒன்றில் இடம் பெறும் முக்கிய நிகழ்ச்சியான சாகச நிகழ்ச்சியை தொகுத்து வழங்குகிறார் லட்சுமிராய். இவர் நடித்த படங்கள் எதுவும் பெரிதாக போகாவிட்டாலும், இப்போதும் மார்க்கெட்டில் டிமாண்ட் இருக்கதான் செய்கிறது இவருக்கு. தமிழை விட மலையாளத்தில் இன்னும் கொஞ்சம் கிரேஸ். அப்படியிருக்கு ஏனுங்க சின்னத்திரை விசிட்? கேட்டால், படபடவென்று பொறிந்து தள்ளுகிறது பொண்ணு.



தாம் தூம் படத்தில் பெரிய ஹீரோவுடன் நடிச்சிட்டு இருக்கும் போது கூட சின்னத்திரை ஷோவில் கலந்து கொண்டவதான் நான். எனக்கு எந்த பாகுபாடும் இல்லை. அதே மாதிரிதான் இப்போ இந்த நிகழ்ச்சியிலேயும் கலந்துக்கிறேன். சினிமாவை விட மக்களிடம் இன்னும் எளிதாக போய் சேருகிற ஃபீல்டு சின்னத்திரைதான். இன்னும் பெரிய இடத்திற்கு போனாலும், நேரம் இருந்தா சின்னத்திரையில் என் பங்களிப்பு தொடரும் என்கிறார்.


இவராவது டம்பி பீஸ். எக்கச்சக்க சம்பளம் வாங்கிக் கொண்டிருக்கும் ஜெனிலியாவே சின்னத்திரையில் ஒரு ஷோவை தொகுத்து வழங்குகிறார். ஆனால் தமிழ் சேனல்களில் அல்ல, இந்தியில்! எப்பூடீய்ய்ய்ய்...

அடுத்த நமிதாவாக்கிக் காட்டுகிறேன் என இயக்குனர் ஷக்தி சிதம்பரம் சூளுரைத்திருக்கிறார். அதற்கு ஏற்ப கிளாமர் காஸ்ட்யூமா? நீச்சல் உடையா? எதற்கும் தயார் என கவர்ச்சியில் பின்னுகிறார் ஹேமமாலினி.


இந்திரவிழா படத்தின் நாயகி. தற்போது நான் அவன் இல்லை, குரு சிஷ்யன் படங்களில் நடித்து வருகிறவ‌ரிடம் ஒரு ஜாலி பேட்டி.


உங்களுடைய நிஜப் பெயரே ஹேமமாலினியா இல்லை, முன்னாள் கனவுக் கன்னி ஹேமமாலினியை மனதில் வைத்து சினிமாவுக்காக வைத்த பெயரா?


சினிமாவுக்காக இந்திரவிழா டைரக்டர் ராஜேஷ்வர் வைத்த பெயர்தான் ஹேமமாலினி. அந்த‌ப் பெயர் கொண்ட நடிகை சினிமாவில் புகழ்பெற்று இருந்ததால் அந்த‌ப் பெயரை வைப்பதாக‌க் கூறினார். எனக்கு இன்னொருத்தர் பெய‌ரில் நடிப்பது பிடிக்கவில்லை. அதனால் என்னுடைய நிஜப் பெயர் ஸ்ருதி பிரகாஷ் பெய‌ரிலேயே நடிக்க விரும்புகிறேன்.


நடிப்பதற்காக ஸ்பெஷல் பயிற்சி எடுத்திருக்கிறீர்களா?


என்னுடைய அம்மா ஒரு அத்லெடிக் பிளேயர். கராத்தே நன்றாக தெ‌ரியும். நானும் அவர்களுடன் சேர்ந்து கராத்தேயில் பிரவுன் பெல்ட் வாங்கியிருக்கேன். பரத நாட்டியம், கதக் சின்ன வயசிலிருந்தே கத்து‌க்கிட்டு வருகிறேன். நடிப்பது என்று முடிவான பிறகு ஆக்டிங் கோர்ஸில் சேர்ந்து நடிப்பு பற்றி படித்தேன்.


ஆனால், தமிழ் இன்னும் படிக்கவில்லை போலிருக்கிறதே?

நான் முதலில் நடித்தது ஒரு மராட்டிய படம். தமிழில் வாய்ப்பு கிடைத்ததும் ஒரு டீச்சரை வைத்து தமிழ் கத்து‌க்கிட்டேன். இன்னும் சில மாதங்களில் உங்களைப் போல தமிழ் பேசுவேன், பார்த்துக் கொண்டே இருங்கள்.



உங்களுக்குப் பிடித்த தமிழ் நடிகர்?


தமிழில் நான் விரும்பிப் பார்த்த படம், க‌ஜினி. அதில் சூர்யாவின் நடிப்பு எனக்கு ரொம்ப பிடிக்கும். அதேபோல் அசின்.


அவர்தான் உங்க ரோல் மாடலா?

என்னுடைய திறமையை நம்பி நடிக்க வந்திருக்கிறேன். கிடைக்கிற கேரக்டரை சிறப்பாக செய்ய வேண்டும் என்பதுதான் என்னுடைய ஒரே எண்ணம். ஆதனால் ரோல் மாடல் என்றும் யாரும் எனக்கு இல்லை.


உங்களுடைய சொந்த ஊர்...?

பூனா. மராட்டிய பொண்ணு நான். தமிழில் நடிப்பதால் இப்போது தமிழ்‌‌ப் பெண்.


கிளாமர் வேடங்களிலேயே நடிக்கிறீர்களே?

எனக்கு முதலில் கிடைத்தது கிளாமர் வேடம். தொடர்ந்து அந்த மாதி‌ரி கேரக்டர்களே வருகிறது. மத்தபடி, நடிப்பை வெளிப்படுத்தும் கேரக்டர்களில் நடிக்க வேண்டும் என்பதுதான் என்னுடைய ஆசை.


நீச்சல் உடை...?

இந்திரவிழாவில் நீச்சல் உடையில் நடித்ததி‌லிருந்து அது பற்றி கேட்கிறார்கள். நீச்சல் காட்சியில் சேலை கட்டி நடிக்க முடியாதல்லவா? கதைக்கு தேவை என்பதால் மட்டுமே அப்படி நடித்தேன்.


குரு சிஷ்யனில் நீங்கள் யாருக்கு ஜோடி, சத்யராஜுக்கா? சுந்தர் சி.க்கா?


சுந்தர் சி. ஜோடியாக நடிக்கிறேன்.


உங்களை அடுத்த நமிதாவாக்கி காட்டுகிறேன் என்று ஷக்தி சிதம்பரம் கூறியிருக்கிறாரே?


இப்போது கிளாமர் வேடங்கள்தான் எனக்கு கிடைத்திருக்கிறது. வெரைட்டியான ரோல்களில் நடிக்க வேண்டும் என்பதுதான் என்னுடைய ஆசை. நமிதாவை எனக்குப் பிடிக்கும். அவருடன் போட்டி என்று சொல்ல முடியாது. தவிர கவர்ச்சியை நம்பி அதிக காலம் தாக்குப் பிடிக்க முடியாதே.


இப்போது எந்தெந்த படங்களில் நடிக்கிறீர்கள்?

நான் அவன் இல்லை இரண்டாம் பாகம், குரு சிஷ்யன். இன்னும் இரண்டு மூன்று படங்களில் நடிக்க பேச்சுவார்த்தை நடந்து வருகிறது.

இயக்குனர்களின் கற்பனையை கேட்டால் நமக்கே கிலி பிடிக்கிறது. சமீபத்தில் அறிமுக இயக்குனர் திரு செய்த வேலையால் நாள் முழுக்க ஷவருக்கடியில் நனைந்து கொண்டிருந்தார் நீது சந்திரா.


தீராத விளையாட்டு பிள்ளையில் விஷாலுடன் மூன்று ஹீரோயின்கள் நடிக்கிறார்கள். அவர்களில் ஒருவர் நீது சந்திரா. கிளாமராக நடிக்க வேண்டும் என்று முதலிலேயே அக்‌ரிமெண்ட் போட்டுதான் மூவரையும் ஒப்பந்தம் செய்திருக்கிறார்கள்.


சமீபத்தில் நீது சந்திரா நடித்த பாடல் காட்சியை எடுத்தார்கள். பாத் டப்பில் நீது நீந்துவதுபோல் காட்சி. ஏற்கனவே ரேஷனில்தான் காஸ்ட்யூம் கொடுக்கப்பட்டிருந்தது. ஆனால், இயக்குனர் திருவுக்கு ‘ஹாட்’ போதவில்லை. குளியல் தொட்டியில் தண்ணீருக்கு பதில் சிவப்பு மிளகாயை மிதக்கவிட்டால் என்ன என்று விப‌ரீதமாக ஒரு ஐடியா தோன்றியிருக்கிறது.


மறு நிமிடம் அதனை செயல்படுத்தியிருக்கிறார்கள். காட்சி முடிந்த பிறகு நீதுவின் உடம்பெல்லாம் எ‌ரிச்சல். ஓடிப் போய் ஷவருக்கடியில் நின்றவர்தானாம். பேக்கப் சொன்ன பிறகுதான் வெளியே வந்திருக்கிறார். திரு இயக்கும் படம் என்றால் இப்போதே தெறித்து ஓட தயாராகி வருகிறார்கள் நடிகைகள்.